وخز الدبابيس.. إحتضار و الراء نون

٣

"صباح اليوم التالي_الخامسة صباحاً"

_صحيت بتكاسل وانا بسحب نفسي من حضن مِشعل الكان غرقان في النوم..حس بحركتي فصحى فرك عيونه وقال:-إيناس المصحيك بدري شنو؟!..ح تمشي الشركة برضو؟..قولته ليهو:-أيوة ح أمشي..مِشعل أنا آخر فترة أهملت شغلي فلازم الفترة الجاية أضغط نفسي شوية..قال لي وهو بجرني ناحيته:- يا حبيبتي أنتي حامل في التامن يعني الشهر ده بذات ما ترهقي نفسك..أنا ما ضد شغلك أبداً وأنتي عارفة كده بس شيلي ليك إجازة💙..بعد الولادة أنزلي شغلك عادي فاهماني..حِملك المرة دي ما زي الاول ولا التاني..فلو سمحتي ما تتعبي نفسك..قولته ليهو:-طيب...بس ح أمشي أشوف الحاصل والح يحصل شنو تاني وإذا مطلوب مني أي شغل أخلصه ليهم من البيت وبكده أرتاح..يلا قوم نصلي..وبالمرة أجهز سما للروضة..قال:- ولينا قعدة بخصوص فرزدق..قولته ليهو:-أيوة ما ناسية💙..يلا قوووم الصلاة فاتتنا اصلاً..بعد صلينا وكذا..مشينا المطبخ سوا..كان نعسان بس أنا مستحيل أعمل شي براي😂😂براهو دلعني وعودني على كده..عملتا الشاي وهو كان ماسك تلفونه والنعاس في عيونه..قولته ليهو:-ح أمشي أصحي سما وأجهزها..بس طلع لينا الشاي في الصالة معاهو البسكويت..جيت مارة بجنبه...وقف قدامي وختا يدو على بطني وقال:- على فكرة قبل تجي لازم تعرف إنو أمك إنسانة دلووعة..وللاسف أنا الخربت طبعها..بقيت أضحك وقولته ليهو:- أهو براك مُعترف💙😂..خليني أصحي البت دي وبطل حركات..قال لي بخبث:-أنتي لسة شفتي حاجه..حركاتي ليك فترة منها بس أستني أفضى ليك..أتجاوزتو ومشيت غرفة سما..صحيتها براحه ودخلتها الحمام...بعد شراب الشاي لبستها وعملت ليها الفطور..قالت لي:- ماما أنتي ح تكوني قاعده اليوم؟؟..قولته ليها:- أيوة أيوة ح تجي تلقيني💙..بستها..باست أبوها😂ترحيلها جاا..مِشعل وصلها لعندو وجاا راجع..سما عندها 4 سنوات وفرزدق عندو 6 سنوات.."متلازمة الداون💙_متلازمة الحب"...

"فرنسا_باريس"

"المعهد الموسيقي"

_بعد خلصت الدرس جاني الطالب الاتصل علي..أتكلمنا بخصوص الشغل..أديتو موافقتي💙..أداني رقم المدير عشان اتواصل معاهو وأفهم الحاصل..شكرته شديد وبعدين طلعتا على المقهى كالعادة بس لينا ما كانت هناك..أتصلت عليها كتير تلفونها مُغلق..فكرة إني أمشي أسأل عليها في السكن كانت صعبة..جليت الفكرة وقلت لنفسي للمساء ح تظهر بتكون في عملية أكيد..رجعتا شقتي أتصلت على مدير الكافيه اتكلمنا في تفاصيل كتيرة ووافق إني أجي للمعاينة بكرة الساعة 9 صباحاً..قفلت منه وشلت تلفوني رسلت للينا بحكي ليها تفاصيل يومي في ريكورد💙..بعدها عملتا لي قهوة ظريفة وأنا واقف في البلكون شفت أتنين بضحكوا بصوت..أتضح إنو الولد فاجأ البت وطلب يدها للزواج في الشارع💙...جاا في بالي موقف فتلقائياً أبتسمتا..فتحت تلفوني لقيت رسالة من سمر..كانت مُرسلة لي صورة رُسلان💔..وتحت الصورة كاتبه :- جاا بيتنا أمس وقعد اتونس مع أمي مسافة💙..مارديت عليها..كل العملتو قفلت تلفوني بالمرة..عاينت للتاريخ في محاولة إني أنسى الليلة يوم شنو بس ما نسيت...الليلة ذكرى وفاة أم رُسلان💙..من عشرة سنوات وانا كل ما يجي اليوم ده بتذكر رُسلان وواصلني إحساسه..يا ربي هو و مقداد لسه بزوروا قبرها!؟؟