Hăo Jiŭ Bù Jiàn（好久不见)(Completed )

part 22

<Unicode>

ကုတင်ဘေးမှာထိုင်ပြီး..ရှောင်းကျန့်ရဲ့ နဖူးကိုစမ်းလိုက်.. လက်လေးကိုဆုပ်ကိုင်ပြီး တရှုံ့ရှုံ့နမ်းလိုက် လုပ်နေတဲ့ ရိပေါ်ကို ဝမ်ပါပါး မျက်နှာချင်းဆိုင် ကုတင်တဖက်ခြမ်းမှာ မျက်စိဒေါက်ထောက်ကြည့်နေတယ်။

အန်ကယ်​ရှောင်းတို့ ဇနီးမောင်နှံနဲ့ ဝမ်မာမားက ဘာမှမပြောဖြစ်ကြပေမယ့် စိုးရိမ်မှုတွေ အထင်းသားတွေ့ရသလို.. ရိပေါ် ကြည့်မိတိုင်း ဝမ်ပါပါးကတော့..အနားမကပ်နဲ့ အခန်းထဲက ထွက်သွားဆိုတဲ့ အဓိပ္ပါယ်နဲ့ ကြည့်​​နေတယ်။ဒါပေမယ့် ရိပေါ်ကတော့ မသိချင်ဆောင်ထားတုန်းပဲ..။

ခုနက ရန်ပွဲတောင်..ကြားထဲက ဝမ်မာမားနဲ့ ရှောင်းကျန့်မာမား ဝင်ဆွဲပေလို့..။ကလေးဒီလောက်ထိ နေမကောင်းဖြစ်တာမသိရအောင်..မင်း ဘာလုပ်နေလဲ..တဲ့လေ။ပါပါးဒီလောက်ထိ ဒေါထွက်တာ ပထမဆုံးအကြိမ်မြင်ဖူးခြင်းပဲ။

အိပ်ပျော်နေတဲ့ ကောင်လေးက မို့အစ်နေတဲ့ မျက်ခွံတွေနဲ့..။သတိမရ​​​သေးတာဆို ပိုမှန်လိမ့်မယ်..။

ညက..( ကျနော် အစောကြီးအိပ်ချင်လို့ )ဆိုတဲ့ မက်ဆေ့ချ်ကြောင့် ဖုန်းမခေါ်တဲ့ ကိစ္စက တကယ်ကို နောင်တတပွေ့တပိုက်နဲ့ ကျန်ခဲ့ဖို့ ဖြစ်လို့နီးပါး..။

ဘေးမှာ ကောင်လေးဖုန်းကို တွေ့တာမို့.. ယူကာ ဖွင့်ကြည့်လိုက်မိတယ်..။အရင်လို ရိပေါ်ရဲ့မွေးနေ့ကို password အဖြစ်ထားတုန်းပဲ။ မြင်လိုက်ရတဲ့ မ​က်ဆေ့ချ် Draftက နွေခေါင်ခေါင်ကြီး ခေါင်းပေါ် မိုးကြိုးအစင်းတရာလောက် ပစ်ချခံလိုက်ရသလိုပဲ။
( ကျနော်ကိုကို့ကို လက်လွတ်လိုက်ဖို့ ဆုံးဖြတ်ပြီးပြီမို့..လမ်းခွဲရအောင်..)တဲ့ ..။

ခုထိ..ကိုယ်ဘာအမှားတွေလုပ်မိလို့ ကောင်လေးက လမ်းခွဲဖို့ထိလုပ်တာလဲ.. စဥ်းစားတာ အဖြေမထွက်နိုင်ဘူး..။

ညက ငိုယိုပြီး..သူ့ပါပါးနဲ့ မာမားကို လာခေါ်ဖို့ တတွတ်တွတ်ပြောနေခဲ့တယ်ဆိုတဲ့ကောင်လေး။ တခါမှ မျက်ရည်မကျခဲ့ဖူးဘူးဆိုတဲ့ ကောင်လေးက ကိုယ့်ကြောင့်ပဲ မျက်ရည်ကျနေရတယ်ဆိုတာ တွေးလိုက်မိတော့ ကိုယ့်ကိုယ်ကို အပြစ်တင်လို့မဆုံး..။ခုလိုဖြစ်တာ ဘာအကြောင်းကြောင့်ဆိုတာတော့ ဘယ်သူမှမသိပေမယ့်.. သေချာတာတခုက ရိပေါ်ကြောင့်..။