وخز الدبابيس.. إحتضار و الراء نون

١٤

#

"بعد مرور أيام"

"على لسان ليالي"

_صحيت الصباح بدري بعد الصلاة أبتديت أعمل يوغا❤..رُسلان كان نايم..بعد خلصتا دخلتا المطبخ جهزتا الشاي ونضفت الشقة وبخرتها وفتحت التلفزيون حضرتا فيلم...بعدها دخلت الغرفة سرحتا شعري مشيت ناحية السرير وبقيت أنادي:-رُسلان..يا رُسلان...أصحى يا أبني الزمن فات..ح تنوم للضهر أنت ولا شنو!؟..فتح عيونه وقال لي بصوت خشن:-فتران والله..حمامتين لكن وبخور..مظبطه الدنيا حضرتك وراجياني أصحى❤..قولته ليهو:-دنيا شنوو..أشتقت ليك بس قلت أصحيك..يلا قوم..حقيقي مليت من القعدة براي..قال لي:-نطلع.؟؟..قولته ليهو:-لا دقيقة أنت صدقتا نحنا لمينا في بعض لمن نطلع..ما نطلع ولا شي..بقى يضحك..قام ووقف قصادي ومسكني..بقى منزل راسه ناحية وشي قال لي:- ههه ما صدقتا والله❤..وكان عاوز يتافه..قولته ليهو:-بيبي أمشي استحمى وصلي عشان الوقت اتأخر..قال لي:-حاضر..باسني في خدي..شال ليهو غيار ودخل الحمام...كنتا قافلة تلفوني طول الايام الفاتت..فتحته لقيت مكالمات من إيناس وياسمين..ما حاولت أفتح الشبكه أصلاً ح تكون الرسايل كلها عبارة عن تشغيلة..أصحابنا احترموا نفسهم وما جونا لسه😂😂😂..رجعت قفلتوا تاني..بعد مجدي صلى..قال لي:-الشاي جاهز!؟..قولته ليهو:-من بدري..ما تتعود..ده حماس البدايات بس❤🙈..قال لي:-نحنا حماسنا ده ما بخلص يا زولة...طلعنا برة شرب الشاي وكان ماسك تلفونه..قولته ليهو:-بتتكلم مع منو أنت!..قال لي:-مجتبى..شكلهم عاوزين يجونا..قولته ليهو:-معلقة ليهم ورقة برة لو عندهم دم برجعوا من الباب🙂🙂..بقى يضحك..جراني في حضنه وحاوطني بيدينو بقيت أعاين معاهو في التلفون..مجتبى رسل ليهو مقطع صوتي بقول فيهو "كفياك عسل يا ولدنا..ورانا شغل وعقودات مردووومة "..قال لي:-أرد ليهو!؟..قولته ليهو:-ماف داعي🙈😂..قفل التلفون وختاهو على التربيزة..بقى يحرك يدو في خدي وكل شوية يبوس راسي..إحساس إنو ماسك يدي بحنية كده وضاميني أنا حاسة براحه ما طبيعية..الاحساس ده جميل شديد...أنا ما حسيت بنفسي أصلاً..غفيت في حضنه❤...صحيت بعد الضهر لقيت نفسي في الغرفة وهو راقد بعاين لي..قولته ليهو:-أصدمني وقول شلتني بس..قال لي:-أي شلتك😂😂..قولته ليهو:-وااااي كان نفسي اجرب الاحساس ده وانا صاحية😭😭...قال لي:-ومالو تجربي طوالي..."أوووبححح"..بقى شايلني وبعاين لي..قولته ليهو:-المفروض كل يوم تشيلني..قال لي:-حاضر...ينفع تحِني..حبيبك مشتاق؟..قولته ليهو:-المفروض أخجل وأتكشم وأنزل راسي وأدلع فيك صح!!..قال لي:-بقولو كده😂😂😂..لكن أنا ما عايزك تخجلي ولا شي..كده عاجباني..قولته ليهو:-قصدك إني منحرفة صح؟!..قال لي:-بتفهميها وهي ما واضحه....❤

"نفس اليوم_عصراً"

"شارع النيل أمدرمان"

"على لساني"

_إتلاقينا أنا ومجتبى ومقداد ووعد في شارع النيل..مجتبى قال لينا:-ها الناس ديل نمشي عليهم متين!..قولته ليهو:-بعز بكرة يوم مناسب شديد..ونشيل ليهم هدية ظريفة كده❤..قال لي:-أكل؟..قولته ليهو:-تأكل الشوك🙂🙂ما أكل..يعني مثلاً نعمل ليهم دفتر فيهو صورهم من أيام الجامعه وصور العرس أومثلاً بوكيه ورد لطيف..قال لي:-نحنا ما عندنا ثقافة الورد دي..الواحد يشيل ليهو بطيخه في صفحته ويبقى مارق..قتلني ضحك😂😂😂..قولته ليهو:-خلاص نعمل الدفتر..قال لي:-فكرة ظابطةة..وعد ح تجي معانا!؟..قالت ليهو:-ما عارفة والله..بشوف❤..مقداد قال ليها:-لالا تمشي..مش كفاية ما جيتي العرس..ليالي لسة ما قبلت عليك😂..قالت:-والله كنتا في فترة امتحانات عشان كده..لكن ما مشكلة بمشي معاكم..قولته ليها:-خلاص بعد بكرة بعد الفطور طوالي ح نطلع..قالت لي:-طيب..بعدها انفردوا هي ومقداد...قولته لمجتبى:-نتصل نكلمهم!؟..قال لي:-المفروض أيوة..بس خليها مفاجأة..قولته ليهو:-صح كلامك..لأنو ليالي لو عرفتنا جايين ما ح تفتح لينا الباب😂😂😂..قال لي:-كلام لكن😂😂..والله اولاد الذين ديل فرقوا معاي..حاسس نفسي سنة ما شفتهم..قولته ليهو:-العجب أنا..أفتح الشبكة بالساعات على أمل تجيني رسالة من ليالي بس ما بتدخل💔..قال لي:-والله أنتي وهمية..واحده عرست حبيبها..البخليها تفتح تلفونها شنو..احمدي ربنا انها ما بلكتك🙂🙂..قولته ليهو:-تبقى مرة عشان أفرج فيها أمة لا إله إلا الله..قال لي:-أنا والله أعرس زولة بحبها..ما أظن تشوفوا وشي أصلاً🙂😂😂😂..قولته ليهو:-عشان كده ح تقعد باير وما ح تعرس🙂🙂...قعد يضحك ضِحك😂😂...