وخز الدبابيس.. إحتضار و الراء نون

٢٩

"صباح اليوم التالي"

"على لسان مجتبى"

_صحيت الصباح جهزت نفسي للشغل..قعدتا شربتا مع أمي الشاي..طول القعدة كانت ساكته...قولته ليها:-أمي..أنتي كويسة!؟...قالت لي:-عافية يا ولدي عافية...قولته ليها:-طيب أنا ماشي الشغل..عاوزة حاجه!؟..قالت لي:-لالا..قمت ماشي قبل أصل الباب..قالت لي:-مجتبى...جيتها راجع:-أي يا أمي...قالت لي:-تعال أقعد جنبي هنا...دايراك في كلمتين...مشيت وقعدت جنبها...قالت لي:-أنا فكرت يا ولدي في موضوعك وكلام أم صحبك ضربتو في راسي...لقيت إنو كلامها صاح وأنا المفروض أمشي وأشوف البت وبعداك أديك كلمتي الأخيرة...قاطعتها "بإستهبال وتمثيل":-يا أمي مش الموضوع ده قفلناهو وأنتي قلتي ما عاوزة لي الغريبة..أنا ما بعمل حاجه بدون رضاك...وزي ما قلت ليك ح أقفل باب الزواج ده وما ح أفتحو تاني نهائي...قالت لي:-لالا يا ولدي ده كلام شنو..بكرة تكبر في العمر زووول غير جناك برفعك وبنفعك ماف..وأنت مدام البت عاجباك وعاوزها...خلاص نمشي ونخطبها ليك...أنا يا ولدي ما دايراك تسافر تاني وتفوتني...بُستها في راسها وقولته ليها:-ما ح أفوتك يا أمي ما تشيلي هم...كده أنا بمشي الشغل وبجي بعدين نشوف الموضوع ده..قالت لي:-سمح يا ولدي الله يعدل طريقك❤...طلعت من الفرح ببتسم براي الطريق كله🤣🤣..لمن وصلت الشركة...دخلت مكتبي وقعدتا بكل إرتياح..مقداد جا داخل..قال لي:-صباح الخير..قومتا فوق وفتحت يديني قولته ليهو:-تعال خش حضن حبيبي أنا..قال لي:-في شنو يا شيخنا😂😂...قولته ليهو:-تخيل يا فردة أمي بقت تحنسني عشان نمشي نخطب لِّينا..قال لي:-أنقلب السحر على الساحر...نقول مبروك!!...قولته ليهو:-لالا خليها تحنسني شوية😔..بقى يضحك..جاا مجدي حكينا ليهو وبعدها كل واحد شاف شغله...!

