🐝
🐝🐝
🐝🐝🐝
🐝🐝🐝🐝
🐝🐝🐝🐝🐝🐝
*_ƙᴜᴅᴀ ʙᴀᴋᴀ ʜᴀʀᴀᴍ_*
🐝🐝🐝🐝🐝🐝
🐝🐝🐝🐝
🐝🐝🐝
🐝🐝
🐝
*_❝Imɑm Shɑfi'i yɑ ce: "Zinɑ bɑshi ce, 'yɑ'yɑ mɑtɑ ke biyɑ. Idɑn kɑ biyɑ dirhɑmi dubu kɑyi dɑ 'yɑr wɑni to kɑi sɑi ɑnyi dɑ 'yɑrkɑ kyɑutɑ.❞_*
≪━─━─━─━─◈─━─━─━─━≫
_Written by:_
*Sɑdik Abubukɑr*
_Wɑttpɑd @sɑdikgg_
✍️✍️✍️✍️✍️✍️✍️✍️✍️✍️✍️
*_PEN WRITERS ASSOCIATION_*
✍️✍️✍️✍️✍️✍️✍️✍️✍️✍️✍️
__________________________________
*~_only the exquisite and whizkid writers are opportune to be pen writers_~*
____________________________________
https://www.facebook.com/110384724043172/
https://www.facebook.com/groups/1533639276725285/
👮👮👮👮👮👮👮👮👮
*Wɑnnɑn lɑbɑri kirkirɑrre ne dɑ bɑi shɑfi kowɑne mɑhɑluki bɑ. Idɑn sunɑ ko siffɑ sukɑ dɑce dɑ wɑni, to ɑkɑsi ɑkɑ sɑmu. Bɑnyi dɑn cin zɑrɑfin wɑni bɑ.*✍️✍️✍️
👮👮👮👮👮👮👮👮👮
*Shɑfi nɑ 3 & 4*
“A'a Humaira ce, wai gidan wata abokiyar karatunta ta zo shine ta karaso a gaisa.”
“Hmm! Kai ma dai Humairan ce ta ki sakewa saboda kai? To muje cikin mota.”
Ta shige gaba ya biyo bayanta gabansa sai faduwa yake a ransa yake cewa, “Allah yasa kada ta fahimci wani abu, Allah yasa jikin yarinyar nan ya dawo daidai.”
Fatan da yake ta yi kenan a zuciyarsa, suna isa falon Anty Sakina ta ga Humaira kwance kan kujera tana sharar bacci babu hijabi sai 'yar karamar riga, wajen cibiyarta ma duk a waje. Tax yi sauri ta dauki hijabin ta rufe ta dashi sannan ta waigo da wani irin kallo mai cike da tuhuma ga Usman. Sunkuyar da kansa ya yi yayin da zuciyarsa ta cigaba da bugawa da sauri, cikin inda-inda da in'ina ya rika cewa, “Au au au bacci ma ta yi kenan.”
Cike da mamaki Anty Sakina take dubansa, yanayinsa akwai alamun firgici da rashin gaskiya. Juyawa Anty Sakina ta yi kan Humaira ta kama ta tana tashinta da cewa, “Ke Humaira, Humaira tashi mana.”
Humaira ta farka tare da cewa, “Na'am Anty sannu da dawowa.”
Anty Sakina bata amsa mata sannun da ta yi mata ba, sai ma tambaya da ta fara aika mata kamar haka, “Tun yaushe kika zo ne?”
Usman ne ya yi saurin cewa, “Ai baki dade da tafiya ba ita kuma ta shigo. Ina jin ta gaji ne sosai shiyasa ta yi bacci, kin san ana dan yin rana a garin.”
Kallonsa kawai Anty Sakina ta yi ta kauda kai, gaskiya bata aminta da shi ba. Yanayinsa ba haka ta saba ganinsa ba, duk ya bi ya rikice ya daga hankalinsa. Sannan kuma tunda Humaira take zuwa gidanta bata taba yin bacci ba, wannan ne abubuwan da suka fara jefa zargi a zuciyarta.
Duban Humaira ta sake yi tare da cewa, “Ko dai ba ki da lafiya ne?”
“Anty lafiyata lau wallahi, kawai dai baccin ne ya zo min, nima nayi maimakin ganin kaina ina baccin.”
“To shikenan ya ya gidan ya su Daddy da Mummy da su Zainab da Haidar?”
“Kowa yana nan lafiya.”
“Me yasa ba ki min waya ba da kika zo, inda kuma ban dawo da wuri ba fa, sai ki zauna ki cigaba da baccin?”
“Hmm! Anty wallahi bani da credit ne a wayata, dama na zo nan kusa daku ne na kawowa wata kawata littattafanta saboda saura sati biyu mu fara exams.”
