وخز الدبابيس.. إحتضار و الراء نون

١٣

"قبل العقد"

"يوم الخميس صباحاً"

"على لسان مجدي"

_ليه عملتا كده يا مجتبى!؟..قال لي:-هو شنو اللي ليه..هدية وجبتها لأخوي هل أجرمتا!؟..قولته ليهو:-لالا..بس كده كتير يا صحبي والله كتير..قال لي:-ما يكتر عليك شي يا زولي..مجرد غرفة نوم يعني ما حاجه❤..قولته ليهو:-كنتا مقفل على النجارة القديمة..قال لي:-لا ياااخ..أنت عريس الجديد لابد منووو..ها..جاهز!؟..داخل على حياة جديدة حركات حركات..قولته ليهو:-جااااهز ومستعد وبيني وبينك مستعجل😂😂..قال لي:-ربنا يتم ليكم على خير يا زولي..❤

"يوم الجمعه_يوم العقد"

"بيت ناس مجدي"

"على لسان مجتبى"

_يا زول أُكل زي الناس..قال لي:-حاسس نفسي شبعان والله..قولته ليهو:-طبعاً لازم تشبع..هو العرس ده سمح كده..قال لي:-مع إنو لسة ما عقدنا بس مبسوط والله..الحمد لله على دي نعمة❤..قولته ليهو:-الحمد لله..كلها كم ساعه وتبقى مرتك..أنت تستاهلها يا صحبي❤..اثناء ما بنتكلم جاا مقداد لخبط لمجدي وشه بالكركم😂😂..قال ليهو:-تنووور حبة لزمن العقد..لا يمكن نسمح العروس تطلع أسمح منك ولا شنو يا طرحه؟..قولته ليهو:-أجلنعم وشلتا باقي الكركم مسحتا ليهو وشه زياااادة..قال لينا:-يخخخ والله أنتو..خالة فاطمة جابت لينا سلطة فواكه..قالت لمجدي:-كمِل كورتك دي كلهااا فاهم ولا لا..قال ليها:-كويس..مع إنو من الفرحه ما قادر أكل عديل كده😂😂..قالت ليهو:-الله يسعدك يا ولدي وتتهنى إن شاء الله وأشوفك بأولادك❤..قال ليها:-بحياااتك يارب..قالت لينا:-طيب أنا عندي كم شغلة بعمل فيها..لو عاوزين حاجه كوركوا لي....بقيت أكل في السلطة..ومجدي سرحان..قولته ليهو:-يا أبني ما تسرح كده ياااخ..غايتو بعمايلك دي بتشهيني العرس..قال لي:-جدياً كده عرس طوااالي..قولته ليهو:-ألم في العروس أول😂😂الباقي هين..كملنا السلطة وكانت الساعه حوالي 11 كده..بعدها بدينا نجهز نفسنا...لمن مجدي لبس الجلابية ما قدر يظبط العمة..وقفتا وظبطتها ليهو..قولته ليهو:-ولد ولد يعني...قال لي:-كيف وكيف!؟..قولته ليهو:-ماف أحلى من كده والله يا صحبي..قال لي وهو بعاين للمراية بغرور:-يعني ح أعجبها!..قولته ليهو بثقة :-من زماااان عاجبها ومكسرها..أفووو😌❤..جميل والله يا ولد..قال لي:-خلاص كمل لبسك وشوف مقداد وين..قولته ليهو:-في الحمام..الزمن بدري يا عريسنا ما تستعجل😂😂😂..قال لي:-أتصل عليها أسي ولا احسن بعدين!..قولته ليهو:-بعدين أكيييد..بعد العقد يا ظريف...

"على لسان ليالي"

_مشيت الكوافير من الصباح ومعاي حبيبة قلبي طبعاً❤...رسمتا رسمة عالية شديد😂😂..إيناس بس بتعاين لي وميتة ضحك فيني لأنو ست الكوافير بتسألني وأنا بجاوب من جوه❤😂😂...والعريشة حقتها مليااااانة نسوان..قالت لي:-أول مرة تجيني عروس مبتهجه وفرحتها ظاااهرة في عيونها وتصرفاتها كده..قولته ليها:-قصدك انا خفيفة وفرحانة صح..قالت لي:-لالا العفووو..بقيت أضحك وقولته ليها:-عادي عادي..ح أعرس حبيبي عشان كده من الفرحه الارض حاساها ما شايلاني❤..قالت لي:-تتهني عاد أنتي ماشاء الله..بس شكلك صغيرة على العرس يا بت..قولته ليها:-هو زاتو صغير😂😂..لكن تقولي شنو استعجال من الدرجه الاولى..قالت لي:-ماشاء الله والله..قليل شديد في زمنا ده الواحد يعرس البت البحبها..بسبب الفشخرة وطلبات البنات الغريبة..قولته ليها:-والله أنا لو علي يعقد بس وبي توب الهزاز حق أمي بمشي معاهو❤..إيناس قالت لي:-أنا سلفاً أكتشفت أنك مجنونة لما عرفت أنك حضرتي حنته😂😂😂😂..المرة قالت لي:-وبعلي أصلووو ما بصدق..حضرتي حنه راجلك؟؟..قولته ليها:-طبعاً..وأتصورت معاهو..ما بحرم نفسي والله...قالت لي:-بختووو والله..نوعك ده يتشال فوق الراس من خفة الدم والحلاوة😂😂❤..غايتو ونستها ونسة..وكل دقيقة أعاين للساعه..بعد خلصوا لي من الرسم..ياسمين أتصلت علي..قولته ليها:-عقدوا!؟..قالت لي:-لالا لسة..لكن بعقدوا بعد شوية..خلصوا ليك من الرسم!!..قولته ليها:-أيوة...قالت لي:-أوصفي إحساسك سرعه..قولته ليها:-ما بتوصف خااااالص❤..قالت لي:-طبعاً خالاتك زعلانات ومع بناتهم ماسكين سيرتك..إحساس ليه ما ح تلبسي زفاف وماف حفلة وكلام من ده..قولته ليها:-ما عندهم موضوع..يتكلموا ويلقوا العافية..بعد قفلت منها أتصلتا على مجتبى..رد لي ب:-عروستنا..قولته ليهو:-ح اطلب منك طلب وإياك تفكر تحرجني..قال لي:-ما بصور ليك العقد🙂وضحكه راجلك ونحنا بنبارك ليهو تموتي وما ح تشوفيها😌..قولته ليهو:-أعمل فيك شنووو بس..قال لي:-أقفلي الخط،بس..يا بتي داخلين على المسجد ورانا عقد..وما تفكري تتصلي على مقداد نحنا متفقين عليك..وتلفون مجدي في جيبي😌😌..قولته ليهو:-غياظ بشكل..أقطع وشك..قفلتا الخط..إيناس جات قالت لي:-شوية بس ونقول مبااارك بقيتي حلال رُسلان💃🏻💃🏻..قولته ليها:-خلاص أبتديت أخاف والله..قالت لي:-تخافي من شنو..الود حنية الدنيا كلها فيهو🙈❤..قولته ليها:-لا دقيقة أنتي عقلك مشى وين😂😂..أنا خايفة بس ما عارفة من