وخز الدبابيس.. إحتضار و الراء نون

٣٠

"على لسان مجتبى"

"بعدها...!؟

_بعدها إبتدت مراسم زواجي من لين❤..من يوم التعارف وهي رافضة توريني وشها في الواقع..ما عارفها بتغيظني ولا عاوزاني أشتاق ليها..بعيداً عن إني كنت ح أطير من الفرح لأنو الأمور كلها ماشة تمام التمام بس ناقصاني شوفتها..حتى يوم مشت السوق عشان تتم شيلتها حذرتني ما أجي😂😂..وانا بحنس فيها بس راسها كان انشف من راسي...يوم كنت مع ناس مقداد وأتصلت عليها المساء...ردت علي إيناس وقالت:-يا ولدنا شنو لكن..زن زن من الصباح...خلي العروس دي شوية..قولته ليها:-أووو أم أيان...كيفك إن شاء الله بخير!؟..قالت:-بخير والله..كيفك انت؟؟...قولته ليها:-أنا مشتاااق بس لبت الناس دي...ممكن تديها التلفون...قالت لي:-لا لا...قولته ليها:-ياخ ما ممكن لا أشوفها لا أسمع صوتها..أخدمي أخوك وأديني ليها..بتعمل في شنو هي!؟..قالت لي:-أنت ما عارف هي بتعمل في شنو...قولته ليها:-أديني ليها هي توريني🙈...بقت تضحك..شوية وسمعت صوت لين بتقول:-هاي هاي...قولته ليها:-هاي بتاع الساعة كم...معقولة لكن!!..قالت:-والله يا كيرال من الصباح كنت في المستشفى..جيت قبل شوية أمي وإيناس ما خلوني في حالي...وما لقيت طريقة أرجع أكلمك...قولته ليها:-ما خلوك في حالك كيف..عملو ليك شنو!؟...قالت لي:-أنت بتستدرجني عشان أقول ليك..وعامل فيها ما فاهم حاجه...قولته ليها:-ياخ انا بستهبل وأنتي مشيني بس ما عليك...المهم أنا عاوز أشوفك حالاً...قالت لي:-تشوفني وين...لا طبعاً...وبعدين أنت اساساً ما ح تلمحني إلا بعد العقد😆...قولته ليها:-طيب والله حرام عليك...بتعملي فيني كده ليه!!...مقداد قال لي:-أرقد يا عيش😂😂..مجدي قال ليهو:-خلي خلي..لما كنا بنخلط ونترقد كده كان بزعل مننا😂😂خلي يعيش اللحظة...قومتا من جنبهم..لين قالت لي:-انت مع اصحابك !؟..قولته ليها:-أيوة وعاملين لي حركات..ها ح اشوفك ولا لا!؟...قالت لي:-مجتبى عاين الساعه كم..الوقت إتأخر..قولته ليها:-كلها دقايق بس والله ما ح اخد من وقتك كتير..قالت لي:-مجتبى ما تبقى زي البيبيهات😂..قولته ليها:-يا زولة أنا بيبي وبحنس فيك ياخ...حسي بي...قالت:-والله حاسة بس...قولته ليها:-خلاص خير...قالت لي:-إحساس زعلتا وكده يعني...قولته ليها:-لا...قالت لي:-أنا النفسي اشوفك والله ما أنت❤..ساعه بتجيبك ؟!...قولته ليها:-هواااا....بقت تضحك❤!

"على لساني"

_بعد رجعت بيتي اتصلت على ليالي...قولته ليها:-بكرة ما نفسك تجيني!؟..قالت لي:-مخططه أجيك والله وأجي أشوف العروس بالمرة..قولته ليها:-خلاص ح أستناك نفطر سوا..قالت لي:-هي حبستها كيف!!...قولته ليها:-أنا وخالتو نازك بنحنسها تحنيس عشان تقعد تدخن ما زي ناس..قالت لي:-ما تضربيني ياخ😂😂😂...أنا بكرة بجي أوصيها تقعد براها بدون تحنيس...قولته ليها:-أنتي بتعمليها والله يا صحبتي😂😂..بكرة ما تموسريني..قالت لي:-لالا بجي إن شاء الله