تمشاو مدة وهوما كيدورو في ديك المساحة وكيشوفو في الأرض لايلقو شي حاجة مهمة.. أما أسد كان كيخبط الأرض برجلو خايف يكون المقر السري ديال شاهين تحت هاد الأرض.. ابتاسم على هبالو لكن جمعها انفوا مني سمع نور قالت بصوت مرتافع:
- مسيووو أساااد آجييي تشوووف!!!
دار شاف فيها فـين واقفة ومشا بسرعة جهتها حتى وصل وقال بتساؤل:
- آش واقع؟
نعتت ليه بصبعها في الأرض.. بينما هو شاف فين نعتت وهو يوسع عينيه من الصدمة وهو كيشوف في تيلي مرمي.. شاف في نور لي فهمت راسها ومشات كتجري للطموبيل جبدت بلاستيكة والاة صغيرة.. وجات بسرعة تحدرت وهزت التيلي دارتو في البلاستيكة كيف كادير الشرطة العلمية باش ميتخلطوش البصمات.. عاد ناضت بسرعة وقالت:
- يمكن هادي الحاجة الوحيدة لي لقينا في هاد البلاصة!
ابتاسم جنب وقال:
- الا كان هاد التيليفون هو نفسو لي تصور منو الڤيديو.. فأنا متأكد أنه لي رماه مدارش بتاتا بحساب البصمات.. حيث مغاديش يخطر على بالو أننا غادي نوصلو هنا..
جاوباتو نور وقالت:
- ولكن راه مراقبينا واقيلة وديما سابقينا بخطوة.. ولولا مكانوش قتلو داك الپايرت..
حرك راسو بآه وقال وهو كيتنهد:
- ولكن منظنش أن عصابة شاهين هي لي قتلاتو.. أكيد هداك عندو حسابات مع شي حد آخر.. لأنه كن كانو بصح سابقينا بخطوة مكنتش غادي نلقا هاد البلاصة من خلال الحاسوب ديالو.. كانو غادي يستهدفو الحاسوب ديالو قبل ميستهدفوه ويقتلوه..!
حركت ليه راسها بفهمت على احتمالو.. ثم دارت غادة مني بان ليها تحرك.. مدة حتى ركبو في سيارتهم وتوجهو للمقر..!
مدة ماشي كثيرة وكانو في القاعة ديال الإجتماع.. عطاو لأريانا تكلف بالتيلي باش يعرفو البصمات لي فيه.. بينما نور ناضت وستأدنت منهم بأنها خاصها ضروري تمشي للدار..
ركبت في السيارة ديالها وكسيرات طايرة حتى وقفت قدام الڤيلا ديال عامر.. فرنات اللوطو وهزت الكتاب من المجر لي كاين تما ونزلت.. شافت في الڤيلا ديال أدهم بانت ليها مافيها حتى واحد.. قلبت عينيها ودخلت.. الڤيلا كيف ديما خاوية مشات لبيتها ومباشرة لواحد الخزنة حلتها بكود حطت فيها الكتاب.. عاد مشات للحمام دوشت وبدلت حوايجها حيث من البارح وهي لابساهم.. مشات مباشرة تلاحت فوق الناموسية حيث كانت عيانة بزاف..
داز الوقت وهو يتحل الباب ودخلت أريانا كتفيق في نور.. هاد الأخيرة لي حلت عينيها وناضت قافزة من بلاصتها.. بينما أريانا قالت:
- بسم الله عليك! مالك؟
تنهدت نور وقالت بتعب:
- الله على نعيسة نعست! شحال داز ديال الوقت دبا؟؟
جاوبتها أريانا بملل وقالت:
- دازت شي ثلاثة سوايع باش مشيتي من المقر..
حركت ليها نور راسها بآه بينما أريانا كملت وهي كتقول بحماس:
- غدا قررنا باش بلاما نخدمو.. آشنو بان ليك بشي خرجة نديرو شوپينغ!
ياله كانت غادي تجاوبها بآه وهي توقف حتى تفكرت شي حاجة وهي تقول:
- لا نخليوها لمرة آخرى.. عندي شي حوايج خاصني نديرهم..
قالت أريانا:
- اوكي احبيبة على خاطرك..
أنت تقرأ
رواية فداء الوطن [ مكتملة ]
Боевик❀ فِــــــداءُ الوَطـــــــن ❀ بقلــــم: ريكس نونـــا ′ YTTY242 ′ لا تتشابه النساء أبداً ، فـ في كل امرأة حكاية وذكرى وسطر جديد من الرواية لكن هناك امرأة تظل لا تتكرر مرة أخرى ولا يشملها قانون النسيــ...
![رواية فداء الوطن [ مكتملة ]](https://img.wattpad.com/cover/247255374-64-k656452.jpg)