أميرتى ذات الشعر الطويل

الفصل السابع عشر

أحست بالتوتر الشديد من نظراته إليها ولكن تظاهرت بانها لاترى ذلك واندمجت فى الطعام فقد كانت جائعة جدا

حمزة: انتى جعانة للدرجة دى بتاكلى بس مش بتتكلمى خالص

جنى: فعلاً جعانة جدا مش كلت من الصبح
وبعدين هقول ايه يعنى معنديش كلام أقوله

حمزة: احكيلى عن طفولتك باباكى مامتك أى حاجة

جنى بلامبالاة: مش عارفة معنديش حاجه أقولها

قال: ازاى يعني أكيد عندك

جنى بخجل: الصراحة طول ماانا مش واخدة عليك عمرى ما هعرف أحكى معاك حرف واحد
مش بحب ارغى وخلاص وكمان مش مع أى حد

حمزة: على فكرة دى حاجة كويسة انا كدة برضو كتر الكلام عالفاضية والمليانة بيوقع الانسان فى الغلط
بس مع الوقت هخليكى تاخدى عليا ومش هتبطلى رغى معايا انا متأكد

نظرت اليه وابتسمت بسخرية وقالت: إيه الثقة دى ليه ان شاءلله

حمزة ينظر نحوها باعجاب شديد مما جعلها تتوتر وتقول: فى ايه ماتاكل
بتبصلى كدة ليه خير

حمزة: أول مرة أخد بالى من نغازاتك حلوين اوى
بلاش نكشر بقى وخلينا مبتسمين على طول

جنى: انت بتعتبر دى ابتسامة دة انا كنت بضحك تريقة

حمزة: عارف مش لازم تأكديلى
بس ياريت تبتسمى فى البيت بس الإبتسامة دى هتبقى خطر عليكى وانتى برة

قالت: مش فاهمه تقصد ايه يعنى ابتسم ولا مبتسمش

حمزة: ليا انا وبس

ارتبكت وتركت الطعام وقالت وهى تنهض: انا شبعت هطلع أنام

أشار اليها ان تنتظر فسألته: فى حاجة؟ عاوزة أطلع

توجه نحو احدى السماعات فى الغرفة ثم ضغط على هاتفه فسمعت جنى موسيقى هادئة قد ادارها من هاتفه

ارتعشت يداها عندما اقترب منها وأمسكها وهو يقول: ممكن ترقصى معايا قبل ماتطلعى تنامى بيقولوا الرقص مفيد اوى بعد الأكل😉

حاولت ان تفلت يدها من مسكته ولكن لم تعرف بل وجدته يحاوط خصرها بيده الاخرى ولكن برقة شديدة

قالت: والله! مفيد ازاى يعنى جديدة دى
بس الأصدقاء مينفعش يرقصوا سلو مع بعض لانها رقصة خاصة بناس معينة

حمزة وهو يحثها على الرقص معه يقول وكانه لم يسمع باقى جملتها : أصله بيساعد ع الهضم خصوصا بعد العشوة الحلوة دى

جنى وهى تكاد تموت من الخجل تقول: طيب انا عاوزة انام ممكن تسيبنى اطلع

حمزة: احنا قولنا ايه نسمع الكلام

جنى: مش مرتاحة صدقنى، سيبنى اطلع

حمزة يقربها منه وهو يكاد يعانقها ويقول: شششش ركزى