جنى: كنت اديتنى الكارت بتاعك عشان لو احتاجتك فى حاجة
مازن بفرح: انتى تؤمرى وانا عليا التنفيذ متتصوريش انا فرحت قد ايه بمكالمتك دى
انتى من الوجوه اللى متتنسيش ياجنى
جنى: ارجوك خلينا فى المهم انا محتاجة مساعدتك فى حاجة كدة
مازن: أؤمرى
جنى: كنت عاوزاك تنقذ واحد
حمزة حابسه ظلم ومش عاوز يخرجه
مازن يتساءل: ياترى مين المرة دى
جنى: ليه هو حبس حد قبل كدة
مازن: متعديش بيستغل سلطته ونفوذه فى تعذيب الناس وذلهم
تذكرت جنى مدير قسم التخطيط اللى عينها بداله وطرده واحرجه قدام الشركة كلها وتأكدت بالفعل أنه لايرحم
قالت: اتمنى تقدر تساعدنى وتخرجه
مازن: واضح ان الشخص دة يهمك ياترى مين
جنى: اسمه آسر الصراحة معرفش باقى اسمه
بالفعل انصدمت جنى من نفسها لانها تزوجت من آسر ولم تعرف اسمه بالكامل
ثم أكملت: بس أعرف انه كان محاسب قانونى فى شركة من شركات حمزة
مازن يصمت لعدة ثوانى ثم يقول: بس انا مش هعرف اساعدك غير لما تقوليلى ايه علاقتك بيه وعاوزة تهربيه ليه
جنى تقول بارتباك: انا كنت..... كنت
كنت متجوزاه قبل حمزة
قال مازن: اااه الحب الأولانى يعنى
جنى:لو سمحت من غير اى تفاصيل هتقدر تساعدنى؟
مازن: أكيد طبعا هساعدك هو انا اطول القمر يقصدنى فى حاجة
جنى: تمام انا مضطرة اقفل دلوقتى لو فى اى جديد ابعتلى رسالة وانا هكلمك بلاش تتصل خالص
مازن: تمام تؤمرى
مع السلامةياجنى
أغلقت الخط وقد تسارعت ضربات قلبها
احست انها تفعل شيئا خاطئا ولكن فى نفس الوقت حياتها مع حمزة أصبحت لا تحتمل
دخلت عليها هنا والتى قالت: جنى عاملة ايه
العريس عمل فيكى ايه 😉
جنى: انتى بتستعبطى فايقة تهزرى دة انا هتجنن من التفكير والخوف والقلق
حاسة انى بعمل عاملة
هنا: يبقى كلمتى الراجل اللى قلتى هيساعدك
جنى: لسة قافلة معاه بس خايفة اوى
هنا: متخافيش انا معاكى ماهو برضو الجواز مش بالعافية هو اللى جابه لنفسه
لما هو كان عاوزك متقدمش ليه من بدرى
فى حاجة غلط فى القصة كلها
والله حاجة تمخول العقل
يارب نكون بنتصرف صح انا اللى اعرفه ان الستات لما بتحط مناخيرها فى حاجةيبقى ربنا يستر
أنت تقرأ
أميرتى ذات الشعر الطويل
عاطفيةعشقها قبل أن تعشقه هى وافتتن بجمالها الطبيعي الآخاذ أجبرها على الزواج بالتهديد واعدا إياها على أن يكون الزواج مؤقت حتى يمتلكها ولا تبقى لغيره أحبت أخوه الأصغر والأجمل . هل ياترى من ستختار زوجها أم حبيبها؟ هذا ماسنعرفه وسط أحداث شيقة ومثيرة ورومانسيه...
