أميرتى ذات الشعر الطويل

الفصل التاسع

أحست چنى بالارتباك فنهضت لتأخذ حقيبتها ووضعت اللاب توب فى الحقيبة المخصصة له
ثم قالت : الوقت إتأخر نتكلم بعدين أنا عاوزة أروح
قلت هتوصلنى أنا موافقة يلا ولا أطلع أروح مواصلات

قال آسر وقد غضب ولأول مرة ترى وجهه هكذا :
متتجاهليش كلامى كدة أنا بكلمك يبقى تردى عليا زى الناس ومفيش خروج غير لما اسمع ردك

شعرت چنى بالخوف فلأول مرة ترى هذا الجانب منه
وتجمعت الدموع في عينيها فلم تصدق تحوله المفاجئ

قالت: أنا مش بتجاهلك انت مش قادر تفهم ان أسلوبك وجرأتك عكسى تماما
سكوتى دة مش بإيدى دى أخلاقى وتربيتى
إفهم بقى
لم تستطع أن تكمل وانفجرت باكية
فأسرع واقترب منها وكاد أن يضع يده على وجهها
ولكن تراجعت سريعاً للوراء وازداد نحيبها

تنهد ثم قال : خلاص كفاية عياط عشان خاطرى أنا آسف
بس حقيقى مش عارف أسف على إيه؟
آسف عشان زودت حزنك متعيطيش بقى
لولا الملامة واللى هسمعه يسم بدنى كنت أخدتك في حضنى دلوقتى عشان تهدى
بحبك على فكرة💞
وقبل ما تقولى حاجة عارف اللى هتقوليه : بطل الكلام دة عيب وحرام حااااضر

نظرت إليه ببراءة ثم قالت وهى تمسح دموعها : ممكن تخلينى اروح وهرد عليك بكرة

آسر مستسلما : حاضر بس مش عاوز دموع تانى
ابتسمت وأومات برأسها موافقة

أخذ منها حقيبة اللاب ليحملها عنها وقال ممازحا إياها: هاتى اللاب اللى محيرك دة في الرايحة والجاية

قالت وهى تبتسم برقة : الله مش عليه شغلى لازم يبقى معايا على طول
قال وهو يغمز : ماشى ياست المشغولة اتفضلى قدامى
دة العربية هتزغرط عشان أخيراً هتركبيها

ضحكت أخيراً ثم خرجت وراءه إلى الخارج
وترددت قليلاً قبل أن تجلس بجانبه

فقال وهو يدير محرك السيارة : يلا يا بنتى مش هخطفك

جلست بجانبه وبداخلها بدأت تشعر بحب تجاهه قد بدأ بالفعل
فهى برغم صدها له المستمر ولكنها تفرح عندما تراه
وتستمتع بكلامه ومداعاباته المرحة

انطلق بالسيارة

وفي وسط الطريق قال مداعبا إياها : عاوز أسألك سؤال محيرنى أوى

نظرت إليه وقالت : مش ملاحظ إن حيرتك وأسئلتك كترت
قال وهو يضحك : الصراحة اه كترت أوى هههههههه
بس بجد قوليلي بتسرحى شعرك إزاى ؟
يعنى المشط بتاعك زينا عادى ولا كام متر
الصراحة مش فاكر ريبونزل كانوا بيسرحولها إزاى

أجابته بخجل : ملكش دعوه

آسر وهو يذكرها بأول مرة رآها فيها : أعمل إيه بس أول معرفتى بيكى كنتى محتاسة بشعرك مش عارفه تلميه إزاى وأنا الصراحة اتهبلت واتسحرت لما شوفته وشوفتك السنارة غمزت على طول
عقبال ما تغمز عندك ياقمر
على فكره شعرى ناعم وفارق على جنب 🧒
ولو ركزتى أكتر هتلاقيه أصفر شوية برضك😉