رواية فداء الوطن [ مكتملة ]

فصل 15: ضيفة القصر

استغرب أسد من كلامها.. كيفاش الإنتقام ؟؟ مبقا فهم والو راسو ضرو بهاد القضية لي مرضاتو.. عاود طرح عليها السؤال بجد:
- ممكن توضحي ليا كثر؟؟ ا آنسة نور..

نور مسحت دموعها بطراف ايدها وركزت نظرها على الأمواج فقط عاد بدات كتهدر بقلب مكسور:
- شاهين قتل ليا عائلتي بلا رحمة ولا شفقة وحرمني منهم وأنا في أمس الحاجة ليهم وللحنان ديالهم.. عشت طفولتي كلها في الميتم لي كان بالنسبة ليا سجن!! كان كيحساب ليا ماتو في حادثة.. لكن من بعد كثاشفت أنهم تقتلو بأبشع الطرق وهادبا زاد هدا كيقول ليك شاهين تعدا على مامااا..

انفاجرت نور من البكا حيث كتحس بالآلم.. واش عارف آشناهيا واحد يقتل ليك عائلتك وهو دبا عايش مرتاح هداك راه العداب بعينيه.. أسد لي نزل عليه هاد الخبر بحال العاصفة عمرو ما توقع الحقارة ديال هاد الرجل توصل لهاد الحد.. يعني شاهين مقتلش غير عائلتو هوا قتل عائلات وعائلات وحرم ولادهم منهم.. زاد الحقد عما ليه عينيه والكره كبر في قلبو دبا زاد إصرارو باش ينحي هاد العصابة بلي فيهاا.. مينكرش أنه بقات فيه نور بزاف.. هو لي رجل ومقدرش يتحمل العداب ديال هاد السنين وعساك هي لي بنت ضعيفة مغاديش تقدر تحمل گاع هادشي.. ملقا مايدير باش يواسيها جرها من خصرها بقوة وخشاها في أحضانو باش تهدا.. حتى هي جاتها من الجنة والناس بكات حتى عيات ومسحت خناينها في حوايجو حتى بردت عاد بعدت عليه ومسحت دموعها وسكتت وبقات كتشوف غير في البحر وكتستنشق الهواء..

دازت مدة ونور وأسد واقفين عند البحر وكيتسنطو لعقلهم.. بالخصوص أسد معرفش آشنو يدير باش يقضي على شاهين.. عاد شاك واش كاين حتى في الوجود ولا مكاينش.. عيا ميفكر وعيا ميزگي في الأحداث ولكن والو مفهم حتى حاجة.. الشخص الوحيد لي عارف هو طوربيدو خاصو يحقق معاه في أقرب وقت ويعرف منو الحقيقة.. لكن حتى هدا أمر صعب لأنه هداك مستحيل يعتارف واخا يقطعوه طراف طراف.. قاطع أفكارو نور لي قالت بهدوء:
- ياله نمشيو!!

هز راسو شاف فيها وقال بنفس النبرة:
- اه ياله!!
تحركو لجهة الطموبيل وركبو وقبل مايكسيري قالت نور وهي كتقاد في الصمطة:
- خاصني نجيب اللوطو ديالي خليتها حدا السجن..
أسد مجاوبهاش حدو ساكت الشيء لي خلاها تهز راسها فيه فلقاتو حاضي شي جهة من الزاجة ديال الطموبيل.. دارت شافت فين كيشوف وهي تقوس عينيها مني شافت راجل واقف حدا واحد الطموبيل كحلة لابس كلشي كحل وداير القب على راسو وحاضيهم من بعيد.. معرفت راسها باش تبلات شكون هدا لي حاضيهم واش زعما شي جاسوس.. أكيد لا هادو ماشي من صفات الجواسيس.. قاطع أفكارها أسد لي كسيرا باللوطو غادي طاير.. درب الدورة وممشاش من جهة داك الشخص أبدا.. الشيء لي خلا نور غير حاضياه باستغراب.. مقالت والو لأنها مفهمت والو.. قال أسد وهو كيسوگ:
- غادي نديك للدار دبا والطموبيل غادي نرسلها ليك مع واحد من رجالي..
شافت فيه نور مستغربة وقالت:
- ولكن...!!
أسد قاطعها بصرامة:
- متعاوديش معايا الهدرة..!!