خلال اليوم إتصلت علي لينا..كلمتني أنو تم تعيينها في مستشفى حكومي..وأنا بتكلم معاها جات داخله السكرتيرة...قولته ليها:-الورق ده لازم يمضي عليه ديمكس ورسلان خلال اليوم وبعدها تجيبي لي راجع..قالت لي:-حاضر يا استاذ..أممم نحنا ح نتغدا..ح تجي تتغدا معانا ولا...قولته ليها:-أيوة بس أخلص الشغل اللي في يدي..بعدها السكرتيرة طلعت...لينا قالت لي:-طيب أقفل أنا وأخليك تخلص..قولته ليها:-لالا حبيبي خليك معاي...ها كنتي بتقولي في شنو!؟...قالت لي:-كنت بقول خلصت موضوع المستشفى وراجعه على البيت..قولته ليها:-طيب ما تجيني في الشركة هنا...قالت لي:-أجييك ليه!؟..وبعدين أنا بقيت أخاف على نفسي منك..قولته ليها:-الله!..بتكلم بالجد تعالي أشتقت اتونس معاك وش لوش..تعالي ساعه كده وبرجعك بيتكم..قالت لي:-اممممم..ح تحترم نفسك!؟..ابتسمت وقولته:-طيب...قالت لي:-أحلف..قولته ليها:-احم احم ما بعمل حاجه...بقت تضحك قالت لي:-دي حليفة دي...المهم رسل لي اللوكيشن..وما تتغدا مع المزز...أستناني اجي ونتغدا سوا...قولته ليها:-مركزة أنتي..قالت لي:-أمممم مركزة...يلا لمن أصلك❤...خلصت شغلي على رواق وطلعت برة..طبعاً بعمل قهوتي براي...واحدة من البنات قالت لي:-ما أستنيناك للغداء..قولته ليها:-ما مشكلة..بالهناء ياخي..أنا قهوة بس بتظبط أموري..دخلت المطبخ عملت قهوتي وأنا طالع شفت لينا جاية ناحيتي...وقفت بعاين ليها مسافة لمن وصلتني..قالت لي:-بتعاين لي كده ليه...قولته ليها:-نتفاهم في المكتب...أبتسمت...مشينا المكتب..كانت بتعاين ليهو وبتعلق وأنا اساساً ما مركز في كلامها..قالت لي:-هييي يو...سرحان وين أنت!...قولته ليها:-معاك بس❤..قالت:-طيب أنا جعانة...مش خلصت شغل..خلينا نطلع نتغدا..قولته ليها:-نتغدا هنا أحسن وأريح...وبعدين ما تخافي.. أنا لو عاوز أعمل حاجه ماف أماكن عامة بتمنعني منك😌..بقت تضحك وقالت:-منحرف أنت والله...طلبت غداء...ويومها أول مرة ما أكون جعان..شوفتها ضحكتها كلامها تلميحاتها كلها حاجات خلتني اشبع❤...لحدي نهاية الدوام...طلعنا مع بعض..مقداد اداني عربيته...وصلتها لحدي بيتهم..قبل تنزل قولته ليها:-لِّين...قالت لي:-روح لين...قولته ليها:-بس ترتاحي إتصلي علي...قالت لي:-لالا الشوارع هنا كعبة وما معروف يحصل شنو...أنت أول ما توصل البيت إتصل علي ح أكون صاحية مستنياك...قولته ليها:-طيب حلو...ما عاوزة تديني حاجه كده ولا كده أتصبر بيها ليوم الجمعه!!...قالت لي:-قصدك تتصبر بيها لليوم الح نكون فيهو في بيت واحد...وكده كده ماف ليك😆...يلا توصل بالسلامة حبيبي...أبتسمت وأتحركتا من هناك على بيت مقداد سلمتو العربية...شبكني ما كان تجيبها الليلة ووو...حجبتو تماام وبعدين رجعتا البيت...لقيت أمي صاحية مستنياني للعشاء...قالت لي:-أتأخرت يا ولدي...قولته ليها:-حسب الشغل بس...قيلتي كيف؟؟..قالت لي:-الحمد لله..استحمى وتعال نتعشى...قولته ليها:-طيييب حاضر...دخلت الصالون اتصلت على لين طمنتها علي أتكلمت معاي شوية ونامت...بعد استحميت...رصيت العشاء وقعدنا...أمي قالت لي:-أها يا ولدي..باقي يومين بس ليوم الجمعه..شوف يا مجتبى أنا غير سعادتك عاوزة شي!؟...ما عاوزة شي والله...عشان كده أسمع كلامي و خلينا نمشي نزور الجماعة ديل...قولته ليها:-يعني أنتي رضيانة عن الموضوع وعني!؟...قالت لي:-أي يا ولدي...رضيااانة❤...قولته ليها:-أهم شي رضاك يا أمي..ومدام ما عندك مشكلة يبقى خلاص نمشي ونطلب يدها...يلا سمعيني زغرودة...قالت لي:-في الليل ده يا ولدي...يقولوا علي جنيت...قولته ليها:-أنا عاوز أسمع خليك منهم...فكت زغاريد عاالية...وكده رضا شديد❤!