رواية فداء الوطن [ مكتملة ]

فصل 41 والأخير: النهايـــة

دازت ساعة تقريبا وفي الصالة.. كانت سمر گالسة مع لينا كيهدرو بيناتهم فشي أمور.. حتى فجأة بانت ليهم مروى جاية.. شافو فيها كيتسناوها توصل عندهم.. جات عندهم وسلمت عليهم بلاپيز وگلست وسطهم وهي كضحك.. قالت بدون مقدمات:
- البناات بغيت نقووليكم شي حاجة ضرورية..

هزت سمر حاجبها وقالت:
- امم واشناهيا هاد الحاجة..؟؟
ابتاسمت مروى ابتسامة واسعة وقالت:
- هه الصراحة ليوم جا عندي واحد الزبوون باش نرسموو.. كاان وسييم بزااف وكيحمق.. وعاد من الفووق مني كملت باس ليا ايدي بلبااقة وقاليا جات زوينة حيث مرسومة بهاد الإيدين الزوينين..

شافو فيها بجوجاات باستغراب قبل ماتقول لينا بمزاح:
- سمر واش شفتي السيدة ليووم جاات طايحة على زنافرهاا..
بادلتها سمر المزحة وقالت:
- اه احبيبة اه.. جات طاايحة..
شافت فيهم مروى عاقدة حواجبها وقالت:
- علااش كضحكو عليا بحال هكاا واش بغيتو زعما تحشمووني.. راه مغااديش نحشم وجهي قااصح..

على كلامها تفرشخو كاملين بالضحك.. بينما قالت سمر وهي كتحبس الضحكة:
- هه ايوا احبيبة قولي لينا شكون هدا واش قاليك سميتوو.. ؟؟
دارت عندها مروى وجاوبت على سؤالها وهي كتقول بحمااس:
- اه قاليا سميتو يحيى ناصر..!
عقدت سمر حواجبها وقالت:
- يحيى ناصر.. اوكي خلينا نديرو عليه روشيرش ونعرفو شكون هو أكيد شي واحد مشهور..
ابتاسمت مروى وهي كتوافقها الأمر.. بينما سمر جبدت التيلي وبدات كدير بحث على هاد المسمى يحيى نااصر.. مدة ودارو عليه بزاف دالبحوث وقراو بزاف ديال المقالات على حياتو وأعماالوو.. قالت لينا بابتسامة:
- معندووش خطيبة وممزوجش يعني هادي فرصتك باش تحصلي عليه..

سدت سمر التيلي وقالت:
- اه كلامها صحيح.. الى عجبك مضعييهش عليك.. هدا رجل أعمال مشهور..
ابتاسمت مروى وقال وهي متحمسة:
- اه البناات عجبني بزااف.. وهاد المرة الى شفتوو غادي نحااول نطور علاقتـ

قطعت مروى فجأة كلامها والدموع تغرغرو في عينيها.. شافت فيهم وقالت بحزن:
- علاااش شكوون غادي يقبل وحدة بحاالي أصلا.. سمر أنا غير بنت مغتاصبة أكيد كلشي غادي يعيفني.. ومغـ

 قاطعتها سمر وهي كتقول بغضب:
- مرواا علااش كتقوولي بحاال هكدااا وااش كيحسااب ليك راسك نتي شايطة ولاشنوو.. مروى آخر مرة نسمع هاد الكلاام نتي مكنتيش باغا هادشي وزاديون لي يبغيك يبغيك كيفما نتي ماشي ضروري خاص تكون عندك بشونة.. هدا لي يهينك بشرفك مراجل موالو غير بعدي منو واخا يكون ملك جماال..

ابتاسمت مروى براحة.. بينما لينا بقات غير حاضياهم مصدومة من هاد الخبر.. بقات فيها بزاف مروى.. قاطعت تفكيرها وناضت مروى طلعت لبيتها.. بينما سمر قربت عند لينا وبدات كتعااود ليها على آشنو واقع مع مروى...

❀

شرقت الشمس كتعلن على يوم جديد في سان فرانسيسكو خاصة والولايات المتحدة الأمريكية عامة.. وبالظبط في مطار سان.. حلقت طائرة خاصة في السما.. كان فيها أسد وحداه نور لي بغات طير بالفرحة حيث وأخيرا غادي ترجع لوطنها.. وتعلن على بداية حياة جديدة..