وخز الدبابيس.. إحتضار و الراء نون

١٠

بسم الله الرحمن الرحيم 

في البداية اسفة حقيقي يا جماعة .. إيناس كل يوم بتنزل حلقة و انا بنسخها بس باتسى انزلها هنا .. اااااااااااسقة و لكم العتبى حتى ترضو.. 

قراءة ممتعه 

ـــــــــــــــــــــــــــــــــــــــــــــ

"في الاستديو"

"على لساني"

_كنا بنحسب في القروش أنا ومجتبى..مقداد كان في الكافيه مع وعد....قولته لمجتبى:-ما قادرة أصدق..عملناها❤..قال لي:-نحنا أصلاً رهيبين يا بت😎..بكرة كده نطلع على المستشفى يتحدد لينا موعد العملية والسان الظابط ده يشوفنا لأول مرة..قولته ليهو:-ح يتخلع خلعه شديدة...قال لي:-من الله سمحييين البخلعو شنو😎..قولته ليهو:-أمس جاني اتصال من قناة ()..المفروض نطلع في برنامج مسائي بعد بكرة..قال لي:-ما وقته..أعتذري ليهم..بعد نخلص موضوع ولدنا ده..نفضى للمواضيع دي..قولته ليهو:-طيب حلو..دقيقة مجدي وليالي وين!؟...قال لي:-في المطبخ..ده عيب المرتبطين..الناس يكونو قاعدين فجأه ينسحبوا..قولته ليهو:-ارتباط يعني شنو!؟...قال لي:-وهم وهم خليهم يعيشوا اللحظة..بقيت اضحك..ليالي جات طالعه قالت لينا:-سمعتكم يا كلاب..سناقل محروومين وبتسيؤا الظن وغيرانيين يا حرام..قولته ليها:-باكر نحب ونتحب ولا شنو يا تبو😌..قال لي:-معلوووم..والتفت على ليالي بحركه درامية كده وقال:-وبعدين يا حبيباهه نغييير من منووو...خليني اشاور كده بس بقيفوا لي صف😏..قالت ليهو:-كده شاور..قال ليها:-ما بالسرعة دي انتي كمان..وبعدين ما قادر اقوم ضهري واجعني😂😂😂...مجدي جا طالع شايل سيرمس شاي في يدو..وليالي مشت جابت صحن الكيك...مجتبى قام شغل اغاني غربية وبقى يغني ويرقص ويتهابل😂😂..مجدي قال لينا:-الجو ظابط نطلع على شارع النيل؟!..قولنا:-قدااام رجعت وقولته ليهم:-طيب ومقداد!..مجدي قال لي:-مع حبيبته يعني ما فاضي لينا..ارح ارح..طلعنا والجو رهيييب شديد..أنا ومجتبى و ليالي كنا بنلعب ليدو..ومجدي ساكت وسرحان في ليالي..شوية وقال ليها:-ليالي..قالت ليهو:-هاا.. كانت مركزة مع الليدو..قال ليها:-ممكن تركزي معاي شوية..قالت ليهو:-لما أغلب بركز معاك..قال ليها:-حبيبتي أنتي أصلاً غالباهم❤..العويرة بقت تتفصل فجأه مجتبى صرخ:-زوووط..الأول😎..اتعلموا لييدو زي الناس يا فارات بعدين تعالوا ألعبوا مع المحترفييين..قولته ليهو:-يا ود اتعالج..محترفين بتاع فنيلتك..قال لي:-خليني أعيش اللحظة..ليالي قالت لمجدي:-فصلتني وغلبوني..اقبل وين اسي🙂🙂..بقى يضحك..قولته ليهم:-هوي الزمن فات..محمد اتصل علي مكالمتين..قوموا يلا...مجتبى طلع تلفونه واخدنا كم صورة..بعدين بقينا ماشين قدام ومجدي وراا..أصلاً مجتبى كان مشغل فيديو..فرحان بالجو😂😂..فجأه مجدي قال:-ليالي..إلتفتت عليه وقالت:-ارح استعجل..مجتبى قال:-ولدنا في شنووو..ارح نوصل البنات ديل نشوف الورانا..