رواية فداء الوطن [ مكتملة ]

فصل 10: قصة أدريان

تعصب أسد من كلامو.. جمع قبضة ايدو وكان غادي ليه كن مشداتو نور من دراعو وقالت:
- تهدن امسيو أسد..!
ثم حولت نظرهاا لجهة أدريان وقالت:
- سي أدرياان كنتمنى تفسير لهاادشي..!!

قلب أدريان عينيه بملل وقاال:
- أولا اه هدا رمز الأطلاو.. وثانيا أنا ماشي خائن.. وثالثا عامر عارف هادشي وهو شايف هاد الوشم بعينيه.. وكيف حتى نتوما عندكم أهداف في هاد القضية فحتى أنا بحالي بحالكم..

أدريان بان الشرار في عينيه كأنه تفكر شي حاجة أولا ديك الشرارة عبرت على ألاامو وغضبوو الشديد.. لان الرجل كيتآلم إلا لضاقت بيه الدنياا..

شافو فيه كلهم باستغراب كيتسنااوه يقول شي حاجة.. بينما هو مشا گلس جنب الناموسية وقال بآلم وهو حادر راسو:
- فاش حليت عينيا في هاد الدنيا لقيت راسي مع واحد المرأة طيبة وحنونة.. هي لي رباتني وعتابراتني بحال ولدهاا من صلبهاا.. كانت ديك المرآة مغربية.. عكسي أنا لي بريطاني.. ولا عمري عشر سنين وجينا للمغرب استقرينا فيه دازت عام وجاتني خبر موتهاا في حادثة السير بحال الصاعقة.. قتلتني وأنا طفل صغير ومعندي دنب.. حتى لقيت راسي ولد في الشوارع ومتشرد ويتيم.. حتى المياتم كنت ديما كنهرب منهم حيث كيعدبوناا وبزااف.. واحد الليلة كنت..

بدات كترجع بيه الداكرة قبل عشرين سنة

"•flash back•"
كان أدريان طفل صغير كيتجول في الشوارع حيث بعد موت مو مابقا عندو حتى واحد من غير راسو.. غادي ودموعو عند طرف عينو وهو كيحس بالخوف وعدم الأمان.. شوية بانت ليه واحد الطنوبيل كحلة موديل غالي جاية جيهتو.. حتى وصلت حداه وهي تفراني بقوة..

نزلو منهاا جوج ديال الرچالة لابسين بدلات رسمية.. توجه واحد منهم عند أدريان وتحدر على ركابيه وقال:
- الزوين اشنو كدير هنا في هاد الليل..؟؟
بقا أدريان حاضيهم ببراءة وراكبو الخوف من هاد الشخص لي مكيعرفوش قال بتردد:
- ا أناا معنديش دار..

عقد الرجل حواجبو ودار عند الرجل الأخر تبادلو بعض النظرات وضحكات استهزاء لي مفهمش أدريان المغزى ديالهاا.. ثم عاود قال:
- أشنو بان ليك تجي معايا.. أنا ساكن غير بوحدي ومنها تونسني..

شاف فيه أدريان بخوف وحرك راسو بلا وقال:
- لاا مااما ديما كتقول ليا منتيقش في الناس الغرابين..

على إثر كلامو تفرگعو هادوك الجوج بالضحك وهادشي زاد رگب الخوف في أدريان حتى ولا كيرجف.. وبلا مقدمات جمع الرجل الضحكة وجبد شي زيف من جيبو وحطو على نيف أدريان بقوة وخلاه كيتركل حتى فقد الوعي وهزوه داروه في اللوطو وكسيراااو..

دازت مدة مقدرش يعرفهاا أدريان شحال هي.. واش نهار ولا شهر ولاعام.. لي قدر يعرف هو أنه مخطوف حالياا.. كان في واحد الغرفة مظلمة وباردة بزااف كيتمنى يعيش في الزنقة حياتو كاملة.. وميبقاش في هاد المكان المظلم هو خاف دبا وخاف بزاف..