🐝
🐝🐝
🐝🐝🐝
🐝🐝🐝🐝
🐝🐝🐝🐝🐝🐝
*_ƙᴜᴅᴀ ʙᴀ ᴋᴀ ʜᴀʀᴀᴍ_*
🐝🐝🐝🐝🐝🐝
🐝🐝🐝🐝
🐝🐝🐝
🐝🐝
🐝
*_❝Imɑm Shɑfi'i yɑ ce: "Zinɑ bɑshi ce, 'yɑ'yɑ mɑtɑ ke biyɑ. Idɑn kɑ biyɑ dirhɑmi dubu kɑyi dɑ 'yɑr wɑni to kɑi sɑi ɑnyi dɑ 'yɑrkɑ kyɑutɑ.❞_*
≪━─━─━─━─◈─━─━─━─━≫
_Written by:_
*Sɑdik Abubukɑr*
_Wɑttpɑd @sɑdikgg_
✍️✍️✍️✍️✍️✍️✍️✍️✍️
*_PEN WRITERS ASSOCIATION_*
✍️✍️✍️✍️✍️✍️✍️✍️✍️
__________________________________
*~_only the exquisite and whizkid writers are opportune to be pen writers_~*
____________________________________
https://www.facebook.com/110384724043172/
https://www.facebook.com/groups/1533639276725285/
👮👮👮👮👮👮👮👮👮
*Wɑnnɑn lɑbɑri kirkirɑrre ne dɑ bɑi shɑfi kowɑne mɑhɑluki bɑ. Idɑn sunɑ ko siffɑ sukɑ dɑce dɑ wɑni, to ɑkɑsi ɑkɑ sɑmu. Bɑnyi dɑn cin zɑrɑfin wɑni bɑ.*✍️
👮👮👮👮👮👮👮👮👮
*Shɑfi nɑ 17 & 18*
Wani sashen na zuciyar Anty Sakina sai sake-saken abubuwa da dama take yi, “Mace Usman ya kawo min cikin daki? Iskancin ya wuce ya neme su a can waje sai ya dauko su har cikin gidana? Wannan wace irin kaddara ce take samu na?”
Ire-iren tunane-tunanen da take yi kenan, ta jima sosai a zaune a wajen. Gaba daya ta rasa me ke mata dadi, sai kusan la'asar ta mike ta yi alwala ta gabatar da sallah sannan ta shiga kitchen ta fara shirya kayan buda-baki. Bayan ta gama kuma ta dora abincin gida gaba daya. Ana kiran sallar magariba ta yi sallah ta zo ta zauna gaban kayan shan ruwan, sai ta ji sam bata sha'awar komai. Tsananin bakin ciki da tunanin dake ranta sun hana ta jin yunwa, abincin ta zubawa ido kawai tana kallo amma zuciyarta sam bata wajen.
Sallamar Usman ce ta katse mata zuzzurfan tunanin da ta nutsa, amsa masa ta yi fuskarta a murtuke tamkar bata taba sanin wani abu ba wai shi farin ciki. Daki ya fara wucewa ya sauya kayan dake jikinsa sannan ya dawo falon. Zama ya yi bisa kujera ya dube ta, ta saka abinci a gaba. Nisawa ya yi tare da gyara zama sannan ya ce, “Ya ya dai lafiya kuwa?”
Shiru ta yi bata tanka masa ba, ya cigaba da cewa, “Me damunki ne, ko ba ki da lafiya ne na ga alamar kamar ma ba ki ci komai ba.”
Shirun dai ta yi bata ce komai ba, ko duban inda ya zauna ma ba ta yi. “Wai me ke faruwa ne kin ki magana, kuma na tambaye ki ko ba ki da lafiya duk kin yi shiru. Ya kamata idan wani abu ne yake damunki ki fada mana, amma yin shiru da bata rai ba zai taba yin magani ba.”
Wata rarraunar ajiyar zuciya Anty Sakina ta sauke sannan ta ce, “Usman me na rage da shi? Me ka nema ka rasa a tare da ni? Mene ne kake bukata wanda bana maka shi a cikin gidan nan? Yanzu abin da kake yi a can wajen yawon daren bai isa ba sai ka dauko karuwa ka kawo min ita har cikin dakina a kan gadona sunna? Usman ba zan taba yafe maka ba, kuma insha Allahu sai Allah ya saka min. Da yardar Allah sai ka ga sakayyar da Allah zai min, na yi hakuri da duk abin da za ka aikata a waje, a gabana za ka rika yin waya da karuwan da kake mu'amala da su tun ina nuna damuwa akan hakan na gaji na hakura na kauda kai, shi ne abin bai ishe ka ba sai ka keta min haddi ta hanyar kawo mace ka yi zina da ita a dakina, wallahi ba zan yafe maka ba.”
A fusace ya yunkura kamar zai kai mata duka ya ce, “Ke dakata da Allah ,wadanne irin zantukan banza ne kike fada min haka. Me kike nufi ne, wace mace na kawo miki? Kin dade kina min irin wannan zargin fa? To bari ki ji ya ishe ki haka idan kika sake min irin wannan zan dauki tsattsauran mataki muddin ba ki daina ba. Banza shashasha.”
