وخز الدبابيس.. إحتضار و الراء نون

١٥

"على لساني"

_مشيت مع ليالي المطبخ..أبتدت تجهز فطور..قولته ليها:-يدوب عاوزين تفطروا ولا شنو!؟..قالت لي:-صحينا قبل تجوا بشوية بس..واي يا إيناس أخديها نصيحه إياك ثم إياك تعرسي واحد ما بتحبي..أنا أكتشفت إنو الحياة دي بتمشي بالحب وبس❤..فاهماني إنتي..كل حاجه بتكون رهيبة في عيونك..حضنه بالنسبة ليك بكون بيت مفتوح❤..طبعاً سرحت معاها وهي بتتكلم..بعد شوية قولته ليها:-بختتتك❤..بقت تضحك..قالت لي:-طيب يلا نفطر..قولته ليها:-نحنا فطرنا يا بت..مجدي جا داخل وشايل البطيخه..قال لينا:-بالله قطعوها وختوها تبرد..قولته ليهو:-أنا ما عارفة مجتبى أصر يجيبها ليه🙂..سمعني وجاا قال لي:-دي أرقى هدية بالمناسبة أنتي ما بتفهمي في الحاجات دي..قولته ليهو:-انننن..الدفتر أظبط❤..ليالي قالت :-دفتر شنوو..قولته ليها:-بوريك ليهو....

    ساعدتها في تجهيز الفطور..ومعروف عندكم منو جاملهم😂😂أنا ومقداد كنا شبعانين ف قعدنا ندردش..بعد خلصوا فطور..قولته ليهم:-هااا ح نبدا شغل متين!..مقداد قال:-الاسبوع الجاي!؟..مجدي قال:-خلوا للبعد الجاي...حقيقي يا شباب محتاج أروق حبة كده وبعدين أرجع للشغل..مجتبى قال:-أنا ما عندي مشكلة..أي وقت جاهز وفاضي ما وراي شي❤أنتو ظبطوا نفسكم وأدوني خبر..قولته ليهم:-أمس كنتا بتكلم مع عمر..في قروش المفروض نستلمها منو بكرة..مقداد قال:-طيب أنا بمشي أستلمها وانزلا في الحساب طوالي..قولته ليهو:-حلوو..يبقى الاسبوع البعد الجاي نبدا شغل..لأنو نحنا موقعين على عقود كتيرة..عارفين لو المواضيع دي ظبطت نحنا ح ننتقل نقلة تااانية❤..ليالي قالت:-المهم الحماس ما يقل...مجتبى قال لينا:-هيي وينها البطيخه..الزمن ده بتكون بردت..قولته ليهو:-انا لو باكل أكلك ده حقيقي كان أنفجرتا😂😂😂🙂..قال لي:-خمسسسه في عينك يا شيييخه..ليالي قالت:-خلاص قوم بتلقاها مقطعه جاهزة في التلاجه...مقداد قال لينا:-تعالوا نلعب ليدو...ليالي قالت:-أاااارح...مجدي قال:-أنا ما عاوز..كده يا إيناس ناوليني الدفتر ده أشوفه..مديتو ليهو..ليالي قالت لينا:-ثواني أشوف معاهو وبعدين نبدا لعب...قعدت جنبه وفتحوا الدفتر..كان خاتي يدو على كتفها وكل صورة بتذكروا تفاصيل يومها❤...مجدي جاا بصوت عالي قال:-البطططططيخه وصلت..ختاها في نص التربيزة وقعد ياكل بشراهه😂❤..لعبنا ليدو وليالي جات الأولى..قالت لمجتبى:-لعب المحترفين ده كيف معاك😌..قال ليها:-أنا أصلاً ما لعبتا بمزاج وعشان حضرتك عروس الحظ وقف معاك..ما تفرحي😏😏...بعد شوية قولته ليهم:-نمشي يا شباب!!...ليالي قالت لي:-تمشوا شنووو!..متين جيتوا..أقعدوا ياخ..مجتبى حاكى نبرة صوتها وقال ليها:-نقعد شنوو..تلقاك من قبيل بتقولي يارب يتخارجوا بدري بدري..ما بوروني بيك أنا حافظك😒..بقينا نضحككك..مجدي قال لينا:-لا جدياً أقعدوا أتغدوا..مقداد قال:-هييي ما تجيب سيرة الغداء..الود ده أسي بقعد ما عندو قشه مرة..أرحكم أرح...مجتبى قال ليهو:-زاتي طالع عندي مشوار مع أخواني..بعدين لو بقيت مارق على الجنبة كلمني...مجدي قال ليهم:-بتتقعد ليكم كييف من دوني..مقداد قال ليهو:-عاااادي عادي..كفاك بعد ده أبقى أظهر علينا ياخ❤..ليالي قالت لي:-بجد كان تقعدوا ياخ..همست ليها:-يا بت شوفي راجلك بوين خلينا نحنا قالت لي:-ما عشان كده عاوزاكم تقعدوا🙈😂قولته ليها:-غاييتووو...مجتبى قال لي:-أمرقي يا بتنا..ودعت ليالي وطلعتا مع الشباب...❤