أميرتى ذات الشعر الطويل

الفصل الثانى والثلاثون

(أكيد مش محتاجة ذكاء لأنها سمعت أمه وهى بتنادى بإسمه وهى داخلة بيه اوضة السفرة 🤭)

(كاتبات أخر زمن 😏)

حمزة : مين آدم دة كمان
جنى : ابنك
حمزة : اسمه آدم
جنى : ازاى مااخدتش بالك دة أكيد مكتوب فى نتيجة التحليل اللى معاك
حمزة : تصدقى انى قريته كذا مرة ومركزتش فى أى أسماء الموضوع كله بالنسبة لى زى الحلم مش قادر اصدق ولا استوعب لحد دلوقتي
ولا عارف ازاى هاواجه الطفل دة

تنهدت جنى وكادت أن تواسيه ولكن تراجعت لأنها غاضبة منه ومن تصرفه معها
قالت : لو سمحت أنا اتأخرت واللى انت بتقوله دة لايخصنى ولايهمنى اتفضل وصلنى والا هانزل اركب أى حاجة
حمزة بغضب : انتى تخرسى خالص جنانك وعمايلك خلونى مديت إيدى عالسواق الغلبان
جنى بعدم مبالاة : انت اللى متهور ومجنون

حاول حمزة تلطيف الجو فقال وهو يمسك ذقنها ويجبرها على النظر نحوه : طب إيه
مش احنا كان عندنا دخلة امبارح 😉

غضبت جنى ودفعت يده جانبا لتقول : انت فايق ورايق صحيح
ماتحلمش ياأبو آدم
حمزة : بطلى تنادينى كدة
انا حمزة وبس حبيبك وجوزك اللى بيحبك انتى وبس
ابتلعت جنى ريقها وتماسكت حتى لا يرق قلبها فقالت :
لو سمحت أنا عاوزة اروح شغلى دلوقتي ومش قادرة اتكلم فى أى حاجة تانى سواء تخصك أو تخصنا

كاد أن يقترب من وجهها ولكنها أدارته بعيدا لتنظر نحو الزجاج بجوارها وهى تقول : لو سمحت ماتلمسنيش

اعتدل حمزة فى جلسته وأخذ يضرب على عجلة القيادة ضربات متتالية وكأنه ينفث بذلك عن مابداخله
دقائق من الصمت ثم انطلق بالسيارة

توقف أمام الجمعية لتنزل جنى مسرعة نحو مكتبها
دخلته وأغلقت ثم وقفت تستند عليه تبكى وتنتحب لاتعلم ماذا يعتريها فهى تشعر بألم في قلبها لا تستطيع أن توقفه
مسحت عبراتها وجلست على أحد المقاعد أمام مكتبها
وبدأت تتصل بصديقتها هنا لترد عليها قائلة :
أيوة ياحبيبتي عاملة ايه
لم تجيب جنى بل عاودت البكاء لتقول هنا بقلق:
جنى فى ايه اهدى وقوليلى انتى فين واجيلك
جنى تقول بصوت متقطع باك : فى الجمعية ياهنا
هنا : ماشى انا أصلا لابسة أنا والولاد وجاية الحضانة مسافة السكة اهدى عشان خاطرى وأما اجى نتكلم
بعد نصف الساعة وصلت هنا لتدخل على صديقتها وما ان رأتها جنى حتى ارتمت فى أحضانها تبكى وتنتحب منهارة
تركتها هنا تفرغ كل ما بداخلها وبعد أن هدأت اجلستها على المقعد وجلست أمامها ثم قالت : طلع ابنه مش كدة
جنى : اه وانا متضايقه اوى ياهنا مش عارفه أعمل ايه
مخنوقه اوى
هنا : عارفه وعندك حق بس لازم تهدى مينفعش اللى انتى عملاه دة
ثم إنتى عارفه كويس أن حمزة بيحبك اوى ومن زمان كمان من قبل ماتعرفى اخوه حبك وحماكى وحافظ عليكى ومن غير ما يطالبك بأى حاجة
حتى فضل انك تكونى سعيدة مع اخوه على انك تكونى معاه
جنى: عارفه بس بقى عنده ابن منها أكيد مش هيتخلى عنهم وهى ...
قاطعتها هنا : هى مالها بس
أكيد مالهاش صفة خالص عنده
كل الكلام اللى هايكون بينهم هو الولد مش اكتر
لازم تثقى فيه اكتر من كدة
حمزة ميتقلقش منه وخصوصا بعد صبره عليكى رغم صدك المستمر ليه
جنى : عارفه بس برضو مش قادرة اتصور وجودهم مع بعض حتى لو هيتكلموا عالولد بس
هنا تبتسم ثم تقول : حبيبتي دى غيرة ودة طبيعى لأنك حبتيه صح
تجمعت الدموع في عينيها ثم قالت : ايوه حبيته وجدا كمان ومش قادرة استوعب فكرة أن طلقيته هتتكلم معاه وتتقابل معاه بحجة ابنها من غير مايكون ليها غرض فى أنه يرجعلها
وفى نفس الوقت بقول لنفسى متبقيش أنانية واخرجى برة حياتهم عشان خاطر الولد يعيش وسط باباه ومامته ومايبقاش متشتت
وخصوصا يعنى  انى لسه يعتبر ع البر ومحصلش مابينا أى حاجه لحد دلوقتي
هنا تقول بصدمة : ايه ازاى وليه لحد دلوقتي
جنى تقول بارتباك : الصراحه انا كنت مكسوفه اوى وطلبت منه فترة عشان اخد عليه دة غير الظروف اللى كل شوية تحصل مرة نتخانق مرة اتخطفت وموت اخوه وتعب مرات أبوه وكملت بابنه
هنا : ياااه الصراحه الله يكون في عونه استحمل بلاوى اخوه وبلاويكى كتير اوى وكمان فى الاخر تطلعى مشحتفاه ومش مدياله حقوقه
اهى جات على دماغك في الاخر يافالحة
جنى : وانا مالى حظه معايا كدة مايمكن مش مكتوبلنا نكون لبعض وكل دة حصل عشان يرجع لطليقته وابنه
دماغى خلاص هتنفجر مش قادرة اسيبه عشان حبيته اوى بحسه باباياواخويا والفترة اللى اتفقنا نكون فيها أصحاب برغم أن كان معظمها خناقات بس كنت بحس بخوفه عليا واحتواءه ليا حتى من غير مايقرب منى
وبرضو خايفة اكون أنانية عشان هخليه يختار يكمل معايا و..مش عارفه مبقتش عارفه حاجه بجد
بس انا زعلانة اوى منه عشان قاللى الموضوع دة ماتتكلميش فيه ومايخصكيش وكلام رخم زيه
هنا : كان لازم يقولك كدة عشان ماتفكريش تسيبيه عاوز يبعدك عن الموضوع بأى شكل عشان عارف أنه هيكون سبب بداية مشاكل بينكم واللى حسبه لاقاه
بس موقفه دة طبيعى عشان هو مصدوم ومتوتر ولسة عقله مش قادر يستوعب أنه عنده ابن هيكون مسؤول منه وفى نفس الوقت لسة كان بيبتدى معاكى حياة جديدة
هو مغلوب على أمره لكن بيحبك ومتمسك بيكى متزعليش منه وخليكي جنبه ومتديهاش الفرصة أنها تاخده منك لأن الواقع هنا أنه بيحبك انتى مش هى
ومالكيش دعوة بتأنيب الضمير دة لان دة مدخل الشيطان ليكى عشان يفرق مابينكم حافظى على جوزك واتلحلحى واتجوزيه قبل مايطق ويطفش منك
جنى : طب ما احنا متجوزين يامتخلفة
هنا : مش دة قصدى يابجمة
جنى : تقصدى قلة أدب صح
اخس على دماغك بقت تفكر في الشمال على طول من ساعة مااتجوزتى
هنا : اه منك ياجنى دة جوزك ياحبيبتي يعنى لازم
قاطعتها جنى : لا مش لازم وبراحتى على فكره وعلى مهلى كمان حقى يصبر عليا وخصوصا بعد عملته السودا الخاين اللى طلع مخلف من ورايا
هنا : طب خليكى بقى كدة لحد اما تاخده منك ياهبلة
جنى : والله انا مش هامسك فيه لو حب يروحلها انا كرامتي فوق كل شي اكيد مش هتحايل عليه وابوس رجله لما الاقيه بيبيعنى
هنا : انتى بقرة يابت
أنا متأكدة أنه عمره ماهيبيعك لأنه بيحبك بجد بس بلاش التقل الكتير دة عشان هيمسخ في الاخر وأكيد هايفيض بيه
جنى : ياريتنى ماحبيته
هنا : بس انا ملاحظة أن مشاعرك ناحيته مختلفة تماما عن وقت اما كان بيشاغلك أسر
حاساكى كنتى مبهورة بأسر وكلامه واهتمامه ومكانش حب زى الحب الحقيقي اللى انا شايفاه دلوقتي من ناحية حمزة
جنى : أيوة عندك حق إحساس قلبى مختلف خالص
ووجع قلبى في غيرتى عليه برضو مختلف بالرغم أن أسر كنت أعرف عنه أن ليه علاقات كتير مع بنات بس ماكنتش غيرانة أو متضايقه أوى كدة
لكن حمزة برغم انى متأكدة من أخلاقه لكن بغير عليه جامد
هنا : عشان بتحبيه حب حقيقي مش مجرد انبهار زى ماحصل مع اخوه
بس سبحان الله ولا في الاحلام انك تعرفي الاتنين في نفس الوقت وتتعاملى معاهم فواحد تعجبى بيه والتانى طول الوقت تخانقيه ههههه وبعدين يطلعوا اخوات
جنى : ماتفكرنيش كانت ايام غريبة ومريبة
هنا تعرفى أن حمزة واحشنى اوى مع أنه لسة موصلنى واتخانقت معاه لكن حاسة بحنين فظيع ليه
هنا : تكونيش بتحبيه يامضروبةههههه
جنى : هناااااا انا مش عاوزة اهزر انا زعلانة وانتى هنا عشان تواسينى
هنا : انتى بتتدلعى اوى والواد حمزة دة طرى معاكى اوى ومدلعك ع الآخر انتى لازم العنف معاكى والشدة مش هتتظبطى وتسلمى نمر غير بكدة😉
جنى : أمشى يابت أجرى روحى انا غلطانة انى كلمتك وحكيتلك عن أسرارى انا وجوزى
دة حموزى دة احن واطيب حد في الدنيا
واه بيدلعنى وهو عاجبه على فكرة وهيصبر عليا وعلى قلبه زى العسل
هنا : مش هايصبر كتير يابومة خليكى كدة هاتخده منك
والصراحة كفتها ترجح هى معاها الولد لكن انتى ياحسرة بتديله ايه ولا حاجه ياأم وش خشب
هجمت عليها جنى تضربها وتقول بغيظ : بجد ماشى ياهنا انا هاربيكى وهخليكى متنفعيش زوجة تانى لمحمود هخلى وشك دة شوارع وهقطعلك شعرك يايا ياجزمة