اسكريبتات ل سلمى ياسر

اسكريبت 41

- بيدو
= قلب وروح بيدو
- يا روحي على الحنية
= تنكري إني حنين
- أحن واحد في الدنيا
= قلبي يارب ، بس ما دام قولتي بيدو يبقى في طلب
- امممم ، بصراحة اه
= ايوه قولي في إيه !
- في إني بحبك
= عارفها دي وبحبك بردو ، إيه تاني ؟
- عايزة اقولك على حاجة بس من غير خناق
= مش متفائل
- ولا انا ، عايزه اروح رحلة الجامعة
= لا
- بس..
= من غير بس ، الموضوع منتهي
- انا إيه اللي خلاني اتخطبلك بس ما كنت رايقة وبابا بيوافق على طول
= بتقولي حاجة
- متهببتش
= ينفع تقولي لـ بابا كده !

( اه ما هو كمان بابا )

- يا عبدالرحمن عايزه اسافر يا عبدالرحمن تعبت يا عبدالرحمن دي مبقتش عيشه دي يا عبدالرحمن
= والله العظيم انا عارف اسمي مش محتاج تقوليلي كل شويه يا عبدالرحمن
- متهزرش وانا مضايقه
= في حد قمر وهو مضايق كده
-  اتكسفت وبصيت في الارض -  يووه
= احلى يووه دي ولا ايه
- شوف بيهزر ازاي وانا مضايقه !
= طب انتي عايزه ايه وانا اعمله ؟
- عايزه اسافر
= حاضر
- واروح بحر
= حاضر
- وتيجي معايا
= حاضر
- و..
= سلمى إحنا لسه مخطوبين على فكرة ولسه هشوف حل في حوار السفر ده
- كلمني كويس
= لا إله إلا الله ، كل ما اكلمها تقولي كلمني كويس ! اعمل إييه طيب ؟
- حبني
= ما بحبك والله العظيم
- اوي اوي
= اوي اوي اوي
- اتهبب سفرني بقا
= امشي يا سلمى انا غلطان اني جيت اقعد معاكي اساسا
- احنا فيها على فكره انت عندنا وحاجتك جاهزة جوا ممكن اجبهالك عادي
= اقولك على حاجة !
- قول
= والله ما تقدري تسيبيني ولا تبعدي عني ولا حتى تقلعي الدبلة دي من إيدك
- دي حقيقة
= شوفتي بقا
- عشان هتصعب عليا بس فـ مش هسيبك
= عشان متقدريش تبعدي عني
- ممكن بردو
= لا اكيد
- بس يالاا
= قلب الولاا 
- هتسفرني امتى ؟
= اوعي كده يا فصيلة اوعي ،، عم ياااسر .. ياا عم يااسر
• انت بتدور على عيل تايه يابني !
= بعد إذنك يا عم ياسر عايزين نكتب الكتاب
• ده من إيه ده !
= من بنتك
• بنتي ازاي يعني !
= بنتك عماله تحلو كده وتخطف قلبي كل شويه وانا عايزها تبقى مراتي وليا لوحدي
• فجأه كده
= ايوه ، ها كتب الكتاب امتا ؟
• كمان اسبوعين طيب
= سلمى الرحلة امتى ؟
- ....
= سلماااة
- ايه في ايه !
= الرحلة امتى ؟
- بعد أسبوعين
= طب يا عم ياسر كتب الكتاب الجمعة الجايه إن شاء الله جهزوا نفسكوا ، سموعليكووو

( قام مشي وانا وبابا لسه بنبص لبعض ومش مستوعبين في إيه !

هو عبدالرحمن مجنون اه ولما بيتجنن بيعمل حاجات غريبة بس إيه اللي حصل ده في إيه !!

بدأنا نجهز لـ كتب كتابي على الأستاذ عبدالرحمن اللي مجنني

- ألو
= أحلى الو دي ولا ايه
- عبدالرحمن
= قلبه
- انجز عايز ايه
= فاضل يوم ، يوم واحد وتبقي بتاعتي وعلى اسمي ، يوم واحد وتبقي في حضني ، يوم واوصل لـ حضنك
- على فكرة عيب كده على فكرة
= على فكرة بحبك على فكرة
- على فكرة بموت فيك على فكرة
= طب كفاية على فكرة
- ياريت ، يلا تصبح على خير
= وانتي في حضني

*  يوم كتب الكتاب *

- الو
= صباح الخير يا ست البنات
- صباح الخير يا حبيبي
= هتبقي بتاعتي النهارده
- ايوه اخيرا
= يلا قومي استنيني عشان اجي اخطفك
- مستنياك اهو
= بحبك
- مبحبكش لا
= هنشوف الموضوع ده لما اجي
- سلام

*بارك الله لكما وبارك عليكما وجمع بينكما في خير*

= مراتااااااااي
- اتجوزتووووو
= بقيتي حرم عبدالرحمن اخيرا
- يا أحلى يوم في عمري
= يا كل عمري ، بحبك
- بحبك يا عبدالرحمن ، بحبك اوي
= عبدالرحمن مجنون بيكي
- كده بقا هنروح الرحلة وهتيجي معايا !
= رحلة إيه ؟!
- رحله الجامعة
  جامعة إيه ؟
- الجامعة بتاعتي يا عبدالرحمن
= عبدالرحمن مين ؟
- انت يا حبيبي
= حبيبك مين ؟ هي من اولها مرمطة ولا إيه !
- يعني مش هتوديني الرحلة ؟
= لا مش لاعب ، تعالى يا عم ياسر أنت صدقت ولا إيه ده انا كنت بهزر !

لولا وجودك ما حييت ♥️🌏
#سلمى_ياسر

" تفااااعلكم شويه معانا " 😕♥️