هنا: طيب اهدى انا رايحة اتكلم معاه عشان اخدك تغيرى جو عندى يومين كدة
جنى: يومين ايه انتى عاوزة تجننينى انا همشى اروح على شقتى وهاقعد هناك على طول
هنا وقد عقدت النية ان تطاوعها مؤقتا حتى يتم شفاها ولا تنتكس فقالت: ماشى بس اكيد هتيجى عندى الاول لحد اما صحتك تتحسن وبعدين ابقى اعملى اللى يريحك بس يارب هو يوافق
فجأة طرق حمزة الباب ثم دخل وقال:
صباح الخير ازيك ياهنا
ازيك ياجنى عاملة ايه دلوقتى اخدتى الدوا بتاع الصبح ولا لسة
هنا تبتسم وتقول: ازيك انت ياحمزة كنت لسة هديهولها بس كنا بندردش شوية
جنى: مش هاخد ادوية تانى دى كلها بتنيم انا خلاص بقيت كويسة وهقدر اعالج نفسى بنفسي
ادوية المجانين دى مش عاوزاها
ابتسم حمزة وقال: حلو جدا بس لو تعبتى تانى هتاخديها من غير مناقشة
هنا نظرت نحو جنى ثم اليه وقالت: كنت عاوزة اطلب منك طلب
عاوزة اخد جنى عندى يومين كدة تغير جو عشان صحتها تتحسن ونفسيتها وكدة....
حمزة ولم يعجبه الكلام فقال: يعز عليا ارفضلك طلب ياهنا لكن بياتها برة بيتها دة مرفوض بالنسبة لى تماما
بغض النظر عن اخلاق ورجولة محمود جوزك لكن هو راجل غريب بالنسبةلجنى مينفعش تبات فى بيته
انتى تيجى تباتى على عينى وراسى وهاتى الولاد طبعا ومحمود كمان لو تحبى لكن هى تمشى لأ
نظرت جنى نحوه بغيظ وقالت: على فكرةعادى محمود بعتبره زى اخويا واستأمنه على نفسي اكتر من أى حد تانى حتى لو كان مين
قال محاولا ان يبدو هادئا: اديكى قلتى بنفسك: زى اخوكى مش هينفع ياجنى🤨
استقبلى اللى انتى عاوزاه هنا فى بيتك لكن بيات برة لأ ودة كلام نهائى
تجمعت الدموع بعيناها وقالت غاضبة : هنا ممكن تسيبينا لوحدنا انا عاوزة المستبد دة فى كلمتين عشان نحسم الموضوع بتاعنا
خرجت هنا وأغلقت وراءها الباب
فقال وهو يبتسم: ها عاوزة المستبد فى ايه بقى
نهضت جنى ووقفت أمامه وقالت فى تحدى: على فكرة انا همشى من هنا بالذوق او بالعافية فياريت تكون جنتلمان وتسيبنى بالذوق عشان انا مش طايقة اقعد معاك اكتر من كدة
حمزة: ممكن نأجل الكلام فى اى مواضيع لحد اما تتحسنى خالص عشان الانفعال وحش عشانك وانا وعدتك هنقعد ونتكلم لما تخفى
جنى: مش هستنى انا اكتر من كدة اعتبرنى خفيت
انا همشى يعنى همشى
حمزة: تمشى تروحى فين انتى اتجننتى هتروحى تنامى فى بيت راجل غريب ايه قلة العقل دى
جنى: محمود مش غريب
حمزة: احترمى نفسك
لأ غريب وطلبك مرفوض لايميها واقعدى ساكتة احسنلك
أنت تقرأ
أميرتى ذات الشعر الطويل
Romanceعشقها قبل أن تعشقه هى وافتتن بجمالها الطبيعي الآخاذ أجبرها على الزواج بالتهديد واعدا إياها على أن يكون الزواج مؤقت حتى يمتلكها ولا تبقى لغيره أحبت أخوه الأصغر والأجمل . هل ياترى من ستختار زوجها أم حبيبها؟ هذا ماسنعرفه وسط أحداث شيقة ومثيرة ورومانسيه...
