وخز الدبابيس.. إحتضار و الراء نون

٢٣

"على لسان مجتبى"

_بقيت أتكلم مع لِّين مسافة طويلة...بعدها قالت :- خلاص يا كيرال أنا نعستا نتكلم بكرة..تصبح على خير...قولته ليها:-تلاقي الخير...قبل أقفل الشبكه مقداد رسل لي رسالة محتواها "بكرة عاوزين نتلاقى..أغشاني بعد الضهر ونطلع سوا لأنو براك ما ح تعرف المكان.."..رديت ب:-ظابط...قبل أنوم جات أمي داخلة الصالون..قومتا ساعدتها عشان تقعد..كانت بتعاين لي بطريقة غريبة..قولته ليها :-بتعايني لي كده ليه!!..قالت لي:-غيابك طال يا ولدي..أنت ما عارف أنا كنت منتظراك تجي بفارغ الصبر كيف!!..مع إنو حتى ما أديتنا أمل إنك جاي..كل يوم كنت بدعي ربنا يحنن قلبك ويلين راسك القوي ده...أبتسمت وقولته ليها:-وربنا أستجاب...أنا عمري ما كنت أتمنى أكون قاسي أو أناني..ولا عمري حبيت إنو علاقتي مع أبوي تصل حد الإنفجار...كنت طالب حقي الطبيعي وبس💙..سفري جا بفايدة لي..أقلاها عِدت ترتيب أفكاري..حتى لو فيما بعد أكتشفت إني أتسرعتا في قراراتي..بس برضو العشتو هناك والشفتو ما هين ولا قليل💙..قالت لي:-الحمد لله على كل حال يا ولدي..أنت أسي بينا والفات مات وربنا ما يوريني يوم بلاك أنت وباقي أخوانك..!

"صباح اليوم التالي"

_جهزت نفسي عشان أطلع على بيت مقداد..قبل اطلع جات هالة وبتها "3 سنوات"..قالت لي:-مجتبى...قولته ليها:-أيوة يا هالة..قالت لي:-أنا أسفة..أسفة على كل حاجة عملتها ووجعتك..أسفة عشان خزلتك فيني و...قولته ليها:-ما تتأسفي..الحصل حصل...المهم عندي إنك رجعتي هالة البعرفها..خلصتي دراسة واشتغلتي وبقيتي ست بيت💙..الإنسان لابد يغلط عشان يِعرف الصح..ولازم يقع عشان يعرف يقيف...ولازم يزعل عشان يعرف يفرح...التجربة دي أكيد صلحت فيك كتير..وحتى فيني...شلت بتها وقولته:-دي الشليقة الاتصلت علي وأنا هناك صح هههه...قالت لي:-أمممم...بتطبظ في التلفون وأتصلت عليك بالغلط..وبعدها..قاطعتها:-وبعدها أنتي أتكلمتي وانا قفلت الخط..صدقيني ما كان زعل..أنا بس كنت مضايق شوية...قالت لي:-يعني ما زعلان مني!..قولته ليها:-لالا💙..يلا لازم أطلع أسي..سلام

طلعت من البيت ومشيت لمقداد...بعد سلمت عليه...قال لي:-عارف أنا سايقك وين!؟..قولته ليهو:-لالا..قال لي:-شركتنا...عاينت لي مستغرب...قال لي:-بحكي ليك التفاصيل ونحنا في الطريق...طلعنا بره...قال لي:- بتعرف تسوق لسه ولا طشيت..قولته ليهو:-لالا..حريييف أنا..أداني المفاتيح وأتحركنا..طول الطريق كان بحكي لي عن الشركة وكيف إتعملت ولأي نجاح وصلت وهكذا..وأنا بدوري حكيت ليه عملت شنو هناك...لما وصلنا الشركة..نزلنا ودخلنا مبنى الشركة...اللهم بارك💙..واضح أنهم أجتهدوا فيها شديد...وأنا داخل كل الموظفات كانوا بعاينوا لي..مقداد قال لي:-بعد نضفت شكلك ح تلم الجكس كله عندك يا صحبي💙..قولته ليهو:-ما بغلبني وأنت عارف...بقى يضحك...دخلنا غرفة الإجتماعات..قال لي:-أستناني هنا يا طرحه...دقايق وبجيك..قولته ليهو:-تمام...بقيت أعاين للمكان من كل إتجاه..الباب أتفتح..إلتفت على اساس إنو مقداد..لقيتها ليالي...دموعها كانت نازلة..شكلها متغير بس ملامحها واضحه..بتفرك يديها وبتتقدم خطوة وتقيف..قولته ليها:-أم دعاء...زادت في البكى وجاتني قريب...قالت لي:-أم دعاء زعلان منك ومن نفسها شديد يا مجتبى..أنا ما كنت صحبة كويسة أبداً...أنت ما عارف بُعدك السنين دي كلها عمل فينا شنو...ما عارف أنا كل يوم لما بتذكرك بحس بشنو...يخ ده أنت حتى لو سامحتني ما اظن اسامح نفسي...أنا أسفة..والله العظيم أسفة...حقك علي💙..قولته ليها:-أيوة أنا ما ناكر اني كنت زعلان منكم ومضايق وحتى قاطع تواصل بينا...بس صدقيني حالياً ماف شي في قلبي...يشهد الله لا زعلان لا حاجه..ويا ستي لو على الإعتذار ف مقبووول منك💙..ممكن تبطلي بكى وتمسحي دموعك دي!!!..قالت لي:-يخ أنا بكرهك..بكرهك شديد😭😭..قالت ليها:-هرموناتك دي حاولي تتخلصي منها...أنتي كبرتي على الكلام ده😂😂😂...بقت تضحك ضِحك...جات بعدها إيناس...وقالت:-في الوقت اللي مفروض نحنا نكون واقفين فيهو جنبك ومعاك...نحنا اتخازلنا..كل واحد كان مشغول عنك...كل واحد كان شايف نفسه صح..بدون حتى نستفسر نحنا فسرنا على كيفنا..مجتبى أنت ما تستاهلنا💔..نحنا أسفييين والله...أسفين💙بعدها جوو داخلين مقداد ومجدي...قولته ليهم:-شباب..ممكن نبطل خلاص..الحصل حصل...الموضوع كان حساس..ما كنت حابب اشارك زول بيهو...ما وازنت أموري صح عشان كده حصلت اللخبطة دي...فشنو..بس لو سمحتوا أقفلوا المواضيع دي..عشان زمنها زاتو راح...إيناس قالت:-طيب أحكي لينا غبتا عشر سنوات عن البلد دي ليه...كان ممكن ترجع...قولته ليها:-هو كان ممكن..بس أنا من جواي ما كنت عاوز..ده غير إني مرتبط بكمية من الأشغال..فكان صعب شديد أنزل في الوقت داك...المهم مبارك عليكم الشركة ونجاحها💙..والحاجات الرهيبة العملتوها في حياتكم...مقداد قال:-أحم أحم...يؤسفني أقول ليك أنت الوحيد العازب بينا..قولته ليهو:-واضح واضح...أنجزتو بدري بدري...لكن لاحقكم أصبروا بس😏...مجدي قال لي:-لاااااحقنا وين ياخ...أنا عجزتا عديل...مجتبى قرب يبقى طولي...قولته ليهو:-بالله عندك ولدك أسمه مجتبى !...قال لي:-طبعاً...هو أنا لاقي اسمي ولدي عليك💙..بقيت اعاين ليهو وقولته:- عاوز اشوفهم....ليالي قالت:-ما طلبتا حاجه أبداً...نظبط يوم نتلاقى فيه كلنا...تجوا تتغدوا عندنا💙...قولته ليها:-تمام...قريب إن شاء الله...بعدها كل واحد طلع ومشى مكتبه...أنا مشيت مع مجدي مكتبه..كنت بسأله من خالة فاطمة وأبوه...وأخدتنا الونسة..كان بعاين لي وبعدها قال:- نحنا كنا أخوان يا كيرال..ما أصحاب..كنت أتمنى وقتها أقيف معاك في محنتك وما أفهمك غلط..بس ما كنت مديني فرصة💔...قولته ليهو:-السنين غيرت فيني يا رُسلان...نزعت رحمتي...هو أنا كنتَّ قاسي!؟...قال لي:-عمرك ما كنت كده...قولته:-طيب أناني !؟..قال لي:-الأنانية لليوم ما عرفت طريق لقلبك..هون على نفسك💙...!

"بعد مرور أيام"

"على لساني"

_مِشعل كان عنده مشاكل في الشغل الفترة الفاتت وما كان مركز معاي أنا والاولاد...في يوم جاا راجع بدري..لقاني بحضر فيديوهات عن متلازمة الداون وجنبي فرزدق ماسك الكاميرا وبصورني بيها😂💙..جاا شالو في رجولو...قولته ليهو:- جيت بدري..غريبة..قال لي:-ما كان في شي مهم...ها كيفك!؟..قولته ليهو:-تمام التمام....قال لفرزدق:-والبطل حقي!..أنت كويس يا بابا..قال ليهو بلسان تقيل:-كويس...باسه في راسه وقال:-وين سما...قولته ليهو:-ناااايمة...كده يا فرزدق الكاميرا..اشوفك صورت شنووو...شلت منو الكاميرا وبقيت أتفرج💙💙💙..مِشعل قال لي:-الود ده ح يطلع مُبدع...قولته ليهو:-زي أمه🙈🙈...قال لي:-أحسن مني ومن أمه..بعدين المساء خلينا نطلع نغير جو...في ملل حاصل..قولته ليهو:-طيب وانا موافقة..!!

للمساء اتجهزنا قبل نطلع من الغرفة..مِشعل مسكني وقال:-دي شنو الحلا البقيتي فيها دي💙..قولته ليهو:-حلا شنو بالكرشة دي😂😂..قال لي:-أحلى ما في الموضوع الكرشة والله...قرب علي شوية..تلفوني إتصل..قولته ليهو:-التلفووون..قال لي:-ما وقته ياخ..خلي يضرب..أكيد ما زول مهم يعني..قولته ليهو:-يمكن زول مهم وبعدين نحنا طالعين...كانت ليالي..رديت ب:-ألوو...بعد سلمت علي وكده..قالت:-أسمعيني يوم الخميس عازمين مجتبى غداء..لازم تجي وبدري كمان💙..قولته ليها:-طيب أنا حالياً طالعة بس أرجع بتصل عليك تمام!؟ قالت لي:-أوكي...بس ضروري ما تنسي...بعد قفلت منها..مِشعل قال لي:-نمشي!!..قولته ليهو:-يلاا...

"على لسان لِّينا"

_بعد بهدلة في الوصف والاستفسار..وصلتا المكان اللي أتفقنا نتلاقى فيه أنا ومجتبى...أول ما شافني قال :- الواحد لو عاوز يشوفك بتبهدل قدر ده لكن!!..قولته ليهو:- أعمل شنو انا...كل حاجه متغيرة في البلد..المهم إني وأخيراً وصلتك😂😂أتخيل كنت أضيع...قولته ليها:-ح ألقاك يا لين💙...قالت لي:-ها ها..أحكي لي الحصل شنو...مع أهلك واصحابك...بقيت أحكي ليها وكانت مستمعه لكل حرف بقوله...أخرتها قالت:-الحمد لله اللي اتصافيتوا💙✨..أنا حكيت ليك إنو إيناس طلعت جارتنا...قولته ليها:-بالله..قالت:-والله..بس انا ما كلمتها إني بعرفك وكده..قولته ليها:-ليييه..كنتي تكلميها..كده كده ح تعرف لأنو مجدي وليالي عازمني غداء يوم الخميس وأنتي ح تجي معاي..قولته ليهو:-أنااا..لا ما ح أمشي معاك...قال لي:-لا ما هو انا ما بستشيرك..ح تمشي معاي غصباً عنك🙄...قولته ليهو:- ح أمشي معاك على أي أساس...قال لي:-دقيقة أنتي لحدي الان ما عرفتي على أي أساس يا لينا...زعليني لسه زعليني...

"في بيت مجدي"

"الراوي"

_كل البيت كان متواجد خلال سهرة ليلية ومستمتعين..لحدي الساعة9..كل واحد دخل غرفته..عدا واحد بس...مجتبى طول القعدة كان براقب أبوهو وهو بشرب السيجارة بتلذذ...دخل المطبخ جاب كبريتة...ولسوء الحظ لقى علبة مجدي برة في الصالة...أخد سيجارة واحده وولعها...من أول نفس بدا يكح بصوت عالي ودموعه جرت....ليالي لما سمعت صوت كحه برة..طلعت عشان تستفسر أول ما شافته أتخلع ومع خلعته رمى السيجارة ورا التلاجه اللي بدت تعمل مبادئ حريق....!

#نتلاقى