"ဟား"
သင့်တင့်သော ရာသီဥတုနှင့် သာယာသောမနက်ခင်းလေးတစ်ခုတွင် aircornလေအေးအေးလေးဖြင့် အေးချမ်းနေသော အခန်းလေးတစ်ခုထဲ၌ တစ်စုံတစ်ယောက်သည် သက်ပြင်းရှည်ကြီးကိုမှုတ်ထုတ်ကာ လေကိုအဝရှူရင်း နိုးထလာရသည်။
အိပ်ရာမှ ထထချင်း ကိုယ့်ခန္ဓာကိုယ်ကိုယ်ငုံ့ကြည့်တော့ ကိုယ်ပေါ်တွင် တင်းကျပ်စွာဖက်ထားသော လက်တစ်စုံနှင့်အတူ မြင်နေရသော ရင်ဘက်ပေါ်မှ နီရဲရဲ အကွက်တွေက မြင်မကောင်း။
မိမိအား အတင်းအကျပ်ဖက်ထားသည့် လက်တွေရဲ့ပိုင်ရှင်ကိုကြည့်လိုက်တော့ သူကတော့နှစ်ခြိုက်စွာ အိပ်မောကျနေဆဲပင်။
"ဟူး! အတန်းမရှိလို့တော်ပါသေးရဲ့"
သက်ပြင်းမောကိုချကာ ရေရွတ်ရင်း ကိုယ်ပေါ်ကလက်တွေကို ဖယ်ထုတ်နေမိသည်။ သို့သော် လက်တွေကပြေလျော့မသွား။ ပိုလို့ပင် တင်းကျပ်လာလေသည်။
"ရှင်းငယ် နိုးပြီမလား ထကွာ"
"........"
"ရှင်းငယ်လို့"
"မနေ့ကလိုပုံစံလေး နောက်တစ်ခေါက်လောက်"
"ဟင်"
နိုးနိုးချင်းပင် မျက်လုံးမဖွင့်သေးဘဲအိပ်ချင်မူးတူးအသံနှင့် ထိုကောင်လေးပြောလာသော စကားကြောင့် စိုင်းမော်ရှန်းမျက်နှာလေးရဲကနဲ ဖြစ်သွားရ၏။
မနေ့က...အမယ်လေး။
ခေါင်းတွေကိုခါလိုက်မိသည်။
မနေ့က သူကလည်းသူ၊ သူကိုကသောင်းကျန်းမိသည်မို့။
"နော်လို့ မနေ့ကလိုလေး နောက်တစ်ခေါက်လောက်ပါဆို"
"မနေ့က? ငါ ငါ ဘာလုပ်လို့ ဘာကိုနောက်တစ်ခေါက်လဲ"
ရူးချင်ယောင်ဆောင်ကာပြန်မေးတော့ ခေါင်းကိုလက်ထောက်ရင်းထလာလေသည်။ ပြီးနောက်သူ့ကိုစိုက်ကြည့်လျက်
"မမှတ်မိဘူးလားပြော"
အရှက်မရှိ ပြောလာသော ရှင်းလျှန်စကားကြောင့်စိုင်းမော်ရှန်း၏ မျက်နှာလေး ရဲပြီးရင်းရဲလာရသည်။
YOU ARE READING
မေတ္တာရိပ်မြုံလေးထဲဝယ်မောင်နဲ့ငါ (𝑪𝒐𝒎𝒑𝒍𝒆𝒕𝒆𝒅)
Romanceမောင်နဲ့ငါ့ရဲ့ဇာတ်လမ်းလေးကိုဒီနေရာလေးမှာမင်းတို့ကိုပြောပြသွားမယ်။ဇာတ်လမ်းလေးကဘယ်လိုစခဲ့လဲဆိုတော့................ ေမာင္နဲ႔ငါ့ရဲ႕ဇာတ္လမ္းေလးကိုဒီေနရာေလးမွာမင္းတို႔ကိုေျပာျပသြားမယ္။ဇာတ္လမ္းေလးကဘယ္လိုစခဲ့လဲဆိုေတာ့................
