رواية فداء الوطن [ مكتملة ]

فصل 40: أنت الخائن

انقضت سيزار حواجبو وهو كيفكر واش يتيقها ولا لا لأن هاد الكلمة ديال معلومات خطيرة لعبت فيه وخلاتو يستنتج أن خاصو يعرف أش هاد المعلومات.. و في الأخير قرر وقال ضاغط تحت سنانو..
- رجعي وقفي حدا برج فيرمونت.. غادي يتلقاك السائق أنا غادي نقابلك شخصياا..!
 
قطعت معاه نور الإتصال وضحكت بفرحة.. دارت شافت في أسد لي حواجبو منقضة وقالت باصرار:
- أسااد صاافي راه قلت ليك مغادي يجرى ليا واالو أنا بيخير..
شاف فيها أسد وقال بصرامة:
- نور هاد الناس ممعاهمش اللعب.. من الأحسن كن غير بدلنا الخطة..

حطت ايدها على كتفو وقالت:
- أسد ياك نتا كتيق في احساسي.. وأنا إحساسي كيقول ليا بأنه كلشي غادي يدوز بيخير..
تنهد كيفكر.. ثم قال بحدة:
- اوكي غادي نكملو هاد الخطة ولكن متخافيش أنا غادي نحمييك..!
على كلامو تلاحث عليه وباستو في حنكوو.. وقالت بابتسامة:
- هه دبا مزياان.. متخافش أنا غادي نكون بيخير..

داز مدة من الوقت وبالظبط وفي نفس البلاصة قدام برج فيرمونت.. واقفة نور بنفس الطريقة كتسنا الگارد يلحق عليهاا.. للحظة فرنات اللوطو من نوع رونج عند رجليها.. وهبط الزاج ببطء.. هنا وسعت نور عيونها من الصدمة.. لكن تغلغلت الفرحة لقلبها.. مني شافت أسد لي هبط الزاج كان لابس لباس الگارد ونظارات في عينيه.. استنتجت أنه دار شي حاجة للگارد الأصلي وخدا بلاصتوو.. ركبت اللور وسدت الباب.. وفي البلاصة انطالق بيها بدون ماينطق أي كلمة.. هو دبا عارف راسو فين غادي والعنوان عندوو.. لكن مبغاش يرسل رجال جهاد باش تمشي الخطة مقادة.. سمع اتصال في السماعات ديال الگارد لي خداها ليه.. فتح معاه الخط وقال سيزار بصوت صلب:
- سربي خلاص متعطلش راني كنتسناك..

جاوبو أسد بصوت صارم باللغة الإنجليزية:
- واخا اسيدي هاني في الطريق..
قال سيزار بهدوء:
- ياله قطع دبا جاني اتصال من البووص..
قطع عليه وأسد عقد حواجبو باستغراب.. كيفاش جاه اتصال من البووص واش هو الرئيس ديالهم ولاشنو.. هادشي كيعني أنه مازال كاين راس لفعة آخر.. هو لي من ورااه هادشي كامل..

بعد مدة وقف أسد في مكان خالي.. كانو في انتظارو بزاف ديال السيارات.. وفي وسطهم كانت ليموزين بيضة واقف قدامها سيزار.. نزلت نور وفي ايدها الساك ديالها.. شاداه ومثوثرة من الجوو.. قربت حتى وقفت قدام سيزار لي هبطها ونزلها بشوفات مكر وقال باستهزاء:
- مرحبا..!

حركت نور راسها وقالت بهدوء:
- س سلااام..!
عوج سيزار راسو بضحكة جانبية وقال لواحد من رجالوو بنبرة آمرة:
- تعالى خود الساك وقلبوو مزياان..!
جا الگارد خدا ليها الساك وقلبو مزيان لقا فيه شي وراق وشي تخربيق لكن لاوجود للألماسة..
فقال بصرامة:
- مكينااس الألمااسة اسيدي..!
خنزر فيها سيزار وقال بصرامة:
- واش عندك تفسير لهادشي..؟؟

سرطت ريقها وحركت راسها باه ثم جبدت الألماسة من جيبها ومدتها ليه.. حركها في ايدو كيتمعنها ثم قال:
- اووه ممتيقش هادشي.. نتي محترفة برافو عليك..
ابتاسمت جنب ثم قالت ببرود:
- امم باقي مسالينا.. خاصني نشرح ليك شي حاجة كانت عند ماثيو مقابل الثمن لي غادي تعطيني..!