وخز الدبابيس.. إحتضار و الراء نون

٢٧

"فرنسا_باريس"

"على لسان مجتبى"

_ح نرجع هناك...بالقروش المعاي بشارك أصحابي في الشركة وممكن أعمل مشروع تاني..ح نأجر بيت على قدرنا..ما مهم وين ولا عامل كيف..المهم فيه أنتي كل يوم أصحى الصباح أشوفك..وأنوم وأنا شايفك💙..ح تشتغلي في مستشفى "..."...ح تطبخي كتير لأني بحب الأكل الصراحه..شغل البيت مقسم بينا..يعني مثلاً تغسلي العدة وأنا أقيف أعاين ليك وأشاغل فيك لما تخلصيها..تغسلي الملابس وأنا كل كم دقيقة ح أسمعك كلام يخليك تخلصي الغسيل في دقايق بسيطه...تطبخي وأنا أهمس "بحبك💙"..لحدي ما تخلصي طبخ...بقت تضحك وقالت:- وأنت كده بتساعدني صح..الله على المشاركة الرهيبة دي...قولته ليها:-بتكلم بالجد...بعدين ح تكتشفي فيني حاجات كتيرة لدرجه ممكن تشكي أنا مجتبى العرفتي نفسه ولا واحد تاني!!...قالت:-الحاجات اللي نفسي أكتشفها جنك الزمان..صراحه دور العاقل ده ما جاي معاك...قولته ليها:-تجي نعمل حاجه مجنونة!؟..قالت:-زي شنووو!؟...قولته ليها:-أطلب يدك حالاً من أهلك...ولما ننزل الأمور ح تمشي ميسرة بإذن الله💙...قالت لي:-لالا أهدا شوية..خلينا لما ننزل مرة واحده وأنا افاتحهم في الموضوع وأشوف رايهم وبعدين..قولته ليها:-وبعدين أنا وأنتي في حاجات كتيرة مستنيانا...أبتسمت وعلى طول قامت...قالت لي:-يستحسن أمشي...حتى أنت وراك مواضيع لازم تنجزها...باي...قولته ليها:-على فكرة وانا برضو بحبك💙...قالت لي:-غبي😂😂...يلا يلا بينا الشبكة...!

"اليوم التالي_مساءً"

"على لسان مجدي"

_كنت متواصل مع مجتبى...فهمني إنو نازل يستقر ويتزوج لينا💙..سألته :-حبيتها يا صحبي؟...أخد نفس وقال:-بتقدر تسأل أم إذا حبت جناها أو لا..أهو بالضبط إحساسي ناحيتها💙بحبها والله...قولته ليهو:-لو كده زط..ربنا يتم ليك على خير..إتونسنا شوية وبعدها قفل..جات ليالي قعدت قصادي..قالت:-كنت بتتكلم مع مجتبى!؟..قولته ليها:-أيوة..كلمني إنو نازل يستقر ويتزووج...قالت لي:-يتزووج!؟...يتزوج منو!!..قولته ليها:-دكتورة لينا...الكان جات معاهو هنا..قالت لي:-أهااا..حليوة ورايقة...عمري ما أتوقعت أشوف مجتبى عريس..ده حتى أيام الجامعة ما كان بحب الارتباط والحركات دي...قولته ليها:-أيام الجامعه ما لقى التوقعو بس..زي ما حضرتك عملتي معاي😆...قالت لي:-أناااا..يسلام يعني أنا الوقعتك ما أنت صح طيب طيب...قولته ليها:-خليك من ده...الاولاد ناموا!؟...قالت لي:-بتسأل ليه؟...مطول مني صح..اشتقت لي طبعاً..و عشان عيالك ناموا عاوز تقل أدبك أكيد...قولته ليها:-كده تعالي قريب..جات زي الشاطرة وقعدت جنبي...منزلة راسها ومشركبة اصابعها..قولته ليها:-خجل ده ولا أفهمه شنوو !؟...ضحكت وختت راسها على كتفي...قالت لي:-رُسلان..قولته ليها:-عيونه طبعاً...قالت لي:-بحبك💙...تخيل يا إنسان لي فترة طويلة ما نطقتها وانت ولا على بالك...قولته ليها:-ما محتاجه تقوليها بلسانك...أفعالك كل يوم بتثبتها...ربنا يخليك لي وما يحرمني شوفتك جنبي💙...قامت من كتفي وقالت:-ولا يحرمني منك..يلا لازم أنوم عشان أصحى بدري...الاولاد عندهم مدارس وشغالين امتحانات...قولته ليها:-دي شنو الحركات دي !؟...قالت لي بإبتسامة وتثاءب:-تصبح على خير...دخلت نامت وخلت خشمي ملح ملح🙂🙂...!