رواية فداء الوطن [ مكتملة ]

فصل 14: نقطة ضعف

دارت بسرعة جيهتو وحاسة بقلبها غادي يخرج من بلاصتو من كثرة الخفقان.. تقدم عندهاا أسد وقاال بهدوء وهو كيشوف في عينيهاا:
- وااش كتقلبي على داك الحقير دياال أدهم..؟

شافت فيه باستغراب وقاالت بتساؤل:
- وااش كتعرفوو..؟؟
ابتسم أسد ابتسامة خبث وقاال:
- مجرد رجل أعمال مشهور لعين مكينش لي مكيعرفوش..
سرطت نور ريقهاا وقاالت بثوثر:
- لاا أنا مكنتش كنقلب عليه غير كنت كنشوف وصافي..
هبطت راسها من الثوثر وكملت:
- س سمحليا غادي نمشي..

دورت وجهها بغات تمشي.. لكن بسرعة هز ايدو وجرها من خصرهاا بقوة حتى تضربت في صدرو وايديها جاو فوق كتفو.. نور معرفت باش تبلات حاسة بقلبها غادي يخرج من بلاصتو.. قالت وهي كتحاول تحيد ليه ايدو لي في خصرها:
- مسيو أسد طلق مني ع عفااك..

أسد مادار حتى شي ردة فعل فقط بقا كيتفحص ملامح وجهها البريئة لي كتمحقوو.. نور بلعت ريقهاا من الثوثر خصوصاا دوك الشوفات لي كيدير فيهاا وثروها.. قالت بصوت هاادئ وكتنفس بسرعة:
- م مسيو أسد ع عفاك رخي م مني..

أسد مبقاش عاقل على راسو آش كيدير هو فقط تابع أحاسيسو في هاد اللحظة ومهامو حتى واحد.. نزل عينيه لشفايفهاا لي كيرجفوو بالثوثر.. نور شافتو فين نزل عينيه وهو يزيد ثوثرهاا كثر وكثر.. ياله كانت غادي تهدر وهو يصدمها مني حط شفايفو على شفايفهاا.. كيبوسها بهدوء.. نور حست بالدنيا دارت بيها في هاد اللحظة.. وقلبها قريب يسكت مكرهتش تنشق الأرض وتبلعهاا أخر موقف توقعت تحط فيه هو هذا.. بقات غير مشرعة عينيهاا بصدمة ومدارت حتى شي تجاوب.. غمضت عينيهاا فاش حست بيه ضغط على خصرها بالجهد حتى قصحها.. أسد في هاد اللحظة حس أنه غير هو وياها لي كاينين في هاد العالم.. حس بإحساس زوين راوغو ومكرهش يبقا ديما بحال هكا خاشيها في أحضانو..
بقا كيتلدد بشفايفهاا بتمعن ومرة كيضغط عليهاا حتى كتآلم.. حتى حس على راسو عاد بعد شوية وخلاهاا حالة عينيها بالصدمة..

عامر كان واقف عند الدورة وشاف كلشي بعينيه.. هاد السيد مكتفلت ليه حتى حاجة ولو كانت تافها.. كان شاك في هاد الأمر وقرر يتأكد فاش شافها مشات لحمام وأسد تبعهاا.. وسع إبتسامتو الجانبية وقاال مع نفسو:
- الله على الحب شحاااال زوين هههه..

بينما في الجانب الأخر كان واقف شخص لابس الكحل وكيصور اللقطات باحترافية.. بدون مايشوفو شي واحد.. حتى سالا التصوير عاد ابتاسم بنصر وقلب الدورة ومشاا وفي ايدو لكاميرة ديالو..

نور من كثرة الحشمة دغيا سلتت من بين ايديه وقالت بغضب موجها كلامها ليه:
- سي أسد كنتمنى هادشي مايتعاودش مرة أخرى وإلا غادي تشوف شي وجه مغاديش يعجبك..

خلاتو واقف ومشات بسرعة كتجري حتى خرجت برة ووقفت حدا أريانا وأدريان وكان انضم ليهم حتى علي وستيڤانيو.. هاد الأخير لي قال لنور:
- لالة نور آش هاد الجمال كاامل..!