وخز الدبابيس.. إحتضار و الراء نون

١٦

"بعد عدة أشهر" 

"أحداث تمحورت فيما بعد"

"على لسان مجدي"

_وبكده يا شباب ح نرحل بحري الاسبوع الجاي...الشقة اللي لقيتها هناك سعرها مناسب شديد وزي ما شايفين نحنا شغلنا ماشي كويس وبنكسب كويس💙..إيناس قالت:-بحري سر الهوى...حته كويسة وجميلة...مقداد قال:-وأهلك مسافرين متين يا ليالي؟..ليالي وقتها كانت سرحانة هزيتها من كتفها قالت لي:-ها..قولته ليها:-مقداد بتكلم معاك..بسأل أهلك مسافرين متين؟؟..قالت:-الاسبوع الجاي..عارفين المزعلني شنو؟..إنو أمي ما ح تحضر ولادتي..قالتها لي بالواضح ما عندي طريقة أنزل بيها السودان تاني💔..إيناس قالت ليها:-نحنا هنا..صح ما ح ناخد مكانها بس كلنا جنبك..ما تشيلي هم حاجه..الأمور ح تظبط💙..مجتبى قال ليها:-بالضبط..و بعدين أمك طال الزمن أو قصر هي ح تتقبل الواقع الأنتي عايشه ده..ما تركزي كتير...قولته ليها:-وبعدين يا حبيبي أنا هنا وأمي كمان ح تجي تقعد معانا فترة لأنو أبوي مسافر..قالت:-القصة مش في أنكم هنا ولا لا..أمي فارقة معاي يا شباب والله..كلنا سكتنا وبقينا نعاين ليها..

إيناس قالت ليها:-حالياً أنتي في الثامن صح!!..نحنا بكرة من النجمة ح نطلع نجهز شنطة البيبي..مجتبى قال:-بتك دي ح ندلعها دلع..توصل بالسلامة بس..مقداد قال:-من أسي يا شباب أنا الح أشتري السرير والألعاب..قولته ليهو:-ألعاب شنو يا مقداد..شفت ليك طفل عمر يوم بلعب😂😂😂..قال لي:-يا زول أنت مالك..خليني أظبط بت أخوي زي ما عاوز💙..ليالي قالت ليهو:-بت اخوك قلت لي🙂..قال ليها :-وبت اختي ما حنك😂😂..البت بتنا كلنا يا شباب ولا شنو..بقينا نضحك فيهو....ليالي حقيقي يومها كانت مستاءة لحدي ما رجعنا البيت....أم ليالي ما حاولت تتقبلني ولا بأي شكل من الأشكال وليالي طول الوقت الموضوع ده مؤزمها..لما ليالي كلمتها بحملها..بكل برود قالت ليها ما كان تستعجلي للحمل وأنتو ظروفكم ما معروفة وكلام بالشكل ده..ليالي مابينت ليها أنها زعلت..تعاملي مع أختها وأبوها كان راقي و حلو..ما حصل سمعوني كلمة شينة وانا نفس الشي..الحلو دائماً وابداً في ليالي أنها بتعامل أهلي كأنهم أهلها..بتجي أوقات بحس أنها بتهم مش مرت ولدهم💙...رجعنا البيت كانت بتتحرك بصعوبة..قولته ليها:-ينفع ترتاحي شوية..قالت لي:-شايلة هم الرحول وسفر أهلي..البلد دي ما بتتقعد بدونهم..قولته ليها:-أنا فاهمك..بس ليك علي أول ما تولدي وتشدي حيلك نسافر ليهم طوالي..قالت:-لو أمي كان نفسها تشوفيني بعد الولادة أكيد كانت أجلت سفرها أو حتى وعدتني أنها تنزل..مسكتها من يدها وقعدها في الكرسي..قولته ليها:-ما ترهقي نفسك بالتفكير..ربنا ح يدبرها💙وزي ما قال مجتبى طال الزمن أو قصر أمك ح تتقبل..وبعدين ينفع تنومي..من الصباح إرهاق×إرهاق..قالت:-طيب حاضر..ماما فاطمة ح تجينا متين؟!..قولته ليها:-ح ترحل معانا وتقعد لحدي ما أبوي يجي راجع..قالت:-تمام..متأكده ح تونسني..قولته ليها:-أكيييد..يلا يلا لازم تنومي...