أميرتى ذات الشعر الطويل

الفصل الرابع والعشرون

حبايبى أحلى القراء ♥♥♥
بعتذر عن التأخير🥰
بس يعنى ماجاتش من يوم واحد 🙈 نصبر على بعض شوية اكيد مش هتأخر عنكم غير للشديد
🌺🌺🌺

نبدأ بقى فصلنا الجديد

جنى تنظر حولها وتصرخ: حد يلحقنى
يادادة
فين الأمن؟
ثم حولت نظرها نحو حمزة مرة اخرى وقالت باكية: حمزة رد عليا

وجدت رجال الامن يأتون من خلف مبنى الفيلا وقال احدهم: طلبت الاسعاف ماتقلقيش
بس مع الاسف مالحقناش اللى عمل كدة

جنى تقول غاضبة: ودة حصل ازاى وانتوا موجودين؟

رجل الأمن: حصلت خناقة قدام باب الفيلا واضح انها كانت مقصودة عشان ننشغل بيها
وحمزة بيه سمع حركة غريبة ورا فنادى عليا ودخلت لوحدى انا من ناحية وهو من الناحية التانية لحد اما سمعت صوت ضرب فرجعت بسرعة لاقيته زى ماانتى شايفة والشومة دى جنبه جريت ناديت باقى الأمن ودورنا هنا وهنا لكن ماعرفناش نمسك اللى عمل كدة

خرجت دادةفاطمة وما ان رأت حمزة على هذه الحال حتى صرخت قائلة: ابنى
حمزة مالك يابنى
بكت وارتمت على الأرض بجواره

لم تتحمل جنى هى الاخرى فبكت وقد احست بالقلق عليه خاصة انه كان فاقدا للوعى ولا يستجيب لأى صوت حوله

وصلت سيارة الاسعاف وحملته وركبتا معه جنى ودادة فاطمة التى لم تتوقف عن البكاء طوال الوقت

فى المستشفى

كانت جنى تقف أمام الغرفة التى ادخلوه بها تشعر بالقلق الشديد وكانت تجلس دادة فاطمة على احد المقاعد تبكى بفزع وألم

كانتا تنتظران خروج الطبيب بفارغ الصبر من أجل الاطمئنان على حالته

دخلا عليهما هنا وزوجها محمود
سألت هنا بقلق: جنى ماله ايه اللى حصل

جنى تقول باكية: مش عارفة حد اتهجم عليه وضربه وهو مستنينى فى الجنينة
لاقيته واقع ع الارض والدم فى كل حتة انا خايفة ليجراله حاجة

عانقتها هنا قائلة: متقلقيش دلوقتي يطلعوا ويطمنونا
ثم نظرت نحو دادة فاطمة وقالت: متقلقيش والله هيبقى كويس

جنى: مش عارفة اتأخروا كدة ليه

محمود: ربنا يسترها متقلقوش
نصبر بس عشان نديهم فرصة يعملوله الفحوصات اللازمة
خير بإذن الله

أخيرا خرج أحد الأطباء
فأسرعوا جميعهم نحوه

الطبيب: اطمنوا الحمد لله الخبطة اللى فى دماغة طلعت سطحية مااثرتش ع الجمجمة
لكن حصل كسر فى دراعه اليمين وبعض الكدمات فى وشه وباقى جسمه

سألت جنى فى قلق : طب هيقدر يخرج النهاردة و هيعرف يمشى على رجله عادى

الطبيب: اه عادى بس زيادة اطمئنان يبات النهاردة ويخرج بكرة الصبح
وعلى فكرة انا بلغت البوليس عشان اللى حصل دة فيه شبهة جنائية
وهم أكيد على وصول دلوقتى عشان ياخدوا افادته وافادة اللى كان موجود