🐝
🐝🐝
🐝🐝🐝
🐝🐝🐝🐝
🐝🐝🐝🐝🐝🐝
*_ƙᴜᴅᴀ ʙᴀᴋᴀ ʜᴀʀᴀᴍ_*
🐝🐝🐝🐝🐝🐝
🐝🐝🐝🐝
🐝🐝🐝
🐝🐝
🐝
*_❝Imɑm Shɑfi'i yɑ ce: "Zinɑ bɑshi ce, 'yɑ'yɑ mɑtɑ ke biyɑ. Idɑn kɑ biyɑ dirhɑmi dubu kɑyi dɑ 'yɑr wɑni to kɑi sɑi ɑnyi dɑ 'yɑrkɑ kyɑutɑ.❞_*
≪━─━─━─━─◈─━─━─━─━≫
_Written by:_
*Sɑdik Abubukɑr*
_Wɑttpɑd @sɑdikgg_
✍️✍️✍️✍️✍️✍️✍️✍️✍️
*_PEN WRITERS ASSOCIATION_*
✍️✍️✍️✍️✍️✍️✍️✍️✍️
__________________________________
*~_only the exquisite and whizkid writers are opportune to be pen writers_~*
____________________________________
https://www.facebook.com/110384724043172/
https://www.facebook.com/groups/1533639276725285/
👮👮👮👮👮👮👮👮👮
*Wɑnnɑn lɑbɑri kirkirɑrre ne dɑ bɑi shɑfi kowɑne mɑhɑluki bɑ. Idɑn sunɑ ko siffɑ sukɑ dɑce dɑ wɑni, to ɑkɑsi ɑkɑ sɑmu. Bɑnyi dɑn cin zɑrɑfin wɑni bɑ.*✍️
👮👮👮👮👮👮👮👮👮
*Shɑfi nɑ 7 & 8*
Washe gari tunda safe da Usman ya tashi daga bacci bai sake komawa baccin hantsin da ya saba yi ba dalilin raba daren da yake a waje. Misalin karfe 9:30am na safe ya yi shirinsa, da yake a yanayin bacin rai suke shi da Anty Sakina din, daga gaisuwa babu abin da ya sake hada su. Har lokacin da ya gama kkntsawa ya fice daga gidan bata tanka masa ba shima sai ya share ta bai fadi inda za shi ba. Ta kuma san ba wajen aiki zai je ba, domin aikin rana yake sannan kuma yau bashi ma da aiki, yana hutu har tsawon kwanaki uku, bugu da kari ma gashi bai saka uniform dinsa ba kuma bai tafi dasu a jaka ba kamar yadda ya saba idan baya bukatar sakawa daga gidanm. Idanu kawai ta bi shi dasu.
Yana fitowa bakin titi ya tsaida mai Adaidaita Sahu drop ko ciniki basu yi ba, ya ce ya kai shi titin Malam Aminu Kano kusa da WRECA ,Mai Adaidaita Sahun ya ja suka tafi.
To ita ma Humaira a nata bangaren ta shirya din, ba wata kwalliya ta yi ba gudun kada mummy ta yi mata tambayar ina za ta je, gabanta na faduwa. A falo ta iske mummyn zaune, "shin wai wace karya kuma zan yi wa mummy ta barni na fita yanzu?" A zuciyarta ta yi wannan tunani. Karya ta hada lafiyayya ta jingina da makaranta cewa, “Umma yanzu Shamsiyya kawata ta turo min sako wai inje makaranta na duba registration din jarabawarmu, idan akwai gyara ko a wajen suna ko wani bayanin sai na gyara kafin a fitar da slip.”
Mummy ta ce “To yaushe za ki je?”
“Yanzu nake son na je, ta ce min da sauri ake bukatar kowa ya je kafin a rufe shafin hukumar jarabawar.”
“To shike nan ba komai sai kin dawo ki kula fa kin ji.”
“Hmm! Mummy bani da kudin mota fa.”
Humaira ta fada cikin sigar shagwaba, mummyn ta ce, “Duba wajen mudubi ki dauki naira dari biyu.”
Kudin Humaira ta dauka ta zura hijabi ta fito, Adaidaita Sahu ita ma ta tsaida ta ce a kai ta can wajen da suka yi zasu hadu. Shigarta cikin Adaidaitar kenan, sai ga kiran wayar Usman din, tana dagawa ya ce, “Ya ya kin fito dai ko?”
“E na fito gani nan a hanya ina zuwa yanzu.” Ta fada tare da kashe wayar. Babu jimawa mai Adaidaita Sahu ya isa da ita wajen, tuni Usman na can yana jiranta a cikin Adaidaitan da ya kai shi, dama bai sallame shi ba. Cewa masa ya yi ya jira shi zai kara masa kudi sosai.
