أميرتى ذات الشعر الطويل

الفصل الحادي عشر

هنا : كفاية دموع ياچنچونة أنا بتلكك أصلاً
مبروك ياحبيبتي ألف مبروك
ربنا يسعدك مع آسر يارب

چنى وهى تمسح دموعها : الله يبارك فيكي ياهنا
تعبتك معايا مابين بيتك وولادك ومابينى رايحة جاية

هنا وهى تعانقها : متقوليش كدة دة أنا مستنية اليوم دة بفارغ الصبر
بس كان حقك سمعتى كلامه وكنا عملنا كتب الكتاب في قاعة وطولنا الوقت شوية
كدة هيجيب المأذون مع مامته وهيتكتب الكتاب بسرعة أوى

چنى : مينفعش ياهنا عشان بابا
كفاية أوى انى هتجوز وهو لسة متوفى
أنا مش عاوزة ناس ولا دوشة كفاية انتى ومحمود من ناحيتى وهو براحته بقى يجيب اللى يجيبه

هنا : بقولك ايه ممكن نشغل حاجة نعنشة بقى
كفاية أناشيد هنام وربنا

چنى : بس يافاسدة مش هشغل الهلس بتاعك دة

هنا بقرف : ياه قفلتينى بجد
بقولك ايه
هتعمل ايه ياجميل النهاردة
كل اللي هببتيه مع آسر هيطلع على دماغك النهاردة هههههه بس والله فرحانة فيكى هههههههه

چنى وهى تحاول أن تتماسك تقول :
على فكرة أنا حاسة انك في صفه هو طول الوقت
واطية أوى
وعلى فكره ميقدرش يعمل حاجة ضد ارادتى

هنا: ياواد ياواثق انت
بس غصب عنك يادميل هتستسلم النهاردة
ماهو كله على سنة الله ورسوله
اعترضى بقى على كلام ربنا
هههههههه

چنى : اخس عليكى ياهنا شمتانة فيا أنا خايفة أوى
وانتى عمالة تهزرى وتضحكى

هنا : الصراحة اه شمتانة عشان طلعتى عين الراجل
وخنقتيه وكبتيه

چنى : أحسن يستاهل عشان مسبلاتى وقليل الأدب

هنا : هو هيجى الساعة كام ؟

چنى : قال حوالى سبعة كدة

هنا : يعنى ساعة كدة ونلاقيه هو حماتك مشرفين
طيب الحمد لله إحنا جاهزين ومخلصين كل حاجة

چنى : مش قادرة أتلم على أعصابى ياهنا مكسوفة وخايفة أوى

هنا : إجمدى كدة ياچنچونة

رن هاتف چنى

آسر : حبيبي أنا جهزت خلاص
وجايلك على طول
مش قادر أصبر
أخيراً هتبقى معايا وبتاعتى لوحدى

چنى بارتباك : إيه بتاعتى دى

آسر : يعنى سيبتى الكلام كله ومسكتى في بتاعتى
أيوة ياستى بتاعتى يعنى ملكى يعنى أنا وانتى هنبقى واحد مفيش حدود
مفيش بعد
هتبقى جنبى وقريبة منى ومن قلبى دايما
مش هشيلك من حضنى

چنى : وبعدين معاك بقى
بطل الكلام دة

آسر : بذمتك حد يبقى حبيبه قمر كدة ويبطل يتغزل فيه
والله دة يبقى حرام عليا
بحبك ياچوچو