اسكريبتات ل سلمى ياسر

اسكريبت 20

- على فكرة إحنا مش هنتكلم تاني
= ده ليه إن شاء الله ؟!
- عشان كلامنا ده حرام
= حرام ازاي !
- يعني حرام هو إيه اللي حرام ازاي ، انا مينفعش اقولك الكلام ده تاني ولا اسمعوا منك ، انت مش جوزي عشان تقولي كده
= سلمى في إيه ؟
- فى إننا مش هنتكلم تاني يا عبدالرحمن ولو عايزني بيت أبويا موجود وأظن إنك عارف مكانه ده بيت عمك يعني
= طب انا مش فاهم ف إيه بردو
- في إنك إبن عمي وتجوزلي ومينفعش أقولك الكلام اللي بقولهولك ده ولا ينفع نتكلم أصلا ولا أسلم عليك ولا اقعد معاك ولا نتصور ولا اي حاجة من الحاجات دي
= و ده من امتى !
- من دلوقتي
= سلمى انتي بتهزري صح !
- لا يا عبدالرحمن مش بهزر احنا كده بنغضب ربنا ولا انت اخرك ف الاسلام الصلاة بس !
= يعني إيه !
- يعني بيت عمك مفتوح يا ابن الحلال لما تجهز ابقي تعالي اطلبني منه ولما ابقى مراتك ابقى قولي كل اللي نفسك فيه ، انا ماشيه
< انتي شايفة إنك صح ومرتاحة ؟
- ايوه يا رضوى انا كده مرتاحة مش هغضب ربنا عشان يباركلنا وهو لو عايزني هيتعب ويجيب اخرو عشان ابقى مراتو
< بس متنسيش إنه لسه بيدرس
- وفيها إيه ! هو بابا هيطلب منه شهادة التخرج يعني لما يتقدملي ! هو ييجي يقعد معاه بس ويطلبني منه ويعرفو انه عايزني وشاريني ، فيها إيه دي ؟
< فيها إنه لسه بيدرس ولسه بيجهز نفسه
- عنده شقته من زمان وشغل وشغال ، يا ستي حتى نلبس دبلتين نضمن بعض لحد ما يتخرج ونكتب الكتاب ويتعب شويه عشاني ، هو مش المفروض بيحبني بردو ؟
< مش عارفه يا سلمى اللي تشوفيه صح وترتاحي فيه اعمليه
- انا كده مرتاحة
< مش هتقدري تبعدي عنه ، ده انتي دايبة فيه
- هطلبه من ربنا وهتمناه يبقى جوزي في اسرع وقت
< ربنا يجعلكوا من نصيب بعض
- يارب
< انا همشي بقا
- ماشي يا رضوى
قامت مشيت وانا قعدت افكر ف قراراي ، ما هو كلامنا ده غلط اصلا ، مينفعش اقوله الكلام ده وهو غريب عني ! ايوه غريب عني هو ابن عمي ويجوزلي والكلام اللي بينا ده حرام

- وحشني اوي يا رضوى
< هيجيلك يا سلمى ، عبدالرحمن بيحبك ومش هيبعد عنك
- بقالي 5 شهور معرفش عنو حاجة ولا بسمع اسمه حتى
< إن شاء الله يبقى كويس
- يارب يبقى بخير يارب احميه ليا
• سلمى
- نعم يا بابا
• جايلك عريس وهييجي بكره يقعد معانا
- اللي حضرتك تشوفو يا بابا
عريس ! عريس مين اللي يجيلي ! ده انا قلبي وروحي وكل حاجة فيا مع عبدالرحمن ! ابقى لغيره ازاي !!
• تعالى يا سلمى
- نعم يا بابا
• انا هسيبكوا تتكلموا شويه
= هتفضلي باصة في الارض كتير !
- رفعت وشي بسرعة لما سمعت صوتو ، عبدالرحمن !
= ايوه يا ستي عبدالرحمن اللي بهدلتيه عشان ييجي يطلبك من ابوكي قبل ما حد يخطفك مني
- انت فين بقالك 5 شهور !
= وحشتك ؟
- عبدالرحممنن
= خلاص خلاص ، كنت بتعب ل أجل عيون ست البنات
- يعني إيه !
= انتي لما مشيتي انا قعدت افكر في كلامك ولقيت ان معاكي حق وكلامك كلو صح ، ف اعمل ايه بقا ؟ بقيت بشتغل اكتر من الاول وحوشت فلوس شبكتك يا ست البنات وجيت طلبتك من ابوكي ومستنيين موافقة حضرتك
- ...
= تعبت اوي يا سلمى ، دوست على نفسي اوي في الخمس شهور دول عشان اوصلك وتبقي مراتي ، كنت بشتغل ف مكانين ومبنامش عشان خاطر عيونك ، عشان ابقى قدامك دلوقتي وبطلب ايدك من ابوكي وتبقي بتاعتي
قومت دخلت اوضتي وقعدت اضحك واعيط من الفرحة
• ها يا سلمى إيه رأيك ؟
- اللي حضرتك تشوفو يا بابا
• انا شايف إن عبدالرحمن ابن عمك وعارفينو وهو شاريكي وعايزك ومش هنلاقي احسن منه
- ...
• اعتبر السكوت علامة الرضا
- ضحكت
• طب في حاجة
- إيه ؟
• هو عايز يكتب الكتاب على طول عشان تبقوا على راحتكوا
يا قلبي اللي طاير في السما يا ناس
- اللي حضرتك تشوفو يا بابا
• على بركة الله
اتفقوا على كتب الكتاب و في وسط تفكيري لقيت مسدج على الموبايل
* كلها بكرة يا ست البنات وتبقي مراتي ، تصبحي في حضني *
هو مصمم يخليني احبو اكتر طيب !
جيه معاد كتب الكتاب .. كنت لابسة فستان ابيض وطرحة نفس اللون والفرحة باينه على وشي
"" بارك الله لكما وبارك عليكمل وجمع بينكما في خير ""
= اتجوزتهاااااااا
حبيب قلبي المجنون
= يا فرحة قلبي بيكي
- يا فرحتي برجوعك ليا
= بقيتي مراتي اخيرا وهحب فيكي براحتي
- ضحكت ، على اساس إني كنت هبقى لغيرك
= خوفت ، خوفت ييجي غيري ياخدك مني ، انتي ليا انا وبس وبقيتي على اسمي من النهاردة ، بحبك يا سلمى بحبك أوي
- بحبك يا سيد الناس
* لولا وجودك ما حييت *
#سلمى_ياسر

" رأيكم "