"على لسان مجتبى"
_وصلت المستشفى لاقيت مقداد برة..قولته ليهو:-وين الشاب ده؟؟..قال لي:-قاعد جوه..ما شفتو خايف كيف..ضحكتا وقولته:-شايل هم المسؤولية..على الله بس🌷أرح أرح..دخلنا المستشفى لاقيناهو كان ماسك المصحف وبقرا..قولته ليهو:-ربنا يحلها بألف سلامة..وين خالة فاطمة !؟..قال لي:-كانت معاها جوه وحالياً مشت تصلي..كان بردد يارب يارب تسهل عليها💙كلها دقايق بس وسمعنا صراخ طفل..جات الممرضة طالعه وقالت:-ألف مبروووك ربنا رزقكم بت زي العسل💙قال ليها:-الحمد لله الحمد لله..ومرتي!؟..قالت ليهو:-كويسسة تعبت شوية لكن الحمد لله..قعد في الارض ويدينو في وشه وبردد:-الحمد لله 💙..ضربته في كتفه قام فوق وقال لينا:-مستوعبين!!..سلمت عليه وانا بربت على ضهرو وقولته:-أيوة و سامعين..تتربى في عزكم يا زولي💙...بعد نقلوا ليالي "عنبر"..خالة فاطمة جات تزغرد وحضنت مجدي الكان لسة بحاول يصدق إنو بقى أب😂😂...باركنا لي ليالي شكلها كان تعبان..خالة فاطمة قالت لينا:-دقايق وراجعه..الممرضة جابت ليها الطفلة..أول ما مسكتها قالت:-دعاء💙..قولته ليها:-كان نفسي أطعمج وهكذا بس شكله الوضع حساس..مبروك يا زولتي..مقداد قال ليها:-مبرووووكات والله..قالت:-تتباركوا وعقبال نشوف أولادكم💙مجدي كان ساكت وبعاين ليهم..قولته ليهم:-طيب نحنا برة..أخد راحتك يا مجدي..بس بالله براحه اللخت يدوب بتاخد نفس..بقوا يضحكوا..قال لي:-يلا يا تافه...
"على لسان مجدي"
قعدتا جنب ليالي وبوستا راسها...قالت لي:-البت دي ح تطلع شبهي..قولته ليها:-أول طفل بطلع شبه أبوه دايماً...مبروك يا حبيبي وألف الحمد لله على سلامتك..تعبتي؟..قالت لي:-شوية بس...بحبك💙..قولته ليها وأنا بلعب بأصابع دعاء:-وأنا بحب أم بتي شديد💙....!
ما اعتقد في أجمل من إحساس إنك تتزوج البتحبها وبعدها يجيكم طفل💙..ح تحسي انك مرضي وراضي جداً..ده الرزق الحقيقي..عشان كده طوالي بقولو ليك كل حاجه في الحياة دي عشان تمشي!بتحتاج حب...وأهو
#كله_بالحب
"على لساني"
مقداد اتصل علي حوالي الساعة6 صباحا وكلمني إنو ليالي ولدت..قعدتا اصرخ ليهو في التلفون..قال لي:-عايني بعد ساعه بالضبط ح نطلع من المستشفى على بيتهم..قولته ليهو:-طيب نتلاقى هناك..بس بأمانة البت بتشبه منو!؟..قال لي:-بطلي هبل شبه شنو الح يطلع للبت وهي عندها كم ساعه😆😂..يلا لمن نتلاقى..قولته ليهو:-تمام..لما الواطه اصبحت حبه مشيت لقيت أمي في المطبخ قولته ليها:-بقيت خالة للمرة التانية💙..قالت لي:-اختك حملت وولدت وانا ما عارفة 😂😂قولته ليها:-لالا..ليالي ولدت..قالت لي:-ماشاء الله..يتربى في عزهم وان شاءالله عقبالك يا بتي..قولته ليها:-إن شاء الله المهم أنا ماشة ليها..قالت لي:-كويس..كلميها إني ح أصلها إن شاء الله...💙
أنت تقرأ
وخز الدبابيس.. إحتضار و الراء نون
Historia Cortaرواية سودانية بقلم ايناس ادم الجزء الرابع من وخز الدبابيس.. الجزء الثاني من احتضان
