أميرتى ذات الشعر الطويل

الفصل الثالث عشر

جنى: انت بتخرف بتقول ايه

حمزة: زى مابقولك كدة

جلست جنى كى تستوعب ماقاله
قالت وهى فى صدمة: انت كداب
انت أكيد عاوز تجننى

اجهشت فى البكاء ولم تتحمل فأسرعت نحو المطبخ
وطلبت من امل الهاتف وهى شبه منهارة
قالت: امل هاتى تليفونك بسرعة

كادت أمل أن ترفض ولكن أشارت اليها دادة فاطمة بالموافقة

أسرعت جنى نحو غرفتها واغلقت على نفسها
ثم هاتفت آسر باكية
فأجابها: جنى
انتى جنى؟
حبيبي عامله ايه
حد يصدق اللى حصلنا دة
بدل ما نبقى مع بعض وفى حضن بعض كل يوم
تبعدى عنى واتجنن واتشحتف عليكى كدة
دة حرام بجد
هموت عليكي ياجنى

استجمعت جنى شتات نفسها ومسحت دموعها وقالت:
آسر ركز معايا لوسمحت
احنا اتجوزنا صح

آسر: ايه السؤال دة اكيد اتجوزنا طبعاً

جنى: اومال الزفت اللى خاطفنى دة ليه بيقولى انه جوازنا مزيف
عاوز يجننى يعنى
اكيد القسيمة طلعت صورها وابعتهالى عشان اتطمن

آسر: لو هو قالك كدة يبقى هو أدرى لأنه هو اللى باعتلى المأذون كادو

تساءلت جنى: يعنى ايه مش فاهمة
هو انت أصلاً تعرفه منين
طب أنا أعرفه عشان كنت بشتغل معاه لكن انت تعرفه ازاى ومن امتى؟

آسر: ايوة أعرفه انا برضو شغال فى شركة من شركاته محاسب قانونى
واليوم اللى شوفتك فيه فى الجمعية كنت جاى بدور عليه هو عشان كنت عاوزه فى شغل بس ملحقتوش وساعتها وانا خارج شوفتك انتى

جنى تقول مذهولة: ازاى؟ ايه اللى انت بتقوله دة
وازاى متقوليش انك شغال معاه من زمان

آسر: أبداً مجاتش مناسبة
وبعدين انتى كنتى بتدينى فرصة اتنفس
ثم انك برضو مقولتليش

جنى: معرفش مقولتش ليه أكيد ماكنتش أعرف انه هيحصلنا دة كله ومن تحت راسه
انا هتجنن
يعنى انت مسكتنى وبوستنى وانا مش مراتك
ليه بس ليه
ولو مكنتش اتخطفت كان هيحصل مابينا......
مش قادرة أتخيل بجد
انا اكيد فى كابوس

آسر: كفاية ياجنى واهدى
قولتلك هخرجك من هنا
اتحملى شوية كمان
وبعدها هنكون مع بعض

جنى تقول بحزن: واضح انه مش مكتوبلنا نكون مع بعض
مش حاسة انى هشوفك تانى
انا خلاص ضعت

آسر: عشان خاطرى متقوليش كدة
كل شئ هيتصلح وهنرجع مع بعض زى الاول واحسن كمان
انا بحبك اوى ياجنى
اوعى تتخلى عنى

جنى تكتم بكاؤها ثم تقول: أنا تعبانة اوى ياآسر
ساعدنى وخدنى من هنا
عاوزة اغمض عينى وافتحها ألاقينى صحيت من الكابوس دة

آسر مطمئنا اياها: خلاص ياروحى هانت
أصبرى واستنينى

جنى بحزن وانكسار تقول: هستناك