أميرتى ذات الشعر الطويل

الفصل السادس

عادت چنى إلى بيتها لتجده جالساً مع والدها ينتظرانها

جفلت چنى حينما رأته وقالت وهى تتنهد : السلام عليكم بابا حبيبي أنا آسفة جدا اتأخرت عليك بس الشغل كان كتييير جدا النهاردة عامل ايه أكلت ولا أحضرلك الغدا

قال والدها مبتسماً : وعليكم السلام ياچنى ربنا يقويكى حبيبتي متشليش همى اناكويس

أما بالنسبة للأكل فآسر طلبلنا أكل عشان نتغدا مع بعض وعشان مش عاوزك تعملى حاجة لأنك راجعة تعبانة

نظرت چنى ناحية آسر والذى منذ أن دخلت وهو لم يرفع عيناه عنها مما أشعرها بعدم الارتياح ولكنها قالت:

الصراحة أنا أصلاً اتصدمت لما دخلت ولاقيته وبعدين مالوش لزوم خالص انك تطلب اكل وبما انك طلبت فانا اللى هحاسب

صدم من قولها ونظر إليها نظرة معاتبة وقال : إيه الكلام الغريب اللى انتى بتقوليه دة احنا هنبقى أهل خلاص وأنا استأذنت عمى وهو مخلصوش انه يكسفنى زي ماانتى بتكسفينى دلوقتى

لم تتأثر بما قال بل قالت غاضبة : أنا عاوزة أفهم ايه حكاية استأذنت اللى طالعلى فيها دى هو احنا لسة نعرفك أصلاً احنا لسة هنسأل عليك قبل مانعمل حاجة رسمى مش معنى انى موافقة انك تطلعلى فى وشى كل شوية وكأننا مرتبطين وأنا معرفش

تدخل أبيها قائلاً: چنى ميصحش الكلام دة
آسر في بيتنا وعرض العزومة وأنا وافقت
مفيش كلام بعد كلامى

دخلت چنى غرفتها وهى في قمة غضبها منه وقررت أن لا تأكل معهم وقالت في نفسها: مش هيمشى كلامه هو علينا ويعمل اللى على مزاجه كل شوية واحنا لسة متخطبناش حتى

بعد قليل سمعت دقة على باب غرفتها وكانت قد بدلت ملابس الخروج بملابس المنزل وارتدت فوقهم إسدال الصلاة
قامت من على الفراش واتجهت نحو باب الغرفة تفتحه لتجد والدها والذى قال : چنى بغض النظر عن تصرفاته الغير محسوبة والمتسرعة لكن هو في بيتنا مش هينفع نبقى قليلين الذوق معاه
واجبه ياخده ويمشى وانا اتكلمت معاه وفهمته سبب اعتراضك من ناحية الدين والأصول واتأسفلى
اتفضلى اخرجى حضرى السفرة

كادت أن تعترض قائلة : بس يابابا 😔

لكن قاطعها وقال بحزم : يلا ياچنى مفيش داعى للاعتراض
خرجت وهى منزعجة من فكرة الجلوس معه حتى ولو ف وجود أبيها

قامت بتحضير الأطباق على السفرة وفتحت الأكياس فوجدت كباب وكفتة ذات رائحة زكية لم تستطع ان تقاوم لأنها جائعة جدا
وضعت الطعام في الأطباق والسلطات بجانبها

ثم جلست وقالت بصوت عالٍ : بابا الأكل جهز خلاص

اتجه والدها بصحبة آسر إلى السفرة وجلس آسر أمامها وبجواره والدها

آسر مبتسماً : تسلم ايدك بجد ترتيبك للسفرة يفتح النفس

لم تعلق بشئ واكتفت بالنظر إلى طبقها وبدأت بتناول الطعام في صمت