أميرتى ذات الشعر الطويل

الفصل الرابع والثلاثون

اسيبك واروح اقعد فى بيت بابا فترة عشان تعيد تفكير في الموضوع وتختار من غير مايكون وجودى عامل ضغط عليك و......قاطعها واضعا يده علي فمها ثم قال : ماتكمليش مستحيل

جنى : لا مش مستحيل اعتقد هو دة الصح

حمزة : هاهون عليكى هاتقدرى تسيبينى

جنى : لأ ياحمزة مااقدرش اسيبك بس كمان مقدرش ابقى معاك صدقنى صعب مش قادرة أتحمل
اعتقد الأولوية هنا لابنك فلازم ترجعلها عشان يتربى وسطكم واهى طلعت مظلومة وكانت مجبرة تسيبك مش بمزاجها

حمزة : ليه بتقولى كدة  انا بحبك ياجنى ومش عاوز حد غيرك ولا عاوز ولاد من غيرك متفكريش تبعدى عنى وتسيبينى ابدا

جنى : بس صعب الوضع بالنسبة لى ياحمزة متزعلش منى مش قادرة

حمزة : عارف ومقدر ومش طالب منك غير انك تفضلى معايا وجنبى وتصبرى لحد اما اظبط الاوضاع وارتب لها مكان هى والولد لأنى أكيد مش هخليها تعيش فى الفيلا زى ماهى عاوزة

جنى : وانت فاكر ان دة اللى هيحل المشكلة انك تجيبلها شقة برة كدة برضو ....

قاطعها حمزة راجيا : عشان خاطرى ماتسيبينيش مهما حصل انا بحاول اعمل اى حاجه عشان ارضيكى لحد اما تحقيقاتى نتيجتها تطلع
وساعتها....
جنى : تحقيقات ايه انت لسة عندك شك بعد اما  شفت التحليل اللى اثبت انه من صلبك

حمزة بحنق : يوه ياجنى ايوة عندى شك وعندى أمل يطلع ظنى فى محله خليكى جنبى ومعايا وساندينى مش تبعدى وتتقمصى

جنى بحزن : مش قادرة والله

حمزة يجلس ويقول فى محاولة منه ان يغير مجرى الحديث لكى تهدأ فهو يخاف ان تتهور وتتركه فى لحظة غضب :
بقولك ايه انتى مش هتسمعيلى انا حفظت يلا بسرعة قبل ماانسى

تنهدت وجلست راضخة للأمر الواقع ثم قالت بغضب : كان يوم اسود يوم ما وافقت اتجوز واحد كان متجوز قبل كدة ماكنتش اعرف ان هيطلعلك ديل وانا اللى البس فيه

حمزة : بطلى ندب ياندابة وخلينا فى اللى احنا فيه
دعى امور الدنيا التافهة ياأخت جنى
(والاخرة خير وأبقى )

لم. تتمالك نفسها رغم غضبها منه وقالت وهى تضحك وتجلس امامه :
ماشى يا أخ مؤمن

ابتسم وأسرع يخطف قبلة على وجنتها وعاد جالسا مرة اخرى على المقعد أمامها وهو يقول محذراً : اسمى حمزة واتلمى

قالت جنى : اتلم انت ويلا ابدأ سمع بدل مااقوم اسيبك وامشى

حمزة : حاااضر ياحبى
ابتسمت جنى وعاتبت نفسها على كلامها القاسى معه فهو يبذل جهدا كبيرا لارضائها ولكن غيرتها غلبتها وتحكمت بها رغما عنها
قالت فجأة : استنى
نظر إليها بانتباه
قالت بحب وندم : انا آسفة ياحمزة عالكلام اللى قولته متزعلش منى بس أصل
صمتت واحمر ووجهها خجلا
قال يحثها على الكلام : أصل ايه ياحبيبتي قولى مفيش كسوف بينا
تنهدت وقالت : بحبك اوى وكمان غيرانة عليك اوى
ابتسم حمزة وقال : واللى بيحب حد بيسيبه ولا بيفضل معاه طول العمر ها بس تعالى هنا
ياااه أخيراً اعترفتى انك غيرانة يعنى الموضوع مش موضوع اعملك اعتبار والهرى اللى كنتى بتقاوحينى بيه دة
جنى بخجل : حمزة بقى
حمزة : عيون حمزة بقى بحبك بقى
ابتسمت جنى وقالت : وانا بحبك اوى وماتصدقش الكلام اللى انا بقوله لمابغضب لأنى بجد مااقدرش اسيبك ولا أفرط فيك أبدا
حمزة يقول بسعادة : وانا مااقدرش استغنى عنك ومش شايف غيرك قدامى
جنى تبتسم بفرح وتقول : طب يلا ياحبيبي سمع
أخذ حمزة يرتل ماحفظه وكان صوته عذب وجميل جدا
وبعد أن انتهى قالت جنى بهيام : تجنن
نهض واقفا واقترب منها ليسألها : بجد
وقفت هى الأخرى وابتلعت ريقها ثم قالت : أقصد صوتك جميل اوى يجنن
حمزة يمسك ذقنها وينظر فى عينيها ويقول: طيب وانا ايه ياجنى
تنحنحت بتوتر وقالت : احم احم اااا انت حمزة طبعا
قربها إليه واضعا يده على خصرها قائلاً : لا والله ماكنتش اعرف
حمزة بس
بادلته نظراته المحبة وقالت : لأ حمزة حبيبى
اقترب من وجهها أكثر وهو يقول : بس
جنى : وصاحبى وابويا وروح قلبى
عانقها بقوة وقال هامسا بأذنها : اللهم اغزيك ياشيطان الواحد متوضى بقولك ايه ماتجيبى بوسة
جنى تضحك وتدفعه بعيدا قائلة  : بطل وامشى ايه ماعندكش شغل فى الشركة النهاردة
حمزة : عندى بس معنديش أهم منك دلوقتي والصراحة عاوز كل اللى شغال معاكى ستات مش عاجبني قسم الشباب والرياضة اللى فى الحسابات دول
مش مرتاح 🤨
جنى : حرام عليك دول محترمين جدا  ومعظمهم فاتحين بيوت ايه هترفدهم هم كمان وبعدين قسم الحسابات دة بالذات لازم رجالة لأنهم أذكى وأسرع
حمزة : وانتى مالك انتى محترمين ولا ولاد ستين حتى
حسك عينك أشوفك ناحية القسم دة لحد اما اشوفله تصريفة وضعهم مش عاجبني صغيرين في السن كدة ومعندهمش خبرة
أكيد مش هاقطع عيشهم بس عاوز انقلهم أنفيهم لسة هاشوف