أميرتى ذات الشعر الطويل

الفصل الخامس والعشرون

آسر😱
انت آسر صح؟ عاوز ايه اتفضل انزل بقى وسيبنا فى حالنا ياأخى

حمزة يقول غاضبا: جنى متتكلميش معاه خالص
وانت ياآسر راجع نفسك فى اللى بتعمله دة
صدقنى هتندم

قال آسر بعد أن كشف وجهه: انا بجد هندم لو معملتش اللى بعمله دلوقتي
اطلع يلا ومتحاولش تقاوم لأن رجالتى فى كل مكان

حمزة يقول باستهزاء: رجالتك

آسر: اه رجالتى اللى احسن واذكى من رجالتك اللى معرفوش يحموك وانت جوة بيتك

حمزة: كنت عارف ان انت اللى باعتهم
ضحك آسر ثم قال: بس خلى بالك مرضيتش أخليهم يقرصوا عليك مهما كان انت اخويا برضو ههههه
ثم قال وهو ينظر نحو جنى: أما انتى بقي فمتعرفيش عملتى فيا إيه انا...

صىرخ حمزة غاضبا : بص قدامك وشيل عينك عن اللى مايخصكش

آسر يقول بغيظ: انت بجح اوى دى كانت حبيبتي وبتاعتى انا
انت اللى اخدتها منى
يلا اطلع بقولك

طاوعه حمزة وهو يضرب بغضب على مقود السيارة وانطلق بها  متبعا لتعليمات آسر التى يرشده فيها عن وجهتهم

اتجه بهم نحو الطريق الصحراوى وبعد مسافة ساعة ونصف تقريبا قال آسر بلهجة آمرة: بس اقف عندك وانزل يلا
كانت جنى تبكى فى صمت خائفة من مصيرهما ماذا سوف يكون وقد بدا على آسر انه  قد عقله وسيفعل اى شئ غير آبها بالعواقب

نزلت جنى بعد ان نزل حمزة فوجدت سيارة توقفت وراءهم ونزل منها خمس رجال واتجهوا بسرعة ناحيتهم بجوار آسر الذى قال: خدوه على جوة وكتفوه

اتجهوا نحوه فأخذ يقاومهم وهو يقول: آسر ياجبان واجهنى راجل لراجل ومتستخباش ورا رجالتك دول
او خليهم واحد واحد يواجهونى وانا هاوريك من هو حمزة اذا كنت نسيت

آسر: انا انسى برضو حمزة البطل اللى من صغره متفوق وبيطلع من الاوائل وآسر لأ
حمزة البطل اللى  فى النادى الأول فى البطولات وانا لأ
طول الوقت حمزة  حمزة  لما كرهت اسمك وكرهتك
عشان كدة قررت لما كبرنا انى  اخد منك كل حاجة من اول هدومك لحد الحبايب بتوعك هههههههه
بس مراتك الأولانية كانت سهلة اوى وماخدتش فى ايدى غلوة وقعت فى حبى على طول وكانت بتتحايل عليا طول الوقت انى ابقى معاها عارف ليه لأن انت ماكنتش مالى عينها

غضب حمزة وقال: اخرس ياكلب ياخاين
خليهم يسيبونى وانا اعرفك حجمك كويس

ضحك آسر بتهكم وقال:  حجمى دة انت اللى هتعرفه النهارده كويس
خلينى اكملك عشان جنى تعرف قد ايه انا حبيتها
اينعم الاول انا كنت عاوز اسبقك واخدها منك قبل ماتوصلها لكن بعد كدة اكتشفت انى وقعت فى حبها
طبعا انت نفسك تعرف انا ازاى وصلت لجنى قبلك
انا ماكنتش رايح بالصدفة ادور عليك  زى ماقولتلها
لأ انا كنت قاصد اشاغلها قبلك
متستغربش 🤨
لما جيت اطالبك بحقى فى شركات أبونا الله يرحمه
واحدة من الخدم بتوعك دخلتنى وقبل ماتحسوا  بوجودى انت ودادة فاطمة سمعتها بتتحايل عليك فى مكتبك انه لازم تعيد نظر فى حياتك وتحب وتتجوز عشان عاوزة تفرح بيك
ساعتها انت قولتلها ايه..؟
قولتلها انك خلاص لاقيتها وانك معجب بيها اوى
ولما سألتك مين سعيدة الحظ اللى وقعت حمزة بيه
قولتلها مييين؟
قولتلها بنت جميلة شغالة فى الجمعية عندى هاتعرف عليها وقريب هتقدملها
الصراحة بقى انا ماكدبتش خبر
سبقتك وخليتها تحبنى قبلك وخليتك تموت من الغيرة والغيظ وهى بتفضلنى عليك وكمان فاكراك راجل فاسد ومغتصب
ها إيه رأيك فيا بقى ياترى بقى مين الأذكى؟
كانت جنى لاتصدق ماتسمعه هل هذا آسر ام شخصا آخر تراه لأول مرة
صرخت وجرت نحو حمزة ثم قالت: آسر خليهم يسيبوه حالا وكفاية لحد كدة