وخز الدبابيس.. إحتضار و الراء نون

٢٥

"على لسان مجدي"

_مبدئياً كده أنا أسف💙..أسف عشان ما اتفهمت الموضوع صح من أوله وكنت بمشيك وأسف عشان حتى بعد العملوه مجتبى كنت ناوي اعاقبه بالضرب واسف عشان ما اهتميت لوجهه نظرك وتنبيهك لي..وأسف كمان لينا نحنا الأتنين عشان صوتنا عِلى أثناء النقاش وقدام الولد...ليالي عاينت لي مسافة وبعدها قالت :- أنا أسفة...عشان صوتي كان عالي وإخترت الوقت الغلط للنقاش بس ما كنت قادرة امسك نفسي الصراحه وانت مستفز ياخي.. قولته ليها:-حِقك علي يا ستهم💙..ح نصلح كل حاجه سوا..المهم حالياً انا أخدت قرار إني ابطل سجاير تدريجياً..وأكيد بدون تشجيعك ما بقدر أعمل كده...وح اتكلم مع مجتبى بدون شد وأفهمه كويس..أنا ابداً ما نفسي أولادنا يشهدوا على نقاشاتنا وخلافاتنا..ولا نفسي يصل بينا الحد لطريق مسدود..وأرجوكِ رجاء خاص يا ليالي مهما يحصل ما تخلي البيت وتمشي..الحاجه دي اثرها عندهم كعب شديد..مسموح ليك تعملي اي شي..بس جوه بيتنا...بالله عليك تاني ما تطلعي حتى لو حتجي بيتنا...البينا عاوزهُ بينا وبس💙..قالت لي:-طيب تمام...ح تتكلم مع تبو اسي ولا متين !؟..قولته ليها:-بس أنتي ترضي وتروقي وأتأكد إنك ما زعلانة ولا شايلة مني..ح اطلع من هنا وأمشي اتكلم معاهُ...قالت:-أنا زعلت في وقتها..بس بعد كلام ماما فاطمة معاي وكلامك الحالي..خلاص ماف زعل💙...بُستها بين عيونها وطبطت على يدها..قالت:-طيب يلا أمشي لولدك..عشان نطلع ونمشي للاولاد...ما تنسى قاعدين براهم...قولته ليها:-حاضر...طلعت من عندها وقبل أمشي لمجتبى..أمي وابوي نادوني...مقداد ومجتبى "الكبير" كانواب

بلعبوا بلايستيشن...

قعدت قصاد أمي وأبوي صاغي وسامع...أبوي قال:-لما أنت قررت تفتح بيت انا وفاطمة أستغربناك بس تصرفاتك كانت دايماً بتدهشنا وتحسسنا أنك قدر المسؤولية...الزواج يا ولدي ما بدايات بس...لا!...الزواج مؤسسة قائمة بذاتها..قبل تدخلها لازم تبقى جاهز ومستعد ومتقبل الطرف التاني ومتحمل مسؤوليته ومسؤولية عيالك..والتربية ما شي ساهل..عمرها ما كانت ضرب او شخط ونهير وكسر رقبة..انا يمكن اتبعت طرق غلط..وماعاوزك تعمل نفس الانا عملته...صاحب ولدك💙..بس تصاحبه وتأمن بيه وبتفكيره وتصدقه دوناً عن الناس..ح تكسبه💙...أكسبه يا مجدي وخليك والد كويس ومُحب...أمي قالت لي:-من الطبيعي الطفل يجرب الحاجات الغريبة عليه..وهو طالما شايفك بتدخن وبتستمتع بالحاجه دي..يبقى هو شاف إنه ماف حرج لو جربها طالما أنت بتشربها..أنا ما ح أقول ليك بطلها والكلام ده...أنت براااك المفروض تعرف وتفهم اللي لازم يتعمل شنو واللي لازم يتبطل شنو...عمرك وحياتك ما تمد يدك على طفلك في حالة أنك أنت البديت الغلط...بدل الضرب بتجي النصيحه والاحتواء...خليه يلجأ ليك ما يخاف منك أو يتوتر لما يشوفك...أوعك يا مجدي تكون محطة خوف وهلع بالنسبة لأولادك💙..!

بعد كلامهم ده استوعبت يدوب انا لازم أعمل شنو واتصرف كيف مع مجتبى...مشيت لقيته قاعد مع ليالي..اول ما شافني نزل راسه...قولته:-ليالي ممكن تعملي لي كباية شاي..عشر دقايق كده ونرجع البيت...قالت لي:-طيب...بعد طلعت قفلت الباب وراها...قعدت جنبه وبهدوء...كنا متجهين على الحيطة وساكتين...قولته ليهو:-مجتبى أنت ليه جربت تشرب سجاير...قال لي بعد صمت:-عشان أبقى زيك...عاينت ليه مستغرب وقولته:-زي..كيف زي!؟...قال لي:-مش انت بتحب الشغل وبتحب تقعد معانا وكمان طوالي بتشرب سجاير..!؟ انا عاوز اشبهك💙ولو السجاير كانت كعبة انت أكيد ما كنت شربتها..عشان انت ما بتعمل حاجه كعبة يا بابا زي ما ماما قالت...حسيت بوخز في قلبي..ولدي شايفني رهيب بس من منظور تاني خالص...ما عرفت ارد بشنو...قولته ليهو:-بس السجاير كعبة...وانا عرفت المعلومة دي امس يدوب..و عشان كده قررت ما أقرب عليها تاني...يبقى شنو!؟..انت تاني ما ح تشوفني بشربها..عشان أنا ما بعمل حاجه كعبة...قال لي:-انت زعلت مني عشان أنا كنت عاوز ابقى زيك واقلدك!؟...قولته ليهو:- أنا عاوزك تبقى أحسن مني بدل المرة ألف...زعلت من نفسي وكنت ح أضربك عشان عملت حاجه غلط في حين إني المفتعل الغلط ده...بقى يعاين لي..ضحكت وقولته:-بس أنا اسي ما زعلان وح أبطل سجاير..وانا وأنت كل يوم ح ننزل نلعب كورة ونمشي حتات جديدة وح أعلمك كيف تبقى احسن مني...أتفقنا!؟💙...قال لي:-أتفقنا..حضنته وبقيت أفكر...للدرجه دي انا كنت معمي..كنت ح أضيع ولدي!...

"على لساني"

_مِشعل كان شغال في غرفة المكتب...وانا قاعده في الصالة...جاني فرزدق وكان ببكي...سألته مالو وحاولت أعرف بس ما كان راضي يقول...مِشعل جاا لقاني بسكت فيهو...أول ما شاف ابوه فكاني ومسكه من رجولو وبقى يعاين ليهو بنظرة غريبة..مِشعل قال:-مالك بتبكي!؟...ماما زعلتك أو سما..قول لي بس💙...مسك فيهو قوي وبصعوبة كان بشرح لينا في موقف أمس وإنو طول الليل كان بعاين في المراية وما عاجبه شكله💔...مِشعل قعد وقعدو جنبه...فرزدق بقى يعاين لينا ولشكلنا...جاا

السؤال اللي مما أتولدت ما حصل سألوا لينا عشان نحنا ما حصل أديناه فرصة يفكر يسأل سوال زي ده أصلا🌷...قال:- أنا ليه ما بشبهكم💔!...قولته ليهو:-عشان أنت أحلى مننا بكتيييير...أنت بس ما شايف نفسك كويس...مِشعل قال:-فرزدق أنا ما عارفك ح تستوعب كلامي ده ولا لا...بس انت مُختلف💙..يعني حلو...أنت عارف إنو ربنا بحبك شديد عشان كده جيت ما شبهنا...عارف إنو الولد الشاكلك أمس وزعلك..أهله شاكلوه عشانك💙...طيب خلينا من ده كله...مش أمس قلت عاوز "طوطحانية"...يلا ساعه بالضبط وعندي صاحبي جاي يعملها ليك...فرحان!؟...هز راسه ب"أيوة"..قال ليهو:-لالا سمعني!!...قال:-فرحان...كان ضامه بشكل حنون وماسك يدي وبعاين لي..كأنه بقول "كله ح يتحلى مع الوقت💙وطول ما نحنا مع بعض"

"على لسان ليالي"

_رجعنا البيت و طول الطريق مجتبى كان بتونس مع أبوه...دعاء أول ماشافتني قالت:-هي حبوبة فعلاً كانت عيانة!؟...قولته ليها:-أمممم بس بقت كويسة...قالت لي:-أنتو ناسييين إنو الليلة كانت النتيجه الشهرية...ابوها قال:-ها..حبيبة أبوها جابت شنو!؟...قالت:-ممتاز بس ناقصة درجات...قال:-المرة الجاية ح نجتهد وإن شاء الله ما ح تنقصي..قولته ليهم:-رايكم شنو بعد المغرب أعمل ليكم كيكه شوكلت!؟...داني قال:-أعملي الغداء اول...بقينا نضحك ضحك...شلته وقولته:-شافع لميض لماضة...طيب حاضر ح اعمل ليكم غداء مُعتبر...يلا يلا كل واحد يشوف وراه شنو..عشان ساعه الغداء ما تعطلوني...مجدي قال لي:-أنا شخصياً ما وراي غيرك💙...بقيت أقلب في عيوني...واولادي بقوا يضحكوا😂😂💙طوالي دخلت المطبخ...جاا لاحقني بعد وزعهم...قال لي:-ربنا يحفظك لي وما يحرمني شوفتك جنبي💙قولته ليهو:-ده غزل ده ياأستاااااذ!؟...قال لي:-عفيف شريف بلا غرض ولا مصلحه والله يا أستاذة...قولته ليهو :- لا أنا عاوزة بتاع المصلحه يا شفيف...بقى يضحك وقال:-نفسي مرة بس تبطلي حركاتك دي...قولته ليهو:-متزوجة حب حياتي عاد..لا ببطل ولا شي..وقبل تديني محاضرة عن العمر..ح اغازلك كدي وأعاكسك لمن ندق الستين يا راجل يا مُز أنت💙...!

"ليالي القاهرة القادرة😘"

"على لسان مجتبى"

_رجعت البيت بعد المغرب..بعد طلعت من بيت ناس مجدي مشيت مع مقداد بيته اتغدينا وشربنا شاي المغرب...أول ما دخلت البيت سمعت أمي بتتكلم بالتلفون وبتقول :- أي والله يا غادة الولد عمره ماشي سااااي...أحسن ليهو يستقر ويعمل بيت واولاد..القدروا كلهم فتحوا بيوت..مستطيع وقااااادر...ههه وأنا عيني على رشا بس والله💙بت هدية ورضية...وبينا دم زاتو اخير من الغُرباء...براك شايفة بنات اليومين ديل والبعملنو في النسابة...يختي وهو مجتبى لاقي ضفرها...ح يوافق أصلاً....💙

#نتلاقى