وخز الدبابيس.. إحتضار و الراء نون

٥

#بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

"باريس_حيث توقفنا"

_لينا قالت:-رايك شنو نمشي الجسر "جسر العشاق_نهر السين"..قولته ليها:-ونشيل طبلة ونكتب عليها ونرمي المفتاح والهبل ده صح؟؟..قالت لي:-لا ياخي..الموضوع ظابط ما ضروري نكتب بس يكفي نشوف العشاق هناك وكياتتهم..يشهوك الحُب💙..قولته ليها:-والله أنا الحُب شفتو عند مجدي و....وليالي..باقي القصص كلها ما شايفها مهمه💙..قالت:-ما ح تخسر شي..يلا قوم معاي..قولته ليها:-طيب يلا...اتحركنا على الجسر..كنتا لابس طاقية مغطي بيها شعري لأنو أخر فترة ما حلقتو..ولينا لافة شال حول رقبتها ولابسة قفازات..لما وصلنا هناك ركبتا سماعاتي وبقيت أعاين للنهر والناس البتكتب وفي منهم الواقفيين ياخدوا صور وفي البودعوا بعض ويبكوا..هزيت راسي بإستخفاف..لينا جات وبصورة مفاجئة أخدت لي صورة معاها..قالت:-عاين الصورة رهيبة كيييف..قولته ليها:-كلمتك مليون مرة ما بحب الصور أنا..غير انها ح تفضل ذكريات بتعمل شنو!؟...قالت:-الصور بتفضل ذكريات حلوة على فكرة وإلا أنت نفسك ما كنت احتفظت بصور والدك واصحابك وصورتنا ديك💙..طلعتا الطاقية وبقيت احرك يدي في شعري كم مرة..أثناء ما نحنا واقفين جوا اتنين وقفوا قصادنا وكعادتهم يعني لا استحى لا أدب حضنوا بعض بطريقة عميقة شديد ..لينا طوالي لفت وشها على الاتجاه التاني..أبتسمتا لمن أسناني ظهرت وقولته ليها:-خجلتي!؟..قالت لي:-كأنه الجو اليوم بارد شديد..بقيت أضحك ضِحك😂😂..دي كانت أول مرة هي تشوفني بضحك كده..بقيت مشغلها ليها..خجلتي يعني؟..عادي يا لينا..المفروض تكوني متعودة على المناظر دي..يعني خجلتي ولالا؟؟😂💙..بقت تضربني في كتفي وقالت:- أفضل حل..أمشي أخليك..بقيت ماشي وراها وبناديها الدنيا بدت تليل..وهي ماشة بسرعه مبالغة وأنا نفسي قام من الضحك الشديد والمشي..قولته ليها:-خلاص خلاص..أسف يلا أقيفي..وقفت وجاتني ببطء وقالت:- بعيداً عن تفاهتك..ضحكتك حلوة💙...ملامح وشي رجعت عادية وقولته ليها:-لفيتي كتير الليلة..يلا أرجعي عشان ترتاحي..وقفت ليها تاكسي..سألتني:-ما راجع؟..قولته ليها:-محتاج أقعد مع نفسي شوية..هزت راسها متفهمه ومشت..رجعت الجسر تاني وشلتا لي طبلة كتبت عليها 

"كم أهواكِ ياعدم"..ورميت المفتاح في النهر..وأتمشيت لحدي المحطة...!

"يوم السفر"

"في الطيارة"