اسكريبتات ل سلمى ياسر

اسكريبت 26

-اتجوزني
ايه ده في ايه
-مش انا اكتر واحده فهماك ؟
ايوه
-اكتر واحده بتكلمها ؟
حصل
-اكتر واحده معاك ف تفاصيلك ؟
بالظبط
-اكتر واحده حفظاك ؟
اه
-بتدور علي عروسه ليه بقا هاا ؟!
م هو اصل...
-مفيش اصل انت هتتجوزني
عافيه
-لا بالحب عادي
لا انا زهقت منك هدور على واحده جديده
-هتلف تلف وتجيلي
مش هاجي
-هنشوف وسييته ومشيت ،، ( انا وعبدالرحمن صحاب من واحنا ف الحضانه واهلنا عارفين بعض وصحاب اووي وكمان مع بعض ف الكليه )
-ماما انا جيت
حمدلله ع سلامتك يا حبيبتي
-الله يسلمك ياست الكل
ادخلي غيري هدومك علي ما اجهز الاكل
- حاضر ،، دخلت اوضتي وقعدت افكر ف ان عبدالرحمن ليه بيدور علي عروسه هو انا مش عجباه طب طب .. انا هكلم رضوى
رضوى : كلبوبتي
- قلب كلبوبتك
رضوى : ايه يا كلبه عامله ايه
- عبدالرحمن بيدور على عروسه
رضوى : ويدور ليه يا قلبي م انا موجوده
- نعم !!
رضوى : قصدي م انتي موجوده
- ايوه كده اتعدلي
رضوى : طب هتعملي ايه
- مش عارفه بس هو بارد
رضوى : علي قلبك زي العسل
- حقيقه 😹
( ف مكالمه ع الويت لقيته هو ) ،، طب هكلمك تاني يا رضوى
ماشي يا قلبي ،.. رديت عليه ألو
بتكلمي مين
- وانت مالك
سلمى
- نعم
بتكلمي مين قولت
- واحد زميلي بيسألني على حاجة
زميلك مين ده إن شاء الله
- متعرفوش
لا ولله انتي ليكي زمايل معرفهمش
- ايوه طبعا
اه وبعدين
- ولا قبلين عايز ايه عشان هكلمه تاني
انتي مش هتكلمي حد وهتطفحي وتتخمدي
- قنبله أدب
عندك اعتراض
- تصبح على خير يا عبدالرحمن
ع الله الاقيكي ويت تاني
- براحتي
سلماااا
- سلام ،، قفلت وقعدت اضحك م هو لما انت بتحبني بتمثل ليه بقا
( صحيت على تليفونه ) ،، الهانم هتفضل نايمه
- خير
ف جامعه
- مش رايحه
من امتا الكلام ده
- من النهارده
طب عشر دقايق والاقيكي تحت
- مش هنزل
مستنيكي وقفل ! "مش هنزل انا هو مجنون ولا ايه انا حره مش هنزل هي عافيه ... ماما حلو الفستان ده
اه يا حبيبتي حلو
- خلاص هروح بيه الجامعه ... " ايوه انا مهزءه وبسمع كلامه بردو 😹"
جدعه متأخرتيش
- انا نزلت بس عشان متروحش لوحدك وتبقى مفتقدني
لا يا شيخه
- ايواا
بت
- قلب البت قصدي عايز ايه
ضحك .. شكلك حلو اوي
( احضنك واحنا ف الشارع كداا طيب هتتبسط ؟ ) .. شكرا
تنحة تنحة يعني
- شالله يخليك
امشي امشي ،، مشينا وروحنا الجامعه اول ما دخلنا لقيت احمد جاي يسلم علينا ويقولي عايزك ف موضوع كداا عبدالرحمن  فكرو هو اللي كنت بكلمه ف الموبايل امبارح وانه هو ده زميلي اللي هو ميعرفوش ف قالو خير
!انا عايز سلمى بس ف حاجة
ايوه عايز خطيبتي ف ايه
انا سمعت خطيبتي تنحت
=خطيبتك !
ايوه خطوبتنا اخر الاسبوع عقبالك وسلم عليه وداس علي ايده جامد وشدني ومشينا وانا مبسوطه جداا بس مبينتش😒
- ايه خطيبتك اللي قولتهالو دي
م دي الحقيقه
- مين قالك اني هوافق عليك
مقدامكيش حل تاني
- هي عافيه
لا
- اومال
بحبك
- ايه
ايوه بحبك ومحبتش غيرك من ساعه ما عرفت يعني ايه حب
- طب وكنت بتدور على عروسه ليه
عشان تغيري عليا وتقوليلي اتجوزني
- رخم علي فكره
قلب الرخم علي فكره 😹♥️
- وبعدين ،، لقيته نزل علي ركبته وطلع علبه من جيبه كان فيها خاتم حلو اووي
تتجوزيني
- انا مش نايمه صح
ضحك لا زي القرده اهو
- قرده ف عينك
قرده ف قلبي
- ضحكت .. بحبك
بموت فيكي ،، هتتجوزيني
- مش هبقى لغيرك💕
* لولا وجودك ما حييت *
#سلمى_ياسر

( رأيكم بقا + وحشتوني جدا 😹♥️ )