أميرتى ذات الشعر الطويل

الفصل العشرون

رأت والدة آسر 😳
قال محمود فى عجل: نستأذن احنا والمرة الجاية عندنا بقى

قال حمزة: نورتونا واكيد بإذن الله هتتكرر سواء هنا او عندكم

غادر الجميع وخيم التوتر على ثلاثتهم نظرت جنى نحو والدة آسر وهى تشعر بالحزن والغضب معا فهل كانت تعلم بألاعيب آسر وان كانت تعلم لماذا لم تحذرها

قال حمزة فجأة: أنا خارج

تفاجأت جنى بفعلته وقالت فى نفسها: ايه قلة الذوق بتاعتك دى دة وقت تخرج فيه

لم ينتظر أى رد فعل من والدة آسر بل خرج مسرعا وقد بدا عليه الغضب الشديد

قالت والدة آسر بانكسار: امشى يابنتى ولا....

قاطعتها جنى: لا طبعاً اتفضلى

ادخلتها جنى فى الصالون وجلست امامها وهى تفرك يديها ببعضهما ثم قالت: تحبى تشربى ايه؟

كوثر : ولا حاجه يابنتى انا جاية أترجاكى تقنعى حمزة يسيب آسر

جنى: وانا مالى بالموضوع دة دى حاجه تخصه
وبعدين حضرتك متعرفيش ابنك عمل ايه
ولا كنتى عارفة ومدارية عليه

بكت بكاء مريرا فأشفقت عليها جنى وقالت: طيب بلاش عياط واهدى طيب
أنا حتى لو وافقت انه يسيبه مش هقدر اقنع حمزة بكدة

كوثر : بالعكس انا متأكدة لو طلبتى منه اى حاجة هيلبيهالك على طول

جنى تبتسم بسخرية وتقول: حضرتك غلطانه دة عنيد جدا وانا معلش بعتذر انا مش هينفع اطلب كدة لأنه الصراحة يستاهل كل اللى يجراله دة نصاب
ضحك عليا وغشنى
بكت جنى وقالت: على قد الحب اللى حبيتهوله على قد الكره والحقد اللى حاساه من ناحيته دلوقتى

كوثر : عندك حق فى كل اللى بتقوليه بس أنا أم ياجنى دة ابنى الوحيد قلبى بيتقطع عليه وحمزة مش راضى يسمعلى المرة دى
حالف ليدخله السجن هو والزفت مازن اللى سبب البلاوى دى كلها

جنى تقول وهى تمسح عبراتها: هو حضرتك ليه مش عاوزة تعترفى ان ابنك مجرم ومخادع وكذاب كمان
عاوزة تفهمينى ان مازن هو السبب لوحده وابنك كان فين مغيب يعنى
انا آسفه انى اقولك ان ابنك دة فاااسد
ولو كان عندك بنت صدقينى كان هيتعمل فيها نفس اللى اتعمل فيا عشان حضرتك كنتى أنانية عاوزة ترضى ابنك على حساب بنات الناس طب انا والحمدلله ربنا انقذنى وانقذ شرفى من جوازته المزيفة ومن محاولته اغتصابى فى الاول وكمان بعد اما هربته بجحوده وسفالته جايبلى واحد يغتصبنى لكن اكيد خدع بنات كتير وضحك عليهم ودمر مستقبلهم

كوثر : منكرش انى فسدته بدلعى ليه بس عمرى ماكنت اقصد أئذيكى ربنا يعلم قد ايه قلبى انفتحلك وحبيتك واعتبرتك زى بنتى لكن أنا اتضحك عليا زيك بالظبط هو أقنعنى وحلفلى انه وقع فى حبك وان دى اول مرة يشوف بنت بأخلاقك غير كل البنات اللى عرفهم كانوا منفتحين وعادى يخرجوا وعادى يسافروا لوحدهم من غير أهلهم فكل حاجة تمت كانت برضاهم
لكن انتى لقاكى بتسدى عليه كل الطرق فقرر يتجوزك
واقنعنى انه خلاص بطل مشى بطال وهيستقر ويعقل ويتجوز فبالتالى انا ماصدقت وقولت يمكن هيتصلح حاله على ايدك وفرحت وجريت على حمزة وركعت عند رجليه عشان يدارى عليه وميقولكيش حاجة وميقولش كمان انه هو اللى خطفك
فاللى كان باينلك ان آسر اللى انقذك عشان كانت الاوضة ضلمة ومسمعتيلوش صوت
حمزة فى نفس الوقت كان بيراقب كل تحركاته عشان يحميكى منه وبعت عربية بوليس تبع ظابط صاحبه تحوم حوالين المكان عشان يخوفه ويهدده واجبره انه يدخل يروحك من غير مايئذيكى ولا يلمسك ودة برضو كان بطلب منى وبعدها آسر دخلك ومثل انه انقذك لكن حمزة اللى انقذ شرفك وبسبب انى ضغطت عليه سكت على عشم يكون انصلح حاله وعشان بيحترمنى وبيحبنى رغم انى مرات أبوه ودايما كنت بفضل ابنى عليه