أميرتى ذات الشعر الطويل

الفصل الثلاثون

جنى بخجل : حمزة خضتنى
حمزة : كل دة 😠
وبعدين مابترديش ليه ع التليفون
جنى تقول مازحة : مبردش على اى ارقام بعد الساعة ١٠
حمزة : لا والله بس انا ياهانم مش اى أرقام انا جوزك واول ماتشوفى رقمى تتنفضى وتفطى تنطى وتردى على طول مفهوم
جنى تقول بسخرية : مفهوم ياسيدى
حمزة : مابلاش بدل ماسيدى دة يوريكى و...
جنى: لا خلاص بضحك معاك انت ايه مالكش فى الهزار
حمزة: اه افتكرت
ثم اضاف قائلا وهو يغمز : طب يلا
فتحت جنى عيناها بخوف وسألت : يلا ايه😳
اقترب منها ثم جذبها بقوة الى صدره
يلا نرقص تانى
تنهدت براحة ثم قالت متعجبة: نرقص تانى😳
ضيقت عيناها وقالت : ولة انت ايه حكاية الرقص معاك ااه عاوز تدوخنى عشان تغرغر بيا لا فوق انا صاحيالك

ابتسم حمزة وقال : وليه ماتقوليش انى بفكرك بكل لحظاتنا الرومانسية اللى كانت من طرف واحد يمكن تحنى
جنى وهى تبتعد الى الوراء قليلا : الصراحة انا كنت متأثرة اوى برومانسيتك فى اليخت
كنت جميل اوى وحنين اوى وكريم كمان
فكرتنى ساعتها بحنية بابا الله يرحمه
حمزة وهو يدعى الحزن : اه بس ماليش حظ وقعت مع اللى لابيرحم ولا بيحس
جنى ترفع أحد حاجبيها وتقول : تقصد مين🤨
حمزة : لا ابدا ناس كدة
ابتسمت جنى وقالت : اه افتكرت
بس معلش بقى كبستك فى اخر السهرة كان غصب عنى والله

حمزة : طب خرجتى ليه معايا بقى لما كنتى ناوية تكبسينى كدة
جنى : كنت خايفة تروح لآسر وتتخانقوا مع بعض
خفت تقتله وتروح فى داهية على واحد مايستاهلش
حمزة : طب وبعد كدة ماانتى برضو كنتى بتبعدى وبتصدينى

جنى : ابدا ماكنتش عاوزة ارتبط بيك عشان انت اخوه وهو هيفضل دايما مابينا كنت شايفة الوضع صعب اوى
وقاومت كتير بس أدينى وقعت فى الاخر
حمزة : بجد فين دة مش باين 😏وبعدين مشكلة اخويا وخلاص اتحلت
الكاتبة موتتهولك ( اللى هو انا 😁ظرف السنين هههه) فين اعترافك بحبى بقى انطقى وورينى الرومانسية يابت
جنى : هههههه بس بقى كفاية عاوزة انام
وبعدين من ساعة ما شدتنى وخطفتنى فى اوضتك موقفنى على رجلى لما ورمت
فين حسن الضيافة
حمزة : يانهار أبيض يقطعنى تعالى ياروحى
جذبها من يدها وحملها واضعا يدا تحت كتفيها واليد الاخرى تحت قدماها (هيلا بيلا يعنى )
فصرخت به وهى تحاول أن تنزل قائلة : حمزة ايه دة نزلنى
حمزة : مقدرش رجلك بتوجعك ايه رأيك أجيب ماية سخنة وملح وادلكها تعالى
اعترضت جنى : لا لا مش وجعانى للدرجة دى نزلنى عشان خاطرى
أنزلها وهو يضحك
قالت : يلا بقى عاوزة انام
انا هنام هناك على الكنبة وانت...
قاطعها ليقول : وليه ماننامش جنب بعض
جنى تقول بارتباك : لا لا بعدين مش دلوقتى يعنى مش النهاردة صعب انا حرانة اوى
حمزة بغضب مزيف : حرانة ايه يا باردة انتى
وبعدين الجو قرب يشتى والدنيا بقت طراوة وخصوصا بالليل لازم حد جنبك عشان ....
جنى وهى تتهرب منه ومن كلامه : بس بس شكلك هتعك لا انا حرانة وبحب اتخمد لوحدى ويلا نام عشان عندك شغل وانا عندى عزومة
تركها على راحتها قائلا : ماشى ياستى نستنى ونصبر فات الكتير
ثم أكمل : بس انا اللى هنام ع الكنبة وانتى ع السرير
اينعم ضهرى هيتقطم بس وماله كله يهون المهم ترضى
وكدة كدة اكيد مش هتسيبينى اتألم وهتعمليلى مساج مش كدة
جنى تبتسم وتقول : اااه قول كدة بقى دة انت راسم على كبير اوى
وانا اقول استسلم بسرعة ووافق ازاى من غير فصال ومناهدة كتير
حمزة يقول وهو يستلقى عل الكنبة : بحبك
تصبحى على خير
ابتسمت جنى بخجل ثم قالت : وانت من أهله