اسكريبتات ل سلمى ياسر

اسكريبت 34

- روحوا قولوله لما أطوله هتجوزه يجماعه
= سلمى يا حبيبتي
- نعم !
= بقالك قرن بتقولي هتتجوزيه وهو اصلا ميعرفش إنك موجودة على الكوكب
- على فكرة بقى هو بيكراش عليا زي ما أنا بكراش عليه
= سلمى فوقي انتي محدش يعرفك غيري
- لا على فكرة يا ياسمين يعني انا في ناس كتير تعرفني وأحمد القمر اللي هناك ده يعرفني بردو
= بلا نيله
( حسيت إني اتضايقت من كلامها وفي اللحظة اللي أحمد كان واقف فيها عند الكاشير يطلب الأكل كنت واقفه جمبه )
- لو سمحت
• نعم ؟
- حضرتك تعرفني ؟
• افندم !!
- مش بهزر ولله ، أنت تعرفني ؟
• ك شخص لا بس بشوفك في الكلية يعني
- يعني عارف إني عايشه على الكوكب هنا !
• هو في حاجة يا آنسة ؟!
- لا يا قلب الآنسة بالهنا والشفا الأكل مقدماً
• شكراً
( رجعت مكاني تاني جمب ياسمين وهي كانت باصه في الموبايل )
- ياسمين
= هاا ؟
- طلع عارف إني معاه في الكلية
= طب كويس ، انتي بتقولي إيه !!!!
- ما أنتي ضايقتيني ف روحت سألته وقالي إنه عارف إني عايشه على الكوكب
= وأنتي مبسوطة ؟!
- جداً
= أنا مش عارفة ليه سيبت كل الناس وصاحبتك أنتي
- أنتي كنتي تطولي يا بنتي!
= تعرفي تسكتي ؟
- اعرف معرفش ليه
= جدعة
( فضلت أبصلها شويه وبعدين لفيت وشي عشان أتابع أحمد وهو بيتكلم مع صحابه ، وهو بيضحك ، وهو بياكل ، وهو بيشرب البيبسي اللي حبيته أكتر لما عرفت إنه بيحبه ، مش عارفه ليه مشدودة ليه هو بالذات بس هو جميل! 💛)

" وكأنك سقطت بقلبي وحلفت ألا تغادره! 💛"

( ياسمين خدت بالها إني باصه ناحيته كالعادة ف شدتني عشان نمشي )
- إييه بتجريني كدا ليه ؟!!
= وأنتي واقفه متنحه ناحيته كده ليه!
- مش عارفه يا ياسمين بس أنا لما بشوفه مبقدرش أبعد عيني عنه ، مببقاش عايزه أشوف حد تاني غيره ، لو بقى هو 180° اللي عيني بتشوفهم مش هزعل ، مش عارفه أنا ليه متعلقة بيه كده وهو معمليش أي حاجة بس أنا .. أنا حاسه إني بحبه !
= أنتي شكلك سخنة ومحتاجة تروحي تنامي قبل ما ألطشلك في الشارع
- تفتكري ممكن يحبني ؟!
( مردتش عليا ومش فاهمة ليه! ، أنا كنت عايزاها تجاوب على سؤالي ، هو ممكن حد ميعرفنيش يحبني ؟! )

" تزداد حيرة قلبي كلما يراك وأنت لا تعلم ، ف متى يطمئن بك ! 💛 "

- روحي يا ياسمين إحنا وصلنا
= سلمى
- نعم ؟
= لو من نصيبك هيكونلك ف متتعبيش قلبك على الفاضي
- طب انا ذنبي إيه إني حبيته ، دي حاجة مش بإيدي ، أنا فجأه لقيتني بميل وبتابعه وبراقبه وبحاول أبقى زي ما بيتمنى بس خايفه بعد كل ده يروح ل واحده تانيه ، انا مش عارفه حبيته امتي وازاي بس قلبي غصبني ومقدرتش
= مش قصدي حاجة يا سلمى بس مش عيزاكي تدخلي في متاهة حبه ومترجعيش وانا عارفه إن بقالك فترة وبتقولي بهزار ، بس أنا مش صاحبة كام يوم إحنا صحاب من زمان ف أنا بفهمك اكتر من أي حد ، متتعبيش قلبك وسيبيها على ربنا ، انا همشي
( قامت مشيت وأنا فضلت زي ما أنا ، سرحانة ف اللا شيئ! )

" لن تطول المسافة بين قلوبنا ، سوف تتضائل حتى تختفي 💛"

(قومت صليت وقعدت شويه بدعي ربنا إنه يرزقني الخير)

" وإن كنت بتمنى الخير ف أنا بتمناك 💛"

( تاني يوم صحيت عشان اروح الجامعة مع ياسمين )
- أنا جاهزة انتي فين ؟
= خلاص نازلة اهو ، يلا قابليني عند المحطة
- ماشي جايه
( وصلنا الجامعة ودخلنا على الكافيتيريا عشان نجيب بيبسي وشوفته ، مكونتش عارفه أبعد عيني عنه وفي نفس الوقت لازم أبعدها ..! )
= يلا يا سلمى
- هو جاي عندنا ليه ، أنا خايفه!!
= متخافيش
• ازيك يا سلمى ، مش سلمى بردو ؟
- والله اللي حضرتك تشوفه
( ضحك ورفع ايده يعدل بيها شعره بتوتر وبعدين اتكلم)
• أنتي كنتي سألتيني لو كنت أعرف إنك عايشه على الكوكب ولا لا والإجابه إني عارف وسألتيني لو عارف إنك معايا في الجامعة وانا بردو عارف ، بس انتي نسيتي تسألي أنا عارف إنك بتحبيني ولا لا
- هااا !
• هعتبر إنك سألتي وهقولك إني عارف ، بس انتي كمان عارفه إني بحبك ؟
- هااا !
• إيه يا حبيبتي أنتي مش عارفه غير هاا 😹
- حبيبتك!
• ما تقولي ل صحبتك حاجة يا ياسمين
- انت كمان عارف اسمها !
• انا اعرف عنك كل حاجة و تقريباً مراقبك زي ما انتي كنتي بتراقبيني بس انا كنت صايع شويه والدليل إنك كنتي شاكه إني اعرفك أصلاً ، المهم الحاج فاضي امتى ؟
- دلوقتي عادي
• ضحك - طب استأذنك في رقمه
( قولتله الرقم ومشيت ، بس أنا مبسوطة! )

" بتوه فيك كل يوم من نظرة 💛"

( روحت البيت ولقيت ماما مجهزاه لاستقبال قرة عيني 😹💛 ، عدا كام ساعه وجيه ، مش عارفه فات قد إيه وأنا بفكر في أسامي عيالنا وبعدين بابا ندهلي ف دخلت )
• ساكتة ليه ؟
- حلو مالك ؟
• مالك أحمد .. امم حلوو .. زيك 💛
- والبنوتة ؟
• سلمى
- هتبقى باسمي ازاي
• عشان اسمك يفضل مربوط باسمي طول العمر
- بتحبني من زمان ؟
• من أول ما عيني شافتك ")
- وبعدين ؟
• تتجوزيني!
- لا يليق بي غيرك !💛

" لولا وجودك ما حييت 💛"
#سلمى_ياسر
" متنسوش لو عجبكم الاسكريبت تدعمونا بفولو ولايك 💛 "