أميرتى ذات الشعر الطويل

الفصل الخامس والثلاثون

💞مفاجأة 💞

هنزلكم الفصل النهاردة بدل يوم الخميس يلا مش خسارة فيكم 🥰🥰🥰🥰

نبدأ بقى 😉😍

جنى تنظر نحو حمزة لتقول محذرة : حمزة مينفعش كده
ثم اتجهت بنظرها لادم الذى كان يبكى بشدة وقالت : حبيبى بطل عياط عشان ماما تيجى
نظر آدم نحوها ببراءة ثم قال: لو معيطتش ماما هتيجى
جنى تقول مبتسمة: ايوة ياروحي أكيد هتيجى ويلا تعالى نشوف هتاكل إيه لازم تفطر كويس يابطل
ادخلته المطبخ وتركته يأكل مع أمل ثم خرجت لتجد داده فاطمه أمامها أسرعت نحوها تسألها : فين حمزة وايه اللى حصل لدى كله ازاى يعمل كدة قدام الولد
دة منهار خالص وخايف

دادة بحزن: حمزة فوق بس على آخره
جنى : أنا مش فاهمة إيه اللى جرى بس وليه جاب المحامى وضربه تانى وضربها ليه أنا طالعاله عن اذنك

دخلت عليه جنى وجدته جالسا على الفراش وعلى وجهه ملامح الغضب
اقتربت منه وجلست بجواره ثم قالت : فى إيه ياحمزة مالك ثاير كدة ليه
هى دنيا ضايقتك فى حاجة
ارتبكت جنى وقالت وهى معتقدة أنها حاولت اغوائه : أقصد يعنى حاولت زى امبارح تتكلم في علاقتكم ببعض زمان و......

تنهد حمزة ثم قال وهو يجاهد لكى يبقى هادئاً: علاقة إيه وزفت إيه بس هو دة كل اللى فى دماغك ماانا أكدتلك كذا مرة انى عمرى ماحبيت غيرك وعمر رجوعها وظهورها فى حياتى ماهيأثر عليا بأى شكل من الأشكال

قالت جنى وقد ألمها غضبه منها:طب بالراحة علينا شوية يااستاذ حمزة وإلا كدة هتخلينى  اصدق اللى هى قالتهولى
نظر نحوها بحدة وأمسكها من ذراعها قائلاً:
واضح إن مفيش فايده 
نعم قالتلك إيه ياجنى

قالت جنى بتوتر وقد ألمها ذراعها من ضغطه عليه :
ايه ياحمزة الأسلوب دة دراعى ياأخى

تركها ووقف غاضبا ثم قال: اهو بعدت خالص قوليلى بقى قالت ايه
قالت جنى وهى تفرك يديها: ولا حاجه
حمزة بغضب  : ولا حاجه ازاى يعنى قولى خلصينى

ابتلعت جنى ريقها واغرورقت عيناها بالدموع وقالت:
قالتلى انك جايب الراجل اللى ضايقها عشان تعاقبه وتكمل عليه وانك لسة بتغير عليها

حمزة بنفاذ صبر يسأل : وانتى صدقتيها
لم تجيبه لأنه كان على غير طبيعته مما زاد ارتباكها وخوفها منه
حمزة بصياح: ماتردى ساكتة ليه ولا اقولك بلاش تردى واضح انك صدقتيها
ياخسارة ياجنى كنت فاكر إن فى ثقة مابينا اكبر من كدة
شكلى كنت موهوم

انتفضت جنى من نبرة صوته الحادة وخافت أن تتحدث وظلت جالسة تنظر إلى الأرض وتكتم دموعها إلى أن سمعت صوت إغلاق الباب بقوة لتترك العنان لدموعها وشهقاتها

بعد قليل أحد ما طرق باب الغرفة ودخل لتجدها السيدة كوثر
مسحت عبراتها سريعاً واتجهت نحوها وقالت: تعالى اتفضلى عاملة ايه ياحبيبتي ازى صحتك