وخز الدبابيس.. إحتضار و الراء نون

٨

"على لسان مجتبى"

_كنتا شغال شغل إضافي غير شغلي الاساسي مع الشلة..أنا تقريباً برتاح في اليوم ساعتين...واحلى ساعه بتمر علي لما ألاقي مجدي ومقداد في الجنبة...في يوم شغال أتصلت علي إيناس بتبكي..بقيت بحاول استفسر مالا وكده بس كانت بتبكي والكلام بطلع منها بصعوبة..بوظت أعصابي..قولته ليها:-إيناس لا إله الا الله في شنووو!؟..قالت لي:-ليالي يا تبو ياخ ليالي..بقيت ساكت ومستنيها تكمل لأنو جد جد وترتني..قالت لي:-ليالي صِحت يا تبو❤..قولته ليها:-يخ وترتيني يا زفته انتي..ألف الحمد لله صحت متييين وهي كويسة اتكلمتي معاها؟..مجدي وين!؟..قالت لي:-صحت قبل ساعه..أيوة كويسة كويسة الدكتور طمنا عليها..مجدي ومقداد جاين في الشارع..انت وين!؟..قولته ليها:-أنا شوية وبجيكم❤..قفلت منها وبقيت اردد الحمد لله..خلصت الشغل اللي في يدي وطوالي طلعتا على المستشفى..لقيت الناس دي كلها هناك..سلمت عليهم ومشيت ناحية الغرفة..بره كانت واقفة إيناس ومعاها مقداد..كنتا عاوز أدخل قالوا لي معاها مجدي..قولته ليهم:-بعمل في حاجه؟..قعدوا يضحكوا..ايناس قالت لي:-خسيس😂😂..ما بعمل شي ياخ مشتاق للاخت بس..قولته ليها:-كلنا مشتاقين..اشوفها واجيكم...مقداد قال:-أنا لسه ما شفتها...قولته ليهو:-مستني عمك ده يجي يعزمك صح...يود انقلع تعال هنا..مسكته من كتفه ودخلنا الغرفة❤

"على لسان مجدي"

_لما إيناس اتصلت علي وقالت ليالي صحت..بقيت أسألها بدل المرة عشرة عشان بس أتأكد إنو أضاني ما ظلمتني...أنا شبه فقدت الأمل انها تصحى بعد الوقت ده..بقيت ماشي وجاي وما عارف أعمل شنوو..من الاستعجال والفرح ما استنيت مقداد طلعت قدامه...لما وصلتا المستشفى..اهلها كانوا معاها في الغرفة..وهي مبتسمة ليهم..أكتر شي مُلفت كان منظر أبوها كفيل يهز اي زول..ببكي بصوت وهو ماسك يدها وشوية يقوم يبوس راسها..بعد مسافة طلعوا من عندها...سلمتا عليهم ودخلت ليها مع ياسمين...ياسمين قالت:-غايتو يا لولة بختك بديل أصحاب❤ وبقت تحكي ليها وهي في الغيبوبة حصل شنو وكده..ليالي ما كانت مركزه في كلامها كانت بتعاين لي وانا بعاين ليها..ما لاحظنا متين ياسمين طلعت وخلتنا برانا...قولته ليها:-لياليِّ إنتي هنا!؟..وما قدرتا اتحكم في دموعي..ختت يدها على وشي ومسحت دموعي النازلة وقالت:-ما تبكي خلاص..أنا كويسة والله وما فيني شي..ولا أنت بتبكي عشان شكلي الشين ده!..ضحكتا من بين دموعي وختيت يدي فوق يدها..قولته ليها:-حمد لله على سلامتك حبيبي...أشتقت ليك شديد..الفيك يصيبني ولا يصيبك❤..قالت لي:- ما تقول كده..ها..وين باقي الشباب..ما شفت زول غير إيناس..قولته ليها:-مجتبى وراهو شغل..ومقداد جا معاي بس واقف بره...شوية وسمعنا خبط في الباب..مجتبى جاا داخل وقال:- البتدلع علينا..خوفتينا خوف ما طبيعي...يا جماعه ليالي❤..قالت ليهو:-مجتبى😂..تصدق وتأمن بالله أشتقت ليك..قال ليها:-وبعلي..اسي حاسة نفسك كيف!؟..قالت:الحمد لله..عاين لي وقال:-يلا يا أخينا زولتك وبقت كويسة تاني بالله فك الصرة دي ووريينا جمال سنيناتك...ليالي بقت تضحك..مقداد كان ساكت..قالت:-مقداد..ماف حمدلله على السلامة ولا شنوو..قال ليها:-حمد لله على سلامتك❤..مجتبى قال ليها:-الاخ حاسس بالذنب ناحيتك وكده..الله يقدرني على فعل الخير...عاينت ليهو وقالت:-لا ياخ..ما ليك ذنب والله..مقدر ومكتوب❤..بعدين لو في زول السبب..ف ح يكون مجدي ما أنت...قولته ليها:-يا شيخهه..بالله أنا السبب..قالت:-أيوة أيوة..كنتا مُركز معاي وأنا نفس الشي لدرجه ما انتبهت للشارع..أتقبل يا بيبي أنك السبب..مجتبى قال ليها:-بيبي لكن...هوي نتخارج نحنا نخليك تاخدي راحتك ظابط❤...لما جيت أقوم شربكت اصبعها الصغير مع أصبعي الصغير وقالت:-خليكم شوية❤..قولته ليها:-قعدنا كتير وكده ما كويس عشانك..ارتاحي و الايام جاية..ح تزهجي مننا..أو بالأصح مني❤...مشينا يا شباب!!..قالوا:-مشينا...