نظرت چنى نحو الشخص فما كان هذا غير حمزة والذى قال غاضبا وهو يأمر رجاله: خدوا الحيوان دة من هنا
وحطوه هو والبيه اللى برة فى المخزن القديم لحد اما أجيلهم
يلا بسرعة
أخذت تنتفض وترتعش وأحست ان قدماها لن تحملاها وسوف تقع فى اى وقت
وحمدت ربها على وصوله فى الوقت المناسب
لم تشعر بنفسها وقد جرت مسرعة اليه تعانقه وتقول هامسة : حمزة الحمدلله انك جيت
أنا آسفه ثم أجهشت فى بكاء طويل
تركها حتى هدأت و فجأة عادت الى وعيها واستوعبت انها عانقته دون ان تدرى
تركته وقالت وهى تمسح دموعها وتنظر الى الأرض: أنا مش عارفه محستش بنفسى كدة ازاى انا....
حمزة: المفروض انى جوزك فعادى متشغليش بالك وماتحسيش بالاحراج
اما بقى بالنسبة للى حصل حسابك معايا لما ارجع بعد اما اصفى حسابى مع الكلبين دول
اهم حاجة انتى كويسة حد لمسك؟ حصلك حاجة؟
اجابت بالنفى قائلة: لأ الحمد لله ربنا بعتك في الوقت المناسب أنا...
قاطعها وقال غاضبا: مفيش كلام هنا لما اجيلك فى البيت اتفضلى اطلعى قدامى
هتروحى مع هنا وجوزها مستنينك تحت
نزلت وهى مطأطأة الرأس وكانت تشعر بالخزى بسبب مافعلت
وماا ن وصلت الى تحت ورأت هنا تنتظرها مع زوجها محمود حتى أسرعت وارتمت فى حضنها وهى تبكى وتنتحب
هنا وهى تبكى أيضا تقول: جنى انتى كويسة طمنينى
انا مكنتش متطمنة خالص عشان كدة كلمت حمزة
وكنت خايفة من رد فعلك بس فى حاجة ملحة جوايا خلتنى كلمته واما لاقيته اتخض وصرخ وقاللى دول مجرمين ايه اللى وداها بس
خفت أكتر فالحمدلله ان ربنا الهمنى بكدة
جنى: الحمدلله كان زمانى ضعت
محمود: حمدالله علي سلامتك ياجنى
جنى: الله يسلمك
حمزة: معلش هتعبكم وصلوها الفيلا عشان لازم اخلص شوية حاجات ضرورى
محمود: متقلقش عليها و خلى بالك على نفسك
تركهم حمزة وركب سيارته ورحل
بينما ركبت جنى مع هنا فى سيارة زوجها
هنا: مصدقتش لما قاللى دول مجرمين قلت ازاى بيقول على آسر كدة اكيد فى غلط
بس مكانش هاممنى غير انه يلحقك فمركزتش ولاحتى سألته ليه قال كدة
عادت جنى الى البكاء عندما تذكرت ماسمعته ومافعله آسر بها وانها ظلمت حمزة كل هذا الوقت
قالت هنا وهى تحاول تهدأتها: كفاية عياط عشان خاطرى المهم انك بخير
عملك ايه الزفت مازن دة وآسر مدافعش عنك ليه
زاد بكاؤها وشعرت بوجع فى قلبها لانها أحبت وآمنت لآسر ولكن خذلها وخدعها وكان سيؤذيها أذى كبيرا
أنت تقرأ
أميرتى ذات الشعر الطويل
Storie d'amoreعشقها قبل أن تعشقه هى وافتتن بجمالها الطبيعي الآخاذ أجبرها على الزواج بالتهديد واعدا إياها على أن يكون الزواج مؤقت حتى يمتلكها ولا تبقى لغيره أحبت أخوه الأصغر والأجمل . هل ياترى من ستختار زوجها أم حبيبها؟ هذا ماسنعرفه وسط أحداث شيقة ومثيرة ورومانسيه...
