اسكريبتات ل سلمى ياسر

اسكريبت 14

- طب يا بنتي اقعدي معاه يمكن يعجبك
= لا يا ماما مش موافقه عليه
- ليه يا بنتي ده عبدالرحمن متربي وسطينا وعارفينه
= بردو مش موافقه هو زي اخويا
- يا بنتي اسمعي الكلام
= لا مش موافقه
- ربنا يهديكي

( بصتلي بـ حُزن وخرجت من الاوضة مسكت موبايلي وكلمت ياسمين هي اللي بتعرف تهون عليا )

< ايه يا قلبي
= ايه يا ياسمين
< مالِك ؟
- نفس الموضوع عبدالرحمن
< طب يا بنتي جربي اقعدي معاه طيب وشوفي
= لا أنا عايزه أحمد
< بس أحمد لعبي يا سلمى وانتي عارفه
= بس هو وعدني هيتظبط وييجي يكلم بابا
< طيب اللي تشوفيه بس أنا من رأيي تدي عبدالرحمن فرصه

( اضايقت إنهم كلهم موافقين علي عبدالرحمن بس أنا بعتبره أخويا إحنا متربيين مع بعض وعمري ما شوفته غير إنه أخ وبس ! )

نزلت الجامعه تاني يوم عشان اقعد مع صحابي واغير جو وكلمت أحمد قالي ..
°  أنا في البيت مش رايح في حته
بس أنا مقولتلوش إني هنزل ..

( روحت الجامعه وقعدت مع صحابي وشويه سمعت صوت أنا عرفاه كويس ده صوت أحمد بس لا أحمد قالي هو في البيت لو جاي كان هيقولي ومفيش ثواني لقيت صوت بنت بتضحك معديه من جمبي وصوت أحمد بيقولها '' يخربيت ضحكتك ''

كدبت وداني بس بصيت عليهم لقيت أحمد ماسك إيد واحده وبيضحكوا وماشيين من جمبي
هو قالي انه مش نازل وبعدين أحمد بيحبني اكيد مش هيوجعني كدا !!

قعدوا على ترابيزه قريبه مني شويه لقيت نفسي قايمه ورايحالهم أول ما شافني اتخض وبصلي أوي .. سسلممى
بصتله ببرود - شوفتك فـ قولت اسلم عليك
~ ااه اناا اناا كويس

( مديت ايدي لـ البنت اللي معاه )
= تشرفنا

(بصتلي ب استغراب وسلمت وبصتله )

= فرصه سعيده عن اذنكو

(لفيت ومشيت خدت شنطتي وطلعت ركبت وروحت ،، دخلت على اوضتي على طول وقفلتها عليا وقعدت اعيط معقول كل ده بيضحك عليا ؟ يعني هو مبيحبنيش ؟ ليه عملت كدا يا احمد !!💔 )

( فضلت في اوضتي يومين مبكلمش حد ولا باكل ولا برد على حد ، ماما دخلت قعدت جمبي )

= ماما هو عبدالرحمن لسه مصمم يتجوزني ؟
- اه يا بنتي كل ما نقوله رافضه يقول أنا مستني لحد ما توافق
= ليه ؟
- ما دام ماسك فيكي كده يبقى شاريكي يا مغلباني
= طب أنا موافقه اقعد معاه
ماما والفرحه باينه على وشها - بجد يا سلمى هتقعدي معاه
= اه يا ماما بلغي بابا
- ربنا يهديكي يا بنتي ويفرح قلبك ويجبر بخاطرك