أميرتى ذات الشعر الطويل

الفصل العاشر

ألو ألو
يي الموبايل فصل
تساءلت چنى في نفسها عندما انقطع الاتصال بينها وبين حمزة فلم تسمع أخر ماقاله (ياترى كان هيقول عايزنى بخصوص إيه؟)

خرجت إلى خارج الجمعية
وجدت آسر في انتظارها بالسيارة
فتحتها وجلست بجانبه

آسر: كل دة ياچوچو يلا بينا
متخافيش مش هنلف كتير هم كام معرض أنا عارفهم هنختار منهم وخلاص

چنى موافقة: ماشى خير

آسر: مالك كدة في حاجة مضايقاكى

چنى بضيق : أيوة فى
انت إزاى تتفق مع صاحبتى عليا
أنا كنت عاوزاها معايا
مش حابة نكون لوحدنا

آسر : على أساس إيه
انك سايبانى أحب ولا أقول كلمتين على بعض
اسكتى ياشيخة خلينى كاتم في قلبى
وبعدين دى أماكن عامة أنا مش هختلى بيكى يعنى
بس والله عيب على صاحبتك تفتن كدة
ولا حرام أظلمها أكيد انتى بجبروتك خلتيها تعترف

ضحكت چنى وقالت: جبروتى يااه للدرجة دى

آسر: واكتر والله ههههه

توقفت السيارة أمام مطعم في وسط البلد
نظرت إليه مستفسرة: هو هنا في معارض؟

آسر : أكيد لأ لسة قدام شوية
بس لازم نتغدا الأول

چنى معترضة : لا لا لأ مش عاوزة خلينا نخلص ونروح عشان متأخرش

آسر وهو ينزل ويتجه إلى الجانب الآخر من السيارة ثم يفتح لها قائلاً: لأ هنتغدا سوا وهتنزلى
عشان لو منزلتيش همسك إيدك وأنزلك بالعافية

چنى في ذهول: نعم انت مجنون ولا ايه

آسر : اعتبرينى كدة فعلاً
خافت چنى من تهوره فنزلت وهى تقول غاضبة :
على فكرة أنا نزلت بمزاجي مش عشان خايفة من تهديداتك وعشان راعيت وجودنا في الشارع بس الموضوع دة مش هيعدى على خير

آسر وهو ينظر إليها بإعجاب ويبتسم ثم يقول :
هو فعلاً شكله مش هيعدى على خير

چنى تتساءل: هو إيه دة؟

آسر وهو مازال يتأملها بإعجاب: حبك دة شكله هيقضى عليا خالص😍

قالت چنى وهى تمر من جانبه متجهة نحو باب المطعم محاولة الهروب من نظراته التى تلاحقها : ياه مش معقول جرأتك دى يلا عشان نطفح ونخلص

تبعها آسر وهو يضحك ويقول: طيب ياستى
تعالى عشان نطفح
ياعدوة الحب ههههههههه

ابتسمت رغماً عنها ودخلت معه وطلبا طعاما لهما
وتحدثا في أشياء كثيرة وضحكا معا على أشياء كثيرة
أحبت چنى صحبته خاصة لأنه توقف عن التغزل فيها وهما يأكلان وفتح معها مواضيع شيقة كثيرة

خرجا من المطعم واتجها معا الى السيارة وبعد مدة ليست بطويلة توقفت السيارة أمام أحد المعارض
دخلا معا وكانت چنى مرتبكة جداً من تواجدها معه خاصة أنه لا يرفع عيناه عنها طوال الوقت