🐝
🐝🐝
🐝🐝🐝
🐝🐝🐝🐝
🐝🐝🐝🐝🐝🐝
*_ƙᴜᴅᴀ ʙᴀ ᴋᴀ ʜᴀʀᴀᴍ_*
🐝🐝🐝🐝🐝🐝
🐝🐝🐝🐝
🐝🐝🐝
🐝🐝
🐝
*_❝Imɑm Shɑfi'i yɑ ce: "Zinɑ bɑshi ce, 'yɑ'yɑ mɑtɑ ke biyɑ. Idɑn kɑ biyɑ dirhɑmi dubu kɑyi dɑ 'yɑr wɑni to kɑi sɑi ɑnyi dɑ 'yɑrkɑ kyɑutɑ.❞_*
≪━─━─━─━─◈─━─━─━─━≫
_Written by:_
*Sɑdik Abubukɑr*
_Wɑttpɑd @sɑdikgg_
✍️✍️✍️✍️✍️✍️✍️✍️✍️
*_PEN WRITERS ASSOCIATION_*
✍️✍️✍️✍️✍️✍️✍️✍️✍️
__________________________________
*~_only the exquisite and whizkid writers are opportune to be pen writers_~*
____________________________________
https://www.facebook.com/110384724043172/
https://www.facebook.com/groups/1533639276725285/
👮👮👮👮👮👮👮👮👮
*Wɑnnɑn lɑbɑri kirkirɑrre ne dɑ bɑi shɑfi kowɑne mɑhɑluki bɑ. Idɑn sunɑ ko siffɑ sukɑ dɑce dɑ wɑni, to ɑkɑsi ɑkɑ sɑmu. Bɑnyi dɑn cin zɑrɑfin wɑni bɑ.*✍️
👮👮👮👮👮👮👮👮👮
*_Shɑfi nɑ 9 & 10_*
To tun shigar Humaira Adaidaita Sahu, ta fara juya maganganun da Usman ya fada mata. “Gaskiya wannan babban al'amari ne mai hadari fa, duk ranar da asirina ya tonu ban san yadda su mummy da Abba za su min ba. A gaskiya ba zan sake sauraren Usman ba, ko ya kira ni babu inda zan je. Haba ke kuwa Humaira, to mene ne idan kin je, tunda dai ya ce ba wani abu zai rika miki ba na cutarwa ai kin ga da sauki. Shima ba zai taba yadda ya yi miki ciki ba, kuma yanzu ki duba ki ga kudin nan da ya ba ki, gasu a hannunki, 'yan matsalolinki duk za su warware. To amma idan na amince da bukatarsa, a ina zamu rika haduwa dashi kenan, gashi Anty Sakina ta ce kada na sake zuwa gidanta idan bata nan, koda yake ya ce ya san yadda zai tsara komai.”
Wasu zuciyoyi biyu kenan da dake bawa Humaira shawara a cikin zuzzurfan tunanin da take yayin da mai Adaidaita Sahu yake kokarin kawo ta gida. Daya zuciyar kyakkyawa ce, dayar kuma mummuna ce, shaidan ya baibaye ta. Kuma da alama mummunar nan ce ta yi rinjaye a kan kyakkyawar. Ma'ana dai Humaira ta biyewa rudin shaidan da son zuciya. Hausawa kuwa sun ce, *_“Son zuciya bacinta”_*, Allah ya raba mu da son zuciya, Allah ya kiyashe mu aikin assha.
Babu jimawa mai Adaidaita Sahu ya iso da ita layin nasu, ta sauka tun kafin ya karaso kofar gidan ta isa da kafa har zuwa gidan.
“Har kin dawo da wuri haka, ashe ba jimawa za ku yi ba. To ya ya ina fatan dai babu matsala ko?”
Mummy ce ta yi wa Humaira wannan tambayar bayan Humaira ta shiga gidan, amsa mata ta yi da cewa, “E wallahi babu wata matsala komai ya yi daidai, an ce ma an kusa yin admission, idan Abba ya dawo zan fada masa ya bani kudi zan yi wasu 'yan saye-saye kafin mu fara lecture.”
“Kai Masha Allah, Allah dai ya taimaka Allah ya bada sa'a. Addu'a za ki yi Allah ya sa ki samu admission din tukunna ba wai batun saye-saye ba. Samun gurbin karatun shine mai wahala.”
“Mummy ai results dina mai kyau ne, credits tara (9) fa gare ni, kuma a JAMB ina da maki (215), admission kamar da kasa ne inji mai ciwon ido, Insha Allahu mune sahun farko.”
“To Allah ya tabbatar. Wai to ya ma za'ayi da maganar Najib ne?”
“Mummy kenan, kema da maido da hannun agogo baya kike, mun riga mun gama magana dashi ya ce, ba zai iya barina na je makaranta ba bayan ya aure ni, don haka ya amince zai jira ni har sai na kammala to ba shike nan ba sai ya jira din. Rashin yarda ce ma ya nuna da zai ce ba zanje makaranta ba, bayan duk ga matan aure ne suna zuwa makarantar, wasu ma mazan nasu ne suke kai su kuma su koma su dauko su, amma shi ba zai yi ba, yana namiji sai kishi.”
