وخز الدبابيس.. إحتضار و الراء نون

٣٢

"الراوي"

_أحيانا الحب بخلينا نتصرف تصرفات غريبة وغبية نوعاً ما..ما بشملها التفكير أبداً...يمكن نتائجها ما تكون وخيمة بس تعمل فجوة بينا وبين شخص بنحبه...قد نحسبها تصرفات عفوية ولكن في الحقيقة بتعمل ضرر للطرف التاني سوا ضرر ملحوظ أو غير ملحوظ...مجتبى لما قفل التلفون كان في نيته يقضي شوية وقت مع زوجته وحبيبته بدون ما أي شي يقطع عليهم اللحظات الجميلة دي...بس اللي ممكن يتفهم للناس إنو غيران من شغلها أياً كان شكل الغيرة عامل كيف..لين ولأنها عارفة مجتبى وطبايعه وكيف بتصرف أخر كم سنة أكيد ح تتفهم هو كان قاصد شنو..الحاجه اللي ممكن تخليها تغفر ليهو من ناحية عاطفية إنها عارفة مجتبى بحبها لأي درجه..بس من الناحية العقلية مجتبى لازم يحترم شغلها ورغبتها وإنو ليها كيان..غير إنها زوجه وبس..هي كمان طبيبة..زي ما هو طالب منها الإهتمام وتلبية الطلبات وإنهم يقضوا وقت..لازم يفهم إنو كمان شغلها بيتطلب منها ده...قد تكون غلطت في إنها خاته شغلها المقام الأول عندها..وما منظِمة وقتها..بس لو جات نظمت وقتها وقدرت تفصل شغلها عن بيتها و حياتها الشخصية..أكيد ح تستمر...قد يكون إنجازها في الجهتين ما متوازن ونفس الدرجه بس على الأقل ما ح يكون في تقصير واضح...✔❤!

"المستشفى_بين طبيبين"

_اللي حصل للمريض ده شي طبيعي..حصلت ليه مضاعفات بعد العملية..محتاج متابعه بس

=أيوة..بس الممرضات لأنهم في أول طريق الطب وخبرتهم ما كافية أفتكروا وضعه خطير هه

_ومع ذلك أنا عاتب على دكتور لينا...فلنفترض إنو في مريض محتاج عملية أو كذا...المفروض تلفونها ما يكون قافل أبداً المدة الطويلة دي

=نبهها على الحته دي بس...غير كده هي دكتورة لا يُعلى عليها الصراحه...

_بشهادة الجميع...عشان كده أول ما جات وعرضت علي إنها تشتغل هنا..أنا وافقت بدون تردد❤

"الدكاترة فضلوا يتناقشوا بعد أطمنوا على حالة المريض الصحية..بينما لينا صحت من النوم حوالي الساعة 9 مساء..أخدت دش وعملت ليها قهوة سخنه..أتذكرت تلفونها فبدت رحلة البحث عنه...لما قِنعت إنها ما ح تلقاهو بالساهل..رجعت الغرفة وحاولت تصحي مجتبى"

"على لسان لينا"

_كيرال..كيرال...يا بيبي أصحى...فتح عيونه وعاين لي وقال:-ها حبيبي..عاوزة حاجه!؟...قولته:-بفتش في تلفوني ما لاقياهو..ما شفتني جدعته وين!؟..قال لي:-شوفي في الصالة..تقريباً في الكنبة...قولته ليهو:-طيب..واصحى ما أجي ألقاك نايم أوكي...طلعت برة ومشيت ناحية الكنبة..فعلاً لقيته بس كان قافل..أستغربت لأني واثقة إني خليتو فاتح..أساساً ماف سبب يخليني أقفلو إلا إذا كنت في المستشفى ومضغوطة..فتحته لقيت كمية من المكالمت كلها من المستشفى..رجعت الغرفة لقيت كيرال طالع من الحمام وبجفف شعره...جاا علي وضماني..قولته ليهو:-مجتبى..ممكن سؤال!؟..قال لي:-قولي لي❤...قولته ليهو:-تلفوني لقيته قافل..أنت قفلتو!!...زح مني ورجع يرتب شعره...قولته ليهو:-بتكلم أنا...جاوبني...قال لي بدون يعاين لي:-أيوة قفلتو يا لين..لأنو ماف سبب وجيه يخليه فاتح..مش خلصتي شغلك في المستشفى ورجعتي البيت...يبقى لما تكوني في البيت معناها الوقت ده ملكي..ما ح تحصل مشكلة عظيمة لو منعتك من التلفون كم ساعه بس..طبعاً بقيت أعاين ليهو مستغربة...للحظة حسيت نفسي غضبانة منوو...قولته ليهو:-المشكلة إنو في مرضى محتاجين وجودي تحت أي لحظة وأنت فاهم ده كويس...المشكلة بكون عاملة عملية لكم مريض وبكونوا محتاجين متابعتي...المشكلة إنو ده شغلي يا كيرال...وأنا بتكلم جاتني مكالمة من المستشفى رديت كان مدير المستشفى فهمت منو الحصل بالضبط وبعدها قال:-أنا متفهم وضعك الحالي بس بناء على طلبك ما طلعت ليك إجازة...وحسب رغبتك قلتي ح تتواجدي متى ما نطلبك...مريض اليوم حظه حلو كونه بس جاته مضاعفات عادية بعد العملية...بس المرة الجاية يمكن يحتاجك مريض لعملية كبيرة..انا عارف إنك ملتزمة ومنتظمة في شغلك بس بتمنى حكاية قفلة التلفون دي ما تتكرر وياريت تبقي قدر المسؤولية اللي اخترتيها بنفسك❤..قولته ليهو:-طيب حاضر...شكراً يا دكتور...بعد قفلت قعدت على حافة السرير...مجتبى قال لي:-حصل شنو!؟..قولته ليهو:-ما تسألني خالص يا مجتبى ما تسألني..أنتي عارف بحركتك الما مسؤولة دي ممكن وعادي جداً مريض يفقد حياته في ال ولا شي...مجتبى لو سمحت حركه زي دي ما تتكرر تاني...