رواية فداء الوطن [ مكتملة ]

فصل 8: عميلة فاشلة

أصبحنا وأصبح الملك لله
في قصر الحسني/ الساعة 08:00 صباحا

في هاد الأثناء من هاد الصباحية گالس أسد في السيارة ديالو وفي ايدو الهاتف وهو كيدوز لخط حتى حطو على وذنو وتسنى قل من جوج الثواني تفتح الخط وقال بنبرة شبه غاضبة وحواجبو منقضة مع بعض:
- الو سي عامر..!!

جاوبو عامر وهو گالس في المكتب ديالو والإبتسامة الجانبية لي مكتفارقش الشفاه ديالو:
- سي أسد شرفتينااا..!!
ضغط أسد على سنانو من العصبية اللي كيحاول هاد المخلوق اللي سميتو عامر يركبها فيه مع هاد الصباح ثم قال بنبرة غاضبة:
- مغنكترش معااك الهضرة.. عطيني النمرة ديال هاااديك..!

على إثر كلامو اختفت ديك الإبتسامة من على وجه عامر وظهر في مكانها الغضب وقال وهو ظاغط على سنانو وعلى عينيه شوفات الغضب القاتل:
- شكوون هااديك..؟؟
ابتسم أسد بخبث من ورا الهاتف وقال بنبرة استهزاء:
- كنظن غادي تكون عرفتيها اسي عامر هاديك اللي معول عليها تقضي على عصابة شاهين.. مقضيناا عليها حتى حناا لي رجالة مبقااا غير وحدة من الجنس اللطيف..

على إثر كلامو عاود تفطح عامر على الكرسي وبدا كيضحك بطريقة خلات أسد يركب فيه جنون الغضب.. ثم قال عامر بطريقة استهزائية كأنه كيرد ليه الصرف على كلامو لي قال:
- كتقصد نور الهلالي.. تيقني اسي أسد أن هاديك لي كتسهزأ بيهااا هي اللي غادي يكون ليها الفضل في هاد القضية.. أما نتاا كون كنتي راجل وسيد رجال كون راك لقيتي شاهين في قل من يومين.. ماشي دازت عشر سنين ومقدرتي دير والو..

هاد الهدرة اللي گال خلات البراكين تغلي في قلب أسد وجرحاتو في كرامتو.. كيفاش يتجرأ هاد المنعدم ديال عامر يستهزأ بيه بهاد الطريقة.. اه هو بصح مقدرش يلقا شاهين لكثر من عشر سنين ولكن الغلط ماشي ديالو.. الغلط ديال مصطفى اللي كان كل مرة كيبدا فيها هاد المهمة كيدير ليه شي عائق في طريقو.. وفي اللخر كيقول ليه راني غير خايف عليك من هداك الرجل الخطير.. خرج من أفكارو على إثر كلام عامر اللي فيض المياه من الكأس وخلات شريط الصبر عند أسد يتقادا..
وهو كيقول:
- ولمعلوماتك هاديك اللي كتستهزأ بيها.. مجاتش تسنيتيها هاد العام ونصف حتى تدربات وفي اللخر تستهزأ بيهاا..

حل أسد عينيه من الصدمة وودنيه كيحس بيهم تسمكو وهو كيسمع فيه كيقول تسنيتيهاا عام ونصف.. قال والصدمة مزال مسيطرة عليه:
- اشنو كتقصد بهاد الهضرة..؟؟
ضحك عامر بصوت مرتافع فقط باش يزيد من الغضب ديال أسد وقال:
- ايه عام ونصف اللي كنتي كتسناا هاد الوقت كامل فقط بينما دربت نور الهلالي..

جاوبو أسد وهو كيحس بسنانو غادي يتقلعو من بلاصتهم كثر ماضغط عليهم بسبب الغضب:
- كيفااش قدرتي دير هاادشي..؟؟
كان كيتسنا شي جواب من عند عامر اللي يكون مقنع ويقدر يهدنو واخا غير شوية.. لكن عامر خسر عليه جملة وقال:
- النمرة ديالها غادي توصلك منها لدقيقة..