رواية فداء الوطن [ مكتملة ]

فصل 13: رجل غريب

وصول المساء

الكل سالا الأشغال ديالو في المقر.. أسد وعلي ركبو ومشاو واخا علي بالو كلو بقاا مع نور.. أدريان مشا مع أريانا حيث عارضهاا لعشا.. وحتى ستيڤانيو ركب في سيارتو وكسيرا لدارو.. ركبت نور في سيارتهاا وكسيراات غادة لڤيلا ديال عامر.. ومكانتش منتبهاا بثاثاا للسيارة لي كانت ملاحقاهاا.. ولي راكب فيهاا شخص عيونو كي صقر كيترقبهاا ومكيفلتهاااش.. كان داير القب الكحل على راسو مغطي معالم وجهو.. وصلت نور قدام الڤيلا ديال عامر.. فرانات اللوطو ونزلت متجهة لداخل بخطواتهاا الثابثة.. بينما السيارة الأخرى قلبت الدورة ومشات طايرة..

نور مباشرة مني دخلت للڤيلا بان ليهاا عامر گالس في الصالة ومعاه شخص في نفس سنو كيتبادلو الحديث.. فضولها لي قتلها خلاها توقف عليهم وسط الصالة وقالت بهدوء:
- سلام..!
شافو فيها بجوج.. قال عامر بابتسامة:
- مرحبا..
حولت نظرهاا للشخص الأخر ولقاتو حاضيهاا بابتسامة بشوشة قال حتى هو بهدوء:
- وعليكم السلام ابنتي.. گلسي نتعرف عليك..

شافت في عامر لي حرك راسو بگلسي.. گلست بجنب عامر هاد الأخير لي قال لنور:
- نور نعرفك هدا السيد جهاد المرتضى.. رجل أعمال مشهور في أمريكا وعندو نفوذ وأعمال وفروع كثيرة.. وجا المغرب مؤخرا وبغا يزورنا..

شافت نور في جهاد وقالت:
- تشرفت بيك سي مرتضى..
ابتسم ليها مرتضى ورشف رشفة من قهوتو وهو كيترقبهاا وقال:
- الشرف ليا آنسة نور..
حركت ليه راسها بآه ثم قالت باستئذان:
- سمحوليا عنطلع لبيتي..
ثم ناضت جمعت الوقفة وطلعت للغرفة ديالهاا..

جهاد مرتضى شاف في عامر وقال بجد:
- هادي هي البنت..؟
ابتاسم عامر ابتسامة جانبية وقال:
- تماما.. وأنا كنتيق في القدرات دياالها دكية بزاف حيث مدة وأنا كنراقبها..

بادلو جهاد الإبتسامة وقال:
- كنتمنى يكون الإختيار ديالك صائب اسي عامر وأنا من ديما كنتيق في اختيارك حيث عارفك رجل عندو عقل كيفكر مزيان ويعرف الصح من الخطأ..

قال عامر وهو كيوسع ابتسامتو الجدابة:
- كنشكرك مسيو جهاد..
ضحك جهاد وقال:
- ههه المهم عندك تنسى غدا متجيش الحفلة ديال عيد زواج بنتي الثاني.. وعندك تنسى متجيبش معاك آنسة نور وحتى الأصدقاء لي ساكنين معاك أما أسد أنا لي غادي نتكلف بيه..

قالها ثم جمع الوقفة وناض وقال:
- ياله نخليك دبا..
وقف معاه عامر وتبادلو السلام وقال عامر:
- غنجي إنشاء الله مسيو جهاد..

ابتسم ليه ثم قلب جهاد الطريق ومشا مع الباب.. في حين عامر عاود گلس وهز القهوة ديالو وبدا كيرشف منها وابتسامتو الجدابة مكتفارقش وجههو.. خصوصا أنه عندو أفكار في هداك الراس..

عند أريانا وأدريان'

وقف اللوطو قدام مطعم راقي نزلت أريانا وهي كتقاد في حوايجهاا لي كانو عمليين ماشي ديال الخروج.. قالت ليه ديني لدار حتى نلبس عاد نمشيو لكن أسر عليهاا تبقا غير هكداك.. شد ليهاا في ايدها ودخلو للمطعم خداو مقعد وگلسوو.. أريانا كدور عينيهاا في المطعم وقالت بابتسامة:
- زوين بزاف عمري شفتوو..
بادلهاا الإبتسامة وقال:
- ياله فتح جديد..
شافت فيه وقالت:
- مزيان